Vafeso 4:32 - KITABU KITAKATIFU

³² mu ve nobuhooma avene navene, nokuvererana tsimbabasi, nokusamehana avene navene, kuli Nyasaye ya sameha mwinye mu Kristo.

Vafeso 4:32 ပူးပေါင်းရင်းမြစ်များ

2 Samweli 7:21

Kigira makuva gogo, na kandi kuli mwoyo gugwo mwene, ive u koli ubunene yibwo bwosi, u duke kumannya inze mutumekiri wowo.

Zaburi 112:9

A sugeridzi, na a haani ku avadaka; Ubulungi bwibwe bu hindiranga mihiga nemihiga: Ulwiga lwilwe lu la nenehidzwa nobukumi.

Zaburi 145:9

Yahova a veye mulahi ku vosi; Na tsimbabasi tsitsye tsi veye ku miyinzi gyigye gyosi.

Tsing'ano 12:10

Mundu mulungi a lindanga ubulamu bwemitugu gyigye; Navutswa tsimbabasi tsyomuda mano tsi veye ubululu.

Tsing'ano 19:11

Liganagana bulahi lyomundu li mu kola kuva mwekudziri ku butima; Na bu veye ubukumi bwibwe kusunda mahyolo.

Tsing'ano 19:22

Kya kola mundu kuyanzwa ki veye tsimbabasi tsitsye; Na mudaka a veye mulahi kuvita mubehi.

Isaya 57:1

Mulungi a diva, na si ha veye nomundu u ga vika mmwoyo; avetsimbabasi va twulidzangwa, na si ha veye na u ganagana avalungi va twulidzwa ku budamano budzanga.

Jeremia 38:12

Na Ebedi meleku Muethiopia ya volera Jeremia, Vika tsingubo tsinkulu yitsi, na tsingubo tsya gunda isi wemigoye mu tsikwaha tsitsyo. Na Jeremia ya kola ndiyo.

Matayo 6:12

U ku samehe magovi getu, kuli kwinye ku sameha avamagovi getu.

Marko 11:25

Lwa mu singera kusaala, ni mu ve nekindu kumundu, mu mu samehe; Dada wenyu u veye migulu a duke kumusameha ubwoni bwenyu.

Luka 1:78

Kigira tsimbabasi tsinene tsya Nyasaye wetu, Kutsyo ubulavu bu twula igulu bu la ku dukira,

Luka 11:4

U ku samehe ubwoni bwetu; kigira kwinye avene ku sameha avoni vetu. U ta ku hila mu ligeridzwa.

Luka 17:4

Kandi na a kwona hali katanu na kaviri ku lidiku lilala, kandi ni yirana hali katanu nakaviri, na a vola, Nzeganiye; u mu samehe.

Luka 6:35

Navutswa mu yanze avasigu venyu, mu kole bulahi, mu hambidzane kivete mu ta suuvira mu liranyirwa; na madanyi genyu ga la va manene, kandi mu la va avana va Uveye Igulu Ligali: kigira a veye mulahi ku ava ta santidza navadamano.

Luka 6:37

Mu ta kalagira, na mwinye si mu li kalagirwa mba: kandi mu ta kyaya, na mwinye si mu la kyaywa mba: mu sameha na mwinye mu la samefwa.

Vikolwa 28:2

Avayovoyi va ku kolera tsimbabasi tsi ta li tsyamadiku gosi: kigira va lwana muliru, ni va kwi ngiridza kwosi, kigira imbula i kupanga, kandi kigira ubukindu.

Varumi 12:10

Mu buyanzani bwenyu mu yanzane bulahi avene navene; mwimiridzane mu bukumi ku vakye venyu;

1 Vakorintho 13:4

Ubuyanzi bwikudziranga, bu kolanga ubuhooma, ubuyanzi si bu veye nembodoka; kinga si bu kola uluyai, kinga si bwigingira,

2 Vakorintho 2:10

Navutswa ku uyu wa mu sameha kindu ku vyosi, inze kandi mmu sameha: kigira kindu kya inze nsamehi, ni mba ni nsamehi kindu ku vyosi, nsamehi kigira mwinye imbiri wa Kristo;

2 Vakorintho 2:7

ndiyo nu bulahi mwinye mu mu samehe nokumuleminya mwoyo, gase ku makuva gosi mundu kuli uyu a la mirwa ku likira lyobuvereri bwibwe.

2 Vakorintho 6:6

mu litakaswa, mu limanya, mu lyekudzira, mu likolera avandi bulahi, mu Roho Mutakatifu mu liyanza li ta li nobugadi,

Vafeso 5:1

Kigira yaga mu ve avegi ku Nyasaye, kuli avana va yanzangwa;

Yakobo 5:11

Henza, ku lola yava kuva nobugasu avikudzira: mu huliye amakuva gobwikudziri bwa Ayubu, kandi mu loli litwekidza lyo Mwami, kuli Mwami wizuye tsimbabasi, nelivererera.

2 Petro 1:7

nomu litibwa lya Nyasaye lyenyu mu tese mu liyanza avamwavo; nomu liyanza avamwavo mu tese mu ubuyanzi.

1 Yohana 1:9

Ni kweyama ubwoni bwetu, a veye musuuviridzi kandi a veye mulungi kuduka kusameha ubwoni bwetu, nokukwogidza vyosi vi ta li ubulungi.

1 Yohana 2:12

Mmu ng'odera mwinye, avana vange, kigira ubwoni bwenyu bu sameheywi kigira lieta lilye.

Ruth 2:20

Na Naomi ya volera navizala wewe, Yahova a mu gasidze u vulanga kuleka kukolera ava veye mwoyo tsimbabasi, na kandi kuvo ava kudza. Na Naomi ya mu volera, Mundu uyu a veye ku aviko vetu, a veye mulala ku avenyumba yetu himbi.