Vafeso 3:9 - KITABU KITAKATIFU

⁹ nokukola vosi va duke kulola lugano lwobulindi bwagaviswa kutwula tsinyinga tsinyingi bwa viswa mu Nyasaye wa lomba vindu vyosi;

Vafeso 3:9 ပူးပေါင်းရင်းမြစ်များ

Zaburi 33:6

Ligulu lya lombwa nelikuva lya Yahova, Na lihe lyalyo lyosi lya lombwa nomwika gwomunwa gwigwe.

Isaya 44:24

Yahova Mutungiri wowo, wa ku lomba kutwula munda, a vola ndi: Inze mbeye Yahova, u lombanga vindu vyosi; u vagalanga ligulu, inze tsyeng'ine u vambulanga lirova (ni bwaha u veye halala na inze?);

Matayo 10:27

Aga mmu volera mu kisundi, mu vole habulavu; naga mu huliranga mgutu galaha, mu gambire ku inyumba.

Matayo 13:35

Ga duke aga volwa nomunwa gwomuprofeti, na a vola, Nda kunula munwa gwange kukupa tsing'ano; Nda vola vindu vya yiswa kutwula inyinga yelirova lya lombwa.

Matayo 25:34

Ma Mwami a la volera ava veye ku mkono mulungi, Mudze, avagasu va Dada wange, mu nyole miyandu gyo ubwami bwa mwa lomberwa kutwula inyinga yelirova lya lombwa:

Matayo 28:19

Kigira yaga mu tsie kukola avegidzwi ku tsihiri tsyosi, mu va batidze mu lieta lya Dada, nomu lyo Mwana, nomu Iva Roho Mtakatifu:

Luka 24:47

kandi lilwadzwa mu tsihiri tsyosi, lyeganira nelisameha lyobwoni ku lieta lilye, kutanga mu Yerusalemi.

Yohana 10:30

Inze na Dada ku veye kindu kilala.

Yohana 5:17

Navutswa Yesu ya va tivulira, Dada wange kali kuduka kalunu a kola miyinzi, na inze nkola miyinzi.

Yohana 5:19

Kigira yaga Yesu ya tivula na a va volera, Ligali, ligali, mmu volera, Mwana si a nyala kukola kindu mwene, navutswa vya a lola Dada a kolanga: kigira ku vindu vyosi vya a kola, yivi kandi Mwana a kola ndiyo.

Vikolwa 15:18

Mwami a vola, wa kola vindu yivi vi manyekar e kutwula kale.

Varumi 11:25

Kigira si nyenyi, mwinye avamitu, mu vule kumanya kya viswa yiki, gase mu la va nobugeeri bwenyu avene; ubudinyu bulala bu gwiriye Israeli, kuduka inyinga yobudukidza bwe Tsihiri bu duka kwingira;

1 Vakorintho 2:7

Navutswa kwinye ku vola ubugeeri bwa Nyasaye mu gaviswa, ubugeeri bwa viswa, bwa Nyasaye ya singeridza imbiri wetsinyinga yitsi ku lidzominywa lyetu.

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vafeso 3:2

ni mu va ni mu hulira amakuva gobulindi bwetsimbabasi tsya Nyasaye tsya nda hebwa kigira mwinye;

Vafeso 6:19

kandi inze, nduke kuhebwa livola mu likunula munwa gwange, kuvuula nobuluviriri agaviswa gevangeli,

Vakolosai 1:23

ni mu va ni mu menya mu lisuuvira, nokuvikwa muse kuli vikongo, nokuva nobwidinyiridzi, kandi mu ta girunkanywa mu myoyo kuleka lisuuviridzwa lyevangeli lya mwa hulira, yilwadzwa mu vilombe vyosi vi veye musi mweligulu; ya inze Paulo nda kolwa mutumwa.

Vakolosai 1:26

ubuvisi bwa viswa kutwula kale nokutwula ku makula namakula: navutswa kalunu bu vuuleywi ku vatakatifu veve.

Vakolosai 3:3

Kigira mwa kudza, nelivamwoyo lyenyu li viseywi halala na Kristo mu Nyasaye.

Vakolosai 4:3

kandi mu saalire kwinye, Nyasaye a kwigulire kiliango kyelikuva, kuvola agaviswa ga Kristo, aga mbeye muhambe kugo;

2 Vatesalonike 2:13

Navutswa ga dukira kwinye kusantidza Nyasaye kazozo kigira mwinye, avamitu avo Mwami a yanza, kigira Nyasaye ya tovola mwinye kutwula invinga yelitanga, mu nyole ubuhonnyi mu litakaswa lya Roho nomu lisuuvira ageligali:

1 Timoteo 3:16

Kandi ni likuva li ta li nelihayahayidzwa, liviswa lyelihulira Nyasaye li veye linene; Uyu ya lang'aminywa mmubiri, Nokuvolwa kuva mulungi mu roho, Nokuloleka ku tsingelosi Nokwilwadzwa mu Tsihiri Nokusuuvirwa mu lirova, Nokuvugulwa migulu mu bukumi.

2 Timoteo 1:9

wa honnya kwinye na a ku langa nelilanga litakatifu, si ga li kuli miyinzi gyetu navutswa kuli ubulaliri bwibwe nelivererera lilye lya kwa hebwa mu Kristo Yesu imbiri wetsinyinga tsya kale,

2 Timoteo 4:17

Navutswa Mwami ya singira halala na inze, nokumpa tsingulu; nduke kugamba lilwadza nobudukiru bwalyo, avandu vosi ve Tsihiri va duke kuhulira: na inze nda honnywa mu munwa mweking'ang'a.

Tito 1:2

mu lisuuviridzwa lyelivamwoyo li ta hera mba, lya Nyasaye a ta nyala kuveha, ya suuviridza imbiri wemihiga nemihiga;

1 Petro 1:20

wa tanga kumanyekana ligali inyinga lirova lya li li kikiri kutemwa muse, navutswa ya lang'aminywa ku kiheri kyetsinyinga kigira mwinye,

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 14:6

Kandi nda lola ingelosi wundi na a buluka hagati hobwerefu, u veye nevangeli yemihiga nemihiga kwilwadzira ava menya mu lirova, tsihiri netsimpya netsinimi navandu;

Likunula 17:8

Inyama ya wa lola ya li ho, si i veye ho; kandi i veye himbi kutwula mu bogo nokutsia mu lidiva. Kandi ava menya ku lirova va la genya, vava avelieta lyavo lya vula kung'odwa mu kitabu kyelivamwoyo kutwula inyinga lirova lya lombwa muse, inyinga va lola inyama, kuli wa ya li ho, kandi ai ya veye ho, kandi a la va ho.

Likunula 4:11

Ive u dukani, Mwami wetu na Nyasaye wetu, kuhebwa ubu kumi yibu nelidzominywa yili nelinyala yili: kigira ive wa lomba vindu vyosi, kandi kigira ubulaliri bubwo vya li ho, kandi vya lombwa.