Vafeso 4:7 - KITABU KITAKATIFU

⁷ Navutswa kwa hebwa sa mulala tsimbabasi kuli kigero kyekihaanwa kya Kristo.

Vafeso 4:7 ပူးပေါင်းရင်းမြစ်များ

Matayo 25:15

Ya ha mulala vigero vitanu, na wundi viviri, na wundi kilala; sa mulala va hebwa kuli tsi ngulu tsvavo; na a tsia ulugendo lwilwe.

Yohana 3:34

Kigira uyo wa Nyasaye ya tuma a vola amakuva ga Nyasaye: kigira Nyasaye si a mu ha Roho nekigero.

Varumi 12:3

Kigira ku tsimbabasi tsya nda hebwa, mbola ku vosi ava veye mu mwinye, va teganagana kuvita yaga ga mu dukira a ganagane; navutswa yeganagane ha a duki vutswa, kuli Nyasaye a gavulira vosi kigero kyelisuuvira.

2 Vakorintho 6:1

Muye. Na kwinye ku yinzira halala naye ku mu goonya kandi mu ta vugula tsimbabasi tsya Nyasaye tsi ve tsya vutswa.

Vafeso 3:2

ni mu va ni mu hulira amakuva gobulindi bwetsimbabasi tsya Nyasaye tsya nda hebwa kigira mwinye;

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Vahebraina 2:4

Nyasaye kandi ya lolekidza halala navo, ku vilolekidzu, noku vyokugenya, noku tsingulu tsinyingi, noku vihaanwa vya Roho Mutakatifu kuli ubulaliri bwibwe.

1 Petro 4:10

kuli mundu sa mulala ya nyola kihaanwa, ni mu ki tumekira hagati henyu, kuli avalindi avalahi vetsimbabasi tsya Nyasaye tsi veye tsing'ano tsinyingi.