Vafeso 3:1 - KITABU KITAKATIFU

¹ Kigira yaga inze Paulo, muhambe wa Kristo Yesu kigira mwinye Avetsihiri,

Vafeso 3:1 ပူးပေါင်းရင်းမြစ်များ

Luka 21:12

Navutswa imbiri wevindu yivi va la mu gumira, kandi va la mu kupidza kivi, va mu zama ku avamasomero kandi mu tsinyumba tsyavahambe, kandi mu la hilwa imbiri wavami navanya mpara kigira lieta lyange.

Vikolwa 21:33

Hene yaho munyampara munene yisunda ahimbi na a mu gumira, na a haana munwa a bofwe neminyororo gyiviri; kandi ya teva uyu ni bwaha? Kandi a kola ki?

Vikolwa 23:18

Kunangwa ya mu vugula na a mu hila ku munyampara munene, na a vola, Paulo muhambe ya nanga ni ya nyenya nku letere muyai uyu, a veye nelikuva kukuvolera.

Vikolwa 26:29

Paulo ya vola, Nsaala Nyasaye, ni bu va bukekeke kinga ubunene, si a li ive weng'ine navutswa vosi ava mbulira lero, va ve kuli inze ligali, ni li ta li libofwa yili.

Vikolwa 9:15

Navutswa Mwami ya mu volera, Tsia: kigira uyu a veye kiju kya tovolwa ku inze, kuhila lieta lyange imbiri we Tsihiri navami, navana va Israeli:

2 Vakorintho 1:6

Navutswa kwinye ni ku va ni ku saliridzwa, ga veye ku lileminywa lyenyu noku buhonnyi hleenyu; kinga ni ku va ni ku leminywa mwoyo, ga veye ku lileminywa lyenyu, li kolanga mu lyekudzira ku busaliri zana bwa ku saliranga:

2 Vakorintho 10:1

Kalunu inze mwene Paulo, mmu goonya kigira ubuhokya nobuhooma bwa Kristo, inze lwa mbeye nemwinye halala mbeye mwegehidzu, navutswa lwa mbedzanga ihale nemwinye mbedzanga nobuluviriri ku mwinye:

2 Vakorintho 11:23

Va veye avatumwa va Kristo? (Mbola kuli mulalu) inze nkiri; mu miyinzi nkiri kuvita yava, mu libofwa hali kanyingi kuvita, mu likuywa lya vitira, mu likudza hali kanyingi.

Vagalatia 5:11

Navutswa inze, avamitu, ni mba ni nzilwadza likevwa kuduka kalunu, kigira ki ndambidzangwa kuduka kalunu? Kunangwa likigitalidza lyomusalaba li heri.

Vagalatia 5:2

Henza, inze Paulo mmu volera, mwinye ni mu kevwa, Kristo si a la mu konya kali hakuzu.

Vagalatia 5:24

Kandi yava ava veye va Kristo Yesu va mali kubambwa mubiri halala nelyegombwa lyagwo lidamano nelikayirwa lyagwo.

Vafeso 3:11

Yili li veye kuli ubulaliri bwemihiga nemihiga bwa ya lalira mu Kristo Yesu Mwami wetu:

Vafeso 3:13

Kigira yaga mmu goonya mu ta kudza mwoyo kigira kivi kyange kya mbeye nakyo, kigira mwinye, nakyo ki veye ubukumi bwenyu.

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Vafeso 4:1

Kunangwa, inze muhambe mu Mwami, mmu goonya mu gende kuli ga mu dukira mu lilangwa lyenyu lya mwa langwa,

Vafeso 6:20

ya mbeye mutumwa wayo mu libofwa neminyororo, nduke kuvola mu nobuluviriri kuli ga ndukira kuvola.

Vafilipi 1:7

kuli bu beye bulungi ku inze kuganagana ndiyo ku mwinye mwosi, kigira mbeye nemwinye mu mwoyo gwange, kigira mwinye mwosi mu veye avasangi mu tsimbabasi halala na inze mu libofwa lyange nomu lisola kandi lidinyeridza ivangeli.

Vakolosai 1:24

Kalunu nsangala mu busaliri bwange kigira mwinye, kandi ndukidzira mu mubiri gwange kya gehera ku busaliri bwa Kristo kigira mubiri gwigwe, ogu veye livugana;

Vakolosai 4:18

Lichelidza lyange inze Paulo nomukono gwange mwene. Mwidzulitse libofwa lyange. Tsimbabasi tsi ve na mwinye.

Vakolosai 4:3

kandi mu saalire kwinye, Nyasaye a kwigulire kiliango kyelikuva, kuvola agaviswa ga Kristo, aga mbeye muhambe kugo;

2 Timoteo 1:16

Mwami a vererere avenyumba ya Onesiforo; kigira ya nsosidza hali kanyingi, kandi si ya vera munyororo gwange tsisoni;

2 Timoteo 1:8

U ta va netsisoni ku lilolekidza lyo Mwami wetu, kandi u ta va netsisoni ku inze muhambe wewe: navutswa wikudzire mu kivi halala nevangeli kuli tsingulu tsya Nyasaye,

Filemona 1:1

Paulo, muhambe wa Kristo Yesu, na Timoteo amitu wetu, ibaruu a yetu yiyi i duke ku muyanze wetu Filemona muyinziri halala nekwinye,

Filemona 1:23

Epafara, muhambe wakye wange mu Kristo Yesu, a mu chelidza;

Filemona 1:9

navutswa kigira ubuyanzi nku goonya, kigira liva lyange mbeye Paulo musakulu kandi kalunu mbeye muhambe wa Kristo Yesu:

Likunula 2:10

U ta tia vindu vvenya kukugwira: henza Ibilisi a veye himbi kuvika valala ku mwinye mu buhambe, mu duke kugeridzwa, kandi mu la va nelidambidzwa madiku likumi, U ve musuuvirifu kuduka likudza, na inze nda ku ha itaji yelivamwoyo.