Vafeso 2:8 - KITABU KITAKATIFU

⁸ Kigira mu honnyeywi netsimbabasi kigira lisuuvira; nalyo si lya twula ku mwinye avene, li veye kihaanwa kya Nyasaye;

Vafeso 2:8 ပူးပေါင်းရင်းမြစ်များ

Matayo 16:17

Yesu ya tivula, na a mu volera, U veye nobugasu, Simoni wa Jona: kigira inyama namasahi si ga ku vuulira mba, navutswa Dada wange womi gulu.

Matayo 20:9

Ava tsia isaa likumi na indala, lwa va duka va tungwa sa mulala ishilling.

Marko 16:16

U suuvira na a batidzwe a la honnywa; u vula kusuuvira a la kyaywa.

Luka 7:50

Ya volera mukali, Lisuuvira lilyo li ku honnyi; u tsie nemirembe.

Yohana 3:36

U suuvira Mwana a veye nelivamwoyo li ta hera mba; navutswa uyu u ta tia Mwana si a li lola livamwoyo, navutswa ubutima bwa Nyasaye bu menya kuye.

Yohana 4:10

Yesu ya tivula na a mu volera, Ive nu u manya kihaanwa kya Nya saye, kandi ni bwaha u ku volera Mpe, kunwa; nkano wa ka mu teva naye nkano ya ka ku ha amadzi agelivamwoyo.

Yohana 5:24

Ligali, ligali, mmu volera, U hulira likuva lyange, na a suuvire wa ntuma, a veye nelivamwoyo li ta hera mba, kandi si a li nyala kwingira mu likalagirwa, navutswa u mali kutwula mu likudza kuduka mu livamwoyo.

Yohana 6:35

Yesu ya va vo lera, Inze nibwo ubukima bweliva mwoyo: uyu udza ku inze si a li lola inzala mba, kandi u suuvira inze si a li lola ubuluhu mihiga nemihiga.

Yohana 6:37

Vyosi vya Dada a mbedza vi ladza ku inze; naye udza ku inze si nda mu kunga mba.

Yohana 6:40

Yibwo nibwo ubulaliri bwa Dada wange, ku vosi u lola Mwana kandi a mu suuvira, a ve nelivamwoyo li ta hera; na inze nda mu simugukidza ku lidiku lyekiheri.

Yohana 6:44

Si ha veye nomundu u nyala kuudza ku inze vutswa, wa Dada wa ntuma a ta ng'usa: kandi inze nda mu simugukidza ku lidiku lyekiheri.

Yohana 6:65

Kandi ya vola, Kigira yaga nda mu volera, Si ha veye nomundu u nyala kuudza ku inze, bugira Dada wange na a ta mu haani.

Vikolwa 13:39

kandi ku uyu, vosi va mu suuvira va hebwa ubulungi ku litwulidzwa lya vyosi vyelilaga lya Musa li ta nyala kutwulidza.

Vikolwa 14:27

Navo lwa va mala kuduka nokuvugannya livugana, va va volera vindu vyosi vya Nyasaye ya kola navo, kandi yigulira Tsihiri kiliango kyelisuuvira.

Vikolwa 15:11

Navutswa kwinye ku suuvira ku la honnywa ne tsimbabasi tsyo Mwami Yesu, kuli yava.

Vikolwa 16:14

Mukali mulala wa langwa Ludia, mugulidzi we kiforosadi, welidala lya Tuatera, mundu wa sigamira Nyasaye, ya ku hulira: wo Mwami ya kunula mwoyo gwigwe kuhulira vindu vya Paulo ya vola.

Vikolwa 16:31

Va mu volera, U suuvire Mwami Yesu, na ive u la honnywa, ive navenyumba yoyo.

Varumi 10:14

Kunangwa va lanira ndi ku uyu wa va vula kusuuvira? Nandi va la suuvira ndi ku uyu wa va vula kuhulira? Kandi va la hulira ndi bugira mwilwadzi?

Varumi 10:17

Kunangwa na ndiyo lisuuvira li dukira ku lihulira, nelihulira li dukira ku likuva lya Kristo.

Varumi 4:16

Kigira yaga ubulungi bu twula mu lisuuvira, bu duke kuva kuli tsimbabasi; lisuuviridza li duke kuva netsi ngulu ku visukululwi vyosi; si li veye ku yivi vyelilaga vyeng'ine navutswa ku yivyo kandi vyelisuuvira lya Abrahamu, u veye dada wa kwinye kwosi

Varumi 4:5

Navutswa uyu u ta yinzira, navutswa a suuviranga ku uyu u hedzanga avekirage ubulungi, lisuuvira lilye li validzwa li yeye buhlngi.

Varumi 9:16

Kunangwa si ga li ga uyu wenya, kinga ga uyu u nyagula, navutswa aga Nyasaye u vererera.

Vagalatia 3:14

ubugasu bwa Abrahamu mu Yesu Kristo bu duke ku ve Tsihiri; ku duke kunyola lisuuviridzwa lya Roho kigira lisuuvira.

Vagalatia 3:22

Navutswa mang'oda ga boha vindu vyosi ku bwoni, ava suuvira va duke kuhebwa lisuuviridzwa li twulanga ku lisuuvira li veye ku Kristo.

Vafeso 1:19

kandi lugano lwobunene kuvita bwetsingulu tsitsye ku kwinye ava suuviri, kuli likola lyobunene bwetsingulu tsitsye,

Vafeso 2:10

Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Vafeso 2:5

kali inyinga kwa li avakudzu kigira mahyolo getu, ya ku ha livamwoyo halala na Kristo (mu honnyeywi netsimbabasi),

Vafilipi 1:29

Kigira ku mwinye mwa hebwa kigira Kristo, si ga li ku lisuuvita kuye lyeng'ine, navutswa kandi kusalirira kuye:

Vakolosai 2:12

mu tebeywi halala naye mu libatidzwa, lya mwa simugukidzirwa mu halala naye kigira lisuuvira mu liyinzira lya Nyasaye, wa mu simugukidza kutwula mu vakudzu.

2 Vatesalonike 1:9

ava li hebwa amageli, nago ga veye lidividzwa mihiga nemihiga kutwula imbiri wo Mwami, kandi kutwula mu bukumi bwetsingulu tsitsye,

Vahebraina 6:4

Kigira ku yavo ava lavidzeywi lulala, nokutsatsama kihaanwa kyomigulu, nokukolwa avasangi ku Roho Mutakatifu,

1 Petro 1:5

ava lindangwa netsingulu tsya Nyasaye, kigira lisuuvira kuduka ku buhonnyi, bwetegeki kulang'aminywa mu inyinga yekiheri.