Kigira ku tsimbabasi tsya nda hebwa, mbola ku vosi ava veye mu mwinye, va teganagana kuvita yaga ga mu dukira a ganagane; navutswa yeganagane ha a duki vutswa, kuli Nyasaye a gavulira vosi kigero kyelisuuvira.
nduke kuva mutumwa wa Kristo Yesu ntsie ku Tsihiri, mba kolere ivangeli ya Nyasaye, kihaanwa kye Tsihiri ki duke kubu girirwa, Roho Mutakatifu na a mali kukitakasa.
Navutswa kigira tsimbabasi tsya Nyasaye mbeye kuli mbeye: kandi tsimbabasi tsitsye tsya nda hebwa si tsi veye tsya vutswa; navutswa inze nda kola miyinzi kuvita vosi: navutswa si ya li inze, navutswa tsimba basi tsya Nyasaye tsya li halala na inze.
naye iye wa ku kola avadukiru ku ve avatumwa va malago mahya; si ga veye genduguta, navutswa ga roho: kigira induguta yiitanga, navutswa roho gu leta livamwoyo.
Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;
kutwula kuye mubiri gwosi gu hambanyeywi bulahi kandi gu nywereridzeywi halala kigira kyungu sa kilala, ki leta kuli miyinzi gyekidieli sa kilala, ki leta kigero kyakyo, i ndinangwa mubiri gu virukidzangwa ku lyombaka lyagwo mu buyanzi.
Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.
a mu kole mu ve ava dukiru mu vindu vyosi vilahi kukola ubulaliri bwibwe, nokukola mu mwinye ki yanzekanga imbiri wewe, ku Yesu Kristo; wobukumi bu ve kuye mihiga nemihiga. Amini.