Vafeso 4:2 - KITABU KITAKATIFU

² nobwegehidzu bwomwoyo bwosi nobuhooma, kandi nobwikudziri, mwikudzirane avene navene mu buyanzi;

Vafeso 4:2 ပူးပေါင်းရင်းမြစ်များ

Zaburi 138:6

Kigira kali Yahova a veye igulu, navutswa a henza avegehidzi; Navutswa a manyiranga ihale avenenehidzanga.

Zaburi 45:4

Na mu bunene bubwo u gende nobugasu, Kigira ageligali na ubuhoma na ubulungi: Na mukono mulungi gugwo gu la ku mannya vindu vyokutihidza.

Tsing'ano 16:19

Nobulahi kuva nomwoyo gwokwegehidza halala navadaka, Kuvita ligavula vilanye halala na avoluyai.

Tsing'ano 3:34

Ligali a la lega avalegi; Navutswa a hedzanga avegehidzi ubulahi.

Kohelethu 7:8

Kiheri kyekindu ni kilahi kuvita litanga lyakyo: na u veye mwekudziri mu mwoyo nomulahi kuvita u veye nomwoyo gwoluyai.

Isaya 57:15

Kigira Mulala u veye igulu ligali wa nenehidzwa u menya nga mu mihiga nemihiga, welieta lilye li veye Litakatifu, a vola: Inze menya hadiguluku na hatakatifu, halala na uyu u veye na roho gwokweganira nokwegehidza, nduke kusimugukidza roho gwa vegehidzi, nokusimugukidza myoyo gya yavo aveganiranga.

Zefania 2:3

Mwenye Yahova, mwinye vosi avahokya velirova, ava gumiranga likalaga lilye; mwenye ubulungi, kandi mwenye ubuhokya: namusia mu la viswa mu lidiku lyobutima bwa Yahova.

Zekaria 9:9

U sangale ligali, O mukana wa Zioni; u kupe isango, O mukana wa Yerusalemi: henza, Mwami wowo yadza ku ive; wobulungi, a veye nobuhonnyi; muhooma, na a nina ku isukiri, m)ku kimoli mwana wesukiri

Livalidza 12:3

Mundu uyu Musa ya li muhokya ligali, kuvita avandu vosi ava li ku lirova.

Matayo 11:29

Mu ginge inira yange, mwegire ku inze; kigira inze mbeye mhooma nomuhokya: mu la nyola lisosa mu myoyo gyenyu.

Marko 9:19

Ya va tivulira na a vola, Likula li vula kusuuvira, nda va halala nemwinye kuduka inyinga ki? Ndekudzihidzira ku mwinye kuduka inyinga ki? Mu mu lete ku inze.

Vikolwa 20:19

ni ntumekira Mwami nobuhokya bwosi bwomwoyo, kandi namaliga nobugeridzwi bwa ngwira kigira tsiluku tsya Vayuda;

Varumi 15:1

Kalunu nu bulahi kwinye ava ku veye netsingulu ku ginge ubudedekere bwa va ta li netsingulu, ku vule kweyanzidza kwinye avene.

1 Vakorintho 13:7

ubuyanzi bu kunikanga vindu vyosi, bu suuviridzanga vindu vyosi, bu suuviranga vindu vyosi, bwikudziranga ku vindu vyosi.

Vagalatia 6:2

Mu konyane ku maliduhu mundu sa mulala nowakye, na ndiyo mu la dukidza miima gya Kristo.

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vakolosai 1:11

Mu dinyeridzwe netsingulu tsyosi, kuli ubunene bwobukumi bwibwe, kuduka ku buhokya bwosi nobwikudziri bwosi halala nobusangali;

1 Timoteo 6:11

Navutswa ive, O mundu wa Nyasaye wiruke vindu yivi; u londe buiungi, nelitibwa lya Nyasaye, nelisuuvira, nobuyanzi, nobwikudziri, nobuhooma.

2 Timoteo 2:25

a ve nobuho kya mu lyeganehidza avahing'ana; mbula Nyasaye a va he lyeganira kuduka ku limanya ageligali,

Yakobo 1:21

Kigira yaga ku livika ha luvega kifwabwi kyosi, nobunyingi bwobudamano, mu vugule nobuhooma likuva li simikangwa li nyala kuhonnya myoyo gyenyu.

1 Petro 3:15

navutswa mu takase Kristo a ve Mwami mu myoyo gyenyu: mwetegeke madiku gosi kutivulira mundu sa mulala u mu teva ku lisuuvira lya mu veye nalyo, navutswa mu kole nobuhooma nobutii:

1 Petro 3:8

Agekiheri, mu ve nomwoyo mulala, ava koleranira tsimbabasi, ava yanzana kuli avamwavo navamwavo, nayetsimbabasi tsyomugati, navemyoyo myegehidzu: