Vafeso 4:13 - KITABU KITAKATIFU

¹³ kwosi ku luhe ku duke ku buhambani bwelisuuvira, nobwokumanya Mwana wa Nyasaye, kali kuduka kuva mundu mudukiru, kali kuduka ku kigero kyobunene bwelizula lya Kristo:

Vafeso 4:13 ပူးပေါင်းရင်းမြစ်များ

Isaya 53:11

A la lola ubululu bwelilumwa lyomwoyo gwigwe, na a la yanzidzwa: kigira lyemanya mwene mutumekiri mulungi wange, a la ha vanyingi ubulungi; naye a la ginga ubudamano bwavo.

Zefania 3:9

Kigira inyinga yeyo nda galukidzira avandu ululimi lulahi, vosi va duke kwanira lieta lya Yahova, va mu tumekire neliva lilala.

Zekaria 14:9

Na Yahova a la va Mwami welirova lyosi: mu lidiku yilyo Yahova a la va mulala, na lieta lilye lilala.

Matayo 11:27

Dada wange u mbeye vindu vyosi: kandi si ha veye wa manya Mwana, navutswa Dada; kandi si ha veye wa manya Dada, navutswa Mwana, naye wo Mwana a yanza kumuvuulira.

Yohana 1:16

Nu ku bwizuli bwibwe kwinye kwosi ku nyoye netsimbabasi ku tsimbabasi.

Yohana 16:3

Kandi yaga va la kola kigira si va manya Dada, kandi inze.

Yohana 17:21

vosi va duke kuva kindu kilala; kuli ive, Dada, u veye mu inze, na inze mu ive, kandi navo va duke kuva mu kwinye: avomkivala va duke kusuuvira ive wa ntuma.

Yohana 17:3

Kandi livamwoyo li ta hera mba ni yili va duke kumanya ive, Nyasaye weligali weng'ine, na uyu wa wa tuma, Yesu Kristo.

Yohana 6:69

Kandi kwinye ku suuviye, na ku manyi, ive u veye Mutakatifu wa Nyasaye.

Vikolwa 4:32

Kandi kiduma kya yava va suuvira va li nomwoyo mulala na roho mulala: si ha li nomulala kuvo wa vola kindu kya ya li nakyo, ni kyange; navutswa va sanga vindu vyosi.

1 Vakorintho 1:10

Kalunu mmu goonya ligali, avamitu, ku lieta lyo Mwami wetu Yesu Kristo, mu vole amakuva malala mwinye mwosi, kandi lyavukana li ta va ku mwinye; navutswa mu lalilidze imbulirani mu tsiganagani kandi mu makuva.

1 Vakorintho 14:20

Avamitu, mu ta va avana mu bugeeri bwenyu: navutswa mu imbodoka mu ve kuli avana, navutswa mu ve avakulundu mu bugeeri.

1 Vakorintho 2:6

Kwinye ku vola ubugeeri hagati havo ava veye avadukiru: navutswa si bu li ubugeeri bwenyinga yiyi, kandi si bu li bwavanene bwenyinga yiyi, ava li heridzwa.

2 Vakorintho 4:6

Kigira ni Nyasaye wa vola, Ubulavu bu la ng'ereng'ana kutwula mu kisundi, wa ng'ereng'ana mu myoyo gyetu, kukuha ubulavu bwelimanya lyobukumi bwa Nyasaye mumoni mwa Yesu Kristo.

Vagalatia 4:19

Avana va nge vadoto ava ndolera ku ubululu bwelivula kandi kuduka Kristo a loleke ligondo lilye mu mwinye

Vafeso 1:17

Nyasaye wo Mwami wetu Yesu Kristo u veye Dada wobukumi, a he mwinye roho gwobugeeri nogwelivuula lyokumumanya;

Vafeso 1:23

li veye mubiri gwigwe, nalyo ni lizula lilye wizulitsanga vindu vyosi mu vyosi.

Vafeso 2:15

na a twulidzira ubusigu mu mubiri gwigwe, nabuo bu veye lilaga lyamalago ya li mmi ima; a duke kulomba muye mwene mundu mulala muhya mu yava vaviri, na ndiyo a kole mirembe;

Vafeso 4:12

ku budukiru bwavatakatifu, kuduka ku miyinzi gyobutumwa, ku lyombaka lyomubiri gwa Kristo:

Vafeso 4:3

mwiguluhidze kulinda ubuhambani bwa Roho mu liboha lyemirembe.

Vafeso 4:5

Mwami mulala, nelisuuvira lilala, nelibatidza lilala,

Vafilipi 3:10

nduke kumanya uyu, netsingulu tsyelisimuguka lilye, nelisanga lyobusaliri bwibwe, nokufwananywa nelikudza lilye;

Vafilipi 3:8

Yee kandi inze ligali ndola vindu vyosi kuva ubugoti vutswa, kigira ubulahi kuvita bwelimanya lya Kristo Yesu Mwami wange: wa nda gotidzira ku, vindu vyosi, nokuvivalidza kuva amandu vutswa, nduke kunyola Kristo,

Vakolosai 1:28

Uyu wa kwilwadza, nokweganehidza avandu sa mulala, nokwegidza avandu sa mulala mu bugeeri bwosi, ku duke kusingeridza mundu sa malala a ve mudukiru mu Kristo.

Vakolosai 2:2

va duke kuleminywa mwoyo gwavo, va hambanywe halala mu buyanzi, kuduka ubutugi bwosi bwobudukiru bwelimanya, va duke kumanya ubuvisi bwa Nyasaye, obu veye Kristo,

Vahebraina 5:14

Navutswa vyokulia vidinyu vi veye vya vandu va duki, yavo kigira litumekira ubugeeri bwavo bu nalidzeywi kwavukannya ubulahi nobudamano.

2 Petro 1:4

ku yaga ya ku ha lisuuviridza lilye lilahi nelinene ligali; ku yilyo mu duke kuva avasangi aveliva lyo Bunyasaye, kigira mu hononoki ku bwoneku bu veye mu lirova kigira likayirwa.

2 Petro 3:18

Navutswa mu kulire mu tsimbabasi nomu limanya lyo Mwami wetu Muhonnyi Yesu Kristo. Ubukumi bu ve kuye kalunu imihiga nemihiga. Amini.

1 Yohana 5:20

Kandi kwinye ku manya Mwana wa Nyasaye uudzi, kandi u mali kukuha ubugeeri, ku duke kumanya uyu u veye weligali; kandi kwinye ku veye muye a veye weligali mu Mwana wewe Yesu Kristo. Uyu ni Nyasaye weligali, nelivamwoyo li ta hera mba.