Vafeso 4:22 - KITABU KITAKATIFU

²² ku lugano lwe vindu vyelimenya lya kale, mu twulidze mundu wa kale, wonekanga kigira likayirwa lyobugadi;

Vafeso 4:22 ပူးပေါင်းရင်းမြစ်များ

Ayubu 22:23

Nu u va ni wirana ku uyu Wanyala Vyosi, u lombakwa, Nu u va nu u twulidza ubukyamu bu ve ihale ku lihema lilyo,

Tsing'ano 11:18

Mudamano yenyolera madanyi gobugadi Navutswa uyu u midzanga bulungi a veye namadanyi geligali.

Jeremia 17:9

Mwoyo yigwo nogwobugadi kuvita vindu vyosi, gu veye nobudekeranu buvitiriru: ni bwaha a nyala kugumanya?

Jeremia 49:16

Ku makuva gelitihidzwa lilyo, luyai lwomwoyo gugwo lu ku gadanga, O ive u menyanga mu tsinkombe tsyamagina, u gumiranga hadiguluku hekigulu: kaliva nu u vika kyaalira kikyo igulu ligali kuli indidzu, nda kwikidza kutwula yo, Yahova a vola.

Obadia 1:3

Luyai lwomwoyo gugwo lu ku gadi, O ive u menyanga mu tsimbangaywa tsyolwanda, wobumenyo bubwo bu veye igulu, a volanga mmwoyo gwigwe, Ni bwaha u nyala kunzikidza kuduka hasi?

Varumi 6:6

Ku manya yaga, mundu wetu wa kale ya bambwa halala naye, mubiri gwobwoni gwononywe, ku ta va kandi avatugwa vobwoni.

Varumi 7:11

Kigira ubwoni bwa nyola ubwiyangu ku lilaga bwa ngada, ni bu nziita kulyo.

2 Vakorintho 11:3

Navutswa ntidza gase ku vyosi, tsiganagani tsyenyu tsi la gotidzwa nokuleka ubugasu bwomwoyo nobulahi obu yeka ku Kristo kuli inzoka ya gada Hawa nobugeeri bwayo.

Vagalatia 1:13

Kigira mwinye mwa hu lira amakuva golugendo lwange kutwula kale mu idini ya Vayuda, kuli nda dambidza livugana lya Nyasaye kuvita kigero, kandi nda lyononnya:

Vafeso 2:3

Na kwinye kwosi kwa menya muvo ku matsyambiri, mu likayirwa lyemibiri gyetu, ni ku londa ubulaliri bwomubiri nobwetsi ganagani, kandi ku liva lyetu kwa li avana vobutima kuli avandi:

Vafeso 4:17

Kunangwa mbola yaga, kandi ndolekidza mu Mwami, mwinye mu ta genda kandi kuli Avetsihiri va gendanga, mu tsiganagani tsyavo tsya vutswa,

Vafeso 4:25

Kigira yaga mu sule ububehi, sa mulala a volere wakye ageligali: kigira ku veye vivero avene navene.

Vafeso 4:31

Ubululu bwosi, nobutima, nelivihirirwa, neliyoga, namanyego, vi twu lidzwe ku mwinye, halala nembodoka yosi:

Vakolosai 2:11

Wa mu mali kukeverwa mu nelikevwa li ta kolwa namakono, mu lifwuvula lyomubiri gwenyama, mu likevwa lya Kristo;

Tito 3:3

Kigira kwinye kandi ku matsyambiri kwa li bugira limanya, kwa vula kuhulira, kwa gadwa, kwa tumekira likayirwa lidamano nelyeyanzidza lidamano tsing'ano netsing'ano, kwa menya mu imbodoka nomu likendeka, avavihiriridzi, avavihiriranwi avene navene.

Vahebraina 12:1

Kunangwa kigira yaga, kwinye kandi kigira ku lola ku kumbiridzeywi nelilesi linene lyavalolekidzi, ku vike ha luvega imisigo gyosi miliduhu, nobwoni bu ku kumbiridza ligali, ku nyagule nobwikudziri ku ligerana li vikeywi imbiri wetu,

Vahebraina 3:13

Navutswa mu tsuvane avene navene kazozo, inyinga yelilangwa Lero; gase mulala ku mwinye a la kolwa mudinyu nobugadi bwobwo ni.

Yakobo 1:21

Kigira yaga ku livika ha luvega kifwabwi kyosi, nobunyingi bwobudamano, mu vugule nobuhooma likuva li simikangwa li nyala kuhonnya myoyo gyenyu.

Yakobo 1:26

Mundu ni yeganagana a veye wedini, naye na a ta boha lulimi lwilwe nelijamu, navutswa a gada mwoyo gwigwe, mundu uyu, idini yeye neya vutswa.

1 Petro 1:18

kigira mu manya mwa honnywa, si bwa li ku vindu vyonekanga kuli ifetha kinga ithahabu, kutwula ku limenya lyenyu lya vutswa lya mwa nyola ku vaguga venyu;

1 Petro 4:3

Kigira tsinyinga tsya vita tsi hereridzi kukola yaga aga Vetsihiri venyanga, nokugenda mu kifwabwi, nomu likayirwa, nomu lihambika, nomu lisyeva, nomu linwa, nomu lisalisa misambwa gyekivihiri:

2 Petro 2:13

ubudamano bu va gwira kuli amadanyi gelikola ubudamano, ava lolanga nu bulahi kulonda ubuhuvali mu mbasu, ubudondonye netsimbala, va londa ubuhuvali mu bugadi bwavo, inyinga va veye mu lilia halala nemwinye;

2 Petro 2:7

kandi ya honnya Loti wobulungi, wa vereridzwa ligali ku limenya lyekifwabwi lyavebaali

1 Samweli 1:14

Na Eli ya mu volera, u la va muhambiki kuduka inyinga ki? U leke iwaini yoyo.