Vafeso 4:23 - KITABU KITAKATIFU

²³ kandi mu kolwe avandu avahya mu roho gwobugeeri bwenyu,

Vafeso 4:23 ပူးပေါင်းရင်းမြစ်များ

Zaburi 51:10

U nombere mwoyo mulavu, O Nyasaye; Kandi u nzirannyire roho muhya mugati mwange.

Ezekieli 11:19

Na nda va ha mwoyo mulala, na nda vika roho muhya mu mwinye; na nda twulidza mwoyo gwamagina mu mibiri gyavo, na nda va ha mwoyo gwenyama;

Ezekieli 18:31

Mu te amahyolo ge nyu gosi, aga mwa hyola mugo; mwelombere myoyo mihya na roho muhya: kigira ki mu la kudza, O inyumba ya Israeli?

Ezekieli 36:26

Kandi nda mu ha mwoyo muhya, na nda vika mu mwinye roho muhya; nda twulidza umwoyo gweligina gu veye mu mubiri gwenyu, na nda mu ha mwoyo gwenyama.

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

Varumi 6:4

Kunangwa kwa tebwa halala naye ku libatidzwa mu likudza: kuli Kristo ya simugukidzwa nobukumi bwa Dada kutwula mu vakudzu, kandi kwinye ku nyale kugenda mu buhya bwelivamwoyo.

Varumi 8:6

Kigira liganagana lyomubiri li yeye likudza; navutswa liganagana lya Roho li veye livamwoyo, kandi ii veye mirembe.

Vafeso 2:10

Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Vakolosai 3:10

kandi mwiviki mundu muhya, u kolangwa muhya a duke a nyole limanya kuli ligondo lyowa mu lomba:

Tito 3:5

si ku li ku miyinzi gyobulungi gya kwa kola kwinye avene, navutswa ya ku honnyira ku tsimbabasi tsitsye, nelyogidza lyelivulwa lihya nokukolwa ubuhya kigira Roho Mutakatifu,

1 Petro 1:13

Kigira yaga mu bohe vikenge vyemyoyo gyenyu, mu ve nobugeeri, mu vike lisuuvira lyenyu ligali ku tsimbabasi tsya mu li leterwa mu lilang'aminywa lya Yesu Kristo;