Vafeso 4:30 - KITABU KITAKATIFU

³⁰ Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

Vafeso 4:30 ပူးပေါင်းရင်းမြစ်များ

Litanga 6:3

Na Yahova ya vola, Roho wange si a la hing'ana nomundu, mihiga nemihiga, kigira a veye inyama kandi: navutswa madiku gege ga la va mihiga mia na makumi gaviri.

Litanga 6:6

Na Yahova yeganira ku lilomba mundu ku lirova, na a vereridzwa mmowyo gwigwe.

Zaburi 78:40

Hali kanyinga va hing'ana naye mwigendanyama, Na va mu vereridzira mu kyangalangwi

Zaburi 95:10

Mihiga makumi gane nda verereridzwa nelikula yilyo, Na mbola, Va veye ihiri ya avandu va gota mu myoyo gyavo Na va vuli kumanya tsinzira tsyange:

Isaya 43:24

Si wa ngulira mikonye nefetha yoyo, kandi wa vula kunzigutidza na maguta gevihaanwa vivyo; navutswa u mmini no bwoni bubwo, u nduhidzi nobudamano bubwo.

Isaya 63:10

Navutswa va kola ubwebaali, ni va verereridza Roho Mutakatifu wewe: kigira yaga ya girunkana a duke kuva musigu wavo, naye ya lwana navo.

Isaya 7:13

Naye ya vola, Mu hulire kalunu avenyumba ya Daudi: Ni kindu kike keke ku mwinye kuluhidza avandu ga luhe ga duke kandi ku mwinye kuluhidza Nyasaye wange?

Ezekieli 16:43

Kigira ive si widzulitsi madiku go busoleli bubwo mba, nawtswa u mbihiriridzi mu vindu yivyo vyosi, ku nangwa, henza, nda leta inzira yoyo ku mutwe gugwo, Mwami Nyasaye a vola: si u la tumekira tsiganagani tsindamano ku kivihiri kikyo kyosi mba.

Hosea 13:14

Inze nda va honnya kutwula ku tsingulu tsyekihadisi; nda va honnya kutwula ku likudza: O likudza, ma duya gogo ga veye haliha? O Kihadisi, lidividza lilyo li veye haliha? Lyeganira li la viswa ku tsimoni tsyange.

Marko 3:5

Lwa ya va henza na a vihirirwa, na a verera kigira budinyu bwemyoyo gyavo, ya volera mundu, Nyira mukono gugwo. Na a nyira mukono ni gu hona ni gu leng'ana nogundi.

Luka 21:28

Navutswa lwevindu yivi vi li tanga kuduka, mu luvirire, mu digulule mitwe gyenyu: kigira libohololwa lisunda himbi.

Yohana 3:33

Uyu u mali kubugirira lilolekidza lilye, u mali kukupa kyokulolera kyikye ku yaga, Nyasaye nu weligali.

Vikolwa 7:51

Mwinye avamagoti madinyu, avemyovo gyenyu namatu genyu vya vula kukebwa, mwinye kazozo mu hingidza Roho Mutakatifu: kuli vaguga venyu va kola, kandi mwinye mu kola.

Varumi 8:11

Navutswa Roho wa uyu wa simugukidza Yesu kutwula mu vakudzu na a va na a menya mu mwinye, uyu wa simugukidza Kristo Yesu kutwula mu vakudzu, kandi a la simugukidza imibiri gyenyu gyeli kudza klgira Roho wewe u menya mu mwinye.

Varumi 8:23

Navutswa si ga li yaga geng'ine, navutswa kwinye kandi ava ku veye nobuhya bwa Roho, kali kwinye ku kenyanga avene, ku lindirira libugirirwa kuva avana, nalyo nobuhonnyi bwemibiri gyetu.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

1 Vakorintho 15:54

Navutswa ubwoneku yibu lwa bu li mala kuvikwa livula kwoneka, ka ndi lihambana nelikudza lwa li la mala kuvikwa li vula kukudza, hene yaho li la duka livola lya ng'odwa yili, Likudza li mireywi mu liguutwa

1 Vatesalonike 5:19

Mu ta siminya Roho;

Vahebraina 10:29

mu loli ndi, nasindi uyu u duvagi Mwana wa Nyasaye, nokuvola amasahi gelilaga na aga ya takaswa nago ga veye kindu kidamano, nokulega Roho wetsimbabasi, ga mu dukira kuhebwa amageli hali ganga?

Vahebraina 3:10

Kigira yaga nda vihirirwa likula yili, Kandi nda vola, Kazozo va kyama mu myoyo gyavo; Kigira yaga si va manya tsinzira tsyange;

Vahebraina 3:17

Kandi ni bwaha ava ya vihirirwa mihiga makumi gane? Si va li yavo ava kola ubwoni, avemibiri gyavo gya gwa mu kyangalangwi?

Vakalagi 10:16

Navo va twulidza vanyasaye vageni ava li hagati havo, na va tumekira Yahova: nomwoyo gwigwe gwa verera kigira kivi kya Israeli.