Vafeso 4:17 - KITABU KITAKATIFU

¹⁷ Kunangwa mbola yaga, kandi ndolekidza mu Mwami, mwinye mu ta genda kandi kuli Avetsihiri va gendanga, mu tsiganagani tsyavo tsya vutswa,

Vafeso 4:17 ပူးပေါင်းရင်းမြစ်များ

Nehemia 13:15

Mu madiku yago mu Yuda nda lola avandu ava duvaganga kyokumina iwaini ku lidiku lyelisa bato, na va letanga viganda vyobusuage, nokudwika tsisukiri tsyavo; kandi iwaini na mazabibu, na ma kuyu, nemisigo gyetsing'ano tsyosi, tsya va leta mu Yerusalemi ku lidiku lyelisabato: na nda lolekidza kuvo mu lidiku yilyo lya va gulidzanga vyokulia.

Jeremia 42:19

Yahova u voye ku vindu vyenyu, Mwinye avatigala va Yuda, mu tingira Egepeti mba: mu manye ligali, inze ndolekidza ku mwinye lero.

Kyavalevi 15:18

Na mukali womusatsa a gona naye, vombi va lisinga mu amadzi, na va la va vadamano kuduka mgolova.

Luka 16:28

kigira mbeye navamitu vatanu; a duke kuvavolera, gase va la duka hokusa lira hano.

Vikolwa 14:15

ni va vola, Mwinye avasatsa, kigira ki mu kola vindu yivi? Kwinye ku veye avandu kuli mwinye, kwinye ku mwilwadzira amakuva malahi, mu leke vindu yivi vyavutswa, mu tumekire Nyasaye welivamwoyo, naye wa lomba ligulu nelirova nenyanza nevindu vyosi vi veye mu.

Vikolwa 18:5

Navutswa Sila na Timoteo lwa va duka kutwula Makedonia, Paulo ya tsuvwa mu mwoyo nelikuva na a lolekidzira Avayuda, Yesu a veye Kristo.

Vikolwa 2:40

Na a va mannya amakuva gandi manyingi, na a veganehidza, na a vola, Mwehonnye ku likula yili likyamu.

Vikolwa 20:21

nda loleki dzira Avayuda na Vagreki, lyeganira ku Nyasaye, nelisuuvira Mwami wetu Yesu Kristo.

Varumi 1:21

Kigira kali va manya Nyasaye, si va mwidzominya kuli a veye Nyasaye, kandi va msantidza; navutswa va girunkanywa kuva vutswa mu tsiganagani tsyavo, nemyoyo gyavo gyobusiru gya gwa kisundi.

1 Vakorintho 1:12

Aga mbola ni yaga, ku mwinye sa mulala a vola, Inze mbeye wa Paulo; na inze wa Apolo; na inze wa Kefa; na inze wa Kristo.

1 Vakorintho 15:50

Kalunu mbola yaga, avamitu, inyama namasahi si ga nyala kunyola ubwami bwa Nyasaye; kinga ubwoneku si bu nyala kunyola ubu ta li ubwoneku.

2 Vakorintho 9:6

Navutswa yaga mbola, Uyu u midzanga nobuimani a gesanga vyobwimani; kandi u midzanga nobuhaani agesanga vyobuhaani.

Vagalatia 3:17

Kalunu mbola yaga: Amalagano ga Nyasaye ya tanga kusingeridza, lilaga lya duka inyima imihiga ni gyi viti tsimia tsine namakumi gavaka, si li nyala kwononnya, kuduka kuzangalalidza lisuuviridzwa.

Vagalatia 5:3

Yee, mmu lolekidzira kandi ku vosi u bugirira likevwa, a veye neligovi a duke kukola lilaga lyosi.

Vafeso 1:22

Kandi ya vika vindu vyosi isi wevirenge vivye, kandi ya mu haana kuva mutwe ku vindu vyosi ku livugana,

Vafeso 4:22

ku lugano lwe vindu vyelimenya lya kale, mu twulidze mundu wa kale, wonekanga kigira likayirwa lyobugadi;

Kwidzulitsa 27:10

Kunangwa u hulire mwoyo gwa Yahova Nyasaye wowo, u kole malago gege nemiima gigye, ga nku laganga lero.

Vakolosai 2:18

Mu ta leka mundu kali mulala kumunyaga amadanyi genyu ku lyegehidza lyelyenya lilye mwene, nokusigamira tsingelosi, wiviki mu vindu vya malola, u vimbidzeywi mutwe vutswa mu tsiganagani tsitsye ku lugano lwomubiri,

Vakolosai 2:4

Mbola yaga ku vosi, mundu kali mulala a ta duka kumugada namakuva madoto.

1 Vatesalonike 4:6

mundu a ta ga manya nokugenderera amwavo wewe mu makuva yaga: kigira Mwami a veye mbanzi mu makuva yaga gosi; kuli kwa tanga kumumannya nokumulolekidzira.

1 Timoteo 5:21

Nku laga imbiri wa Nyasaye, nembiri wa Kristo Yesu, nembiri wetsingelosi ava tovolwa, u linde vindu yivi bugira kuva nelikalaga lya bwangubwangu, kandi u ta kola kindu kali kilala nelyeridza.

1 Timoteo 6:13

Nku tsuva imbiri wa Nyasaye, u hedzanga vindu vyosi livamwoyo, kandi imbiri wa Kristo Yesu, wa lolekidza lyeyama lilahi imbiri wa Pontio Pilatu;

2 Timoteo 4:1

Nku tsuva ligali imbiri wa Nyasaye kandi imbiri wa Kristo Yesu, u li kalagira ava veye mwoyo navakudzi, noku lilang'ama lilye noku bwami bwibwe:

1 Petro 1:18

kigira mu manya mwa honnywa, si bwa li ku vindu vyonekanga kuli ifetha kinga ithahabu, kutwula ku limenya lyenyu lya vutswa lya mwa nyola ku vaguga venyu;

2 Petro 2:18

Kigira mu livola amakuva ga vimba ligali ga vutswa va goonya mu likayirwa lyomubiri nekifwabwi, yavo ava tanganga kwiruka kutwula ku yavo ava menya mu bugadi;