Vafeso 2:3 - KITABU KITAKATIFU

³ Na kwinye kwosi kwa menya muvo ku matsyambiri, mu likayirwa lyemibiri gyetu, ni ku londa ubulaliri bwomubiri nobwetsi ganagani, kandi ku liva lyetu kwa li avana vobutima kuli avandi:

Vafeso 2:3 ပူးပေါင်းရင်းမြစ်များ

Litanga 5:3

Na Adamu ya hindira mihiga mia na makumi gavaka, na yivula muana muyai mu lifwana lilye,, noku livamwoyo lilye; na a mu gulika lieta lilye, Sethu:

Litanga 6:5

Kandi Yahova ya lola ubudamano bwa avandu bwa li bunene ku lirova, kandi lisaavira lyosi na tsinganagani tsyomwoyo gwavo tsya li ubudamano bwere kazozo.

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Ayubu 14:4

Ni bwaha u nyala kutwulidza kindu kinifu ku kidamano? Si ha veye nonyala.

Ayubu 25:4

Mundu a nyala ndi kuvolwa kuva mulungi imbiri wa Nyasaye? Kinga a nyala ndi kuva munifu womukali yivula?

Zaburi 51:5

Henza, ndivulwa mu liva lyobwoni; Kandi mama wange ya mbereka mu bwoni.

Isaya 53:6

Kwinye kwosi ku goti kuli magondi; ku girunkani sa mulala a londa inzira yeye; na Yahova a mu dwika ubudamano bwetu kwosi.

Marko 4:19

na madidikano gekivala, nobugadi bwobutugi, nelikayerwa lyevindu vindi, ma vingira ni vi kunika likuva li luhe li duke kuvula kwama.

Yohana 1:13

ava masahi ga tivula mba, kinga ubulaliri bwo mubiri kinga ubulaliri bwomundu, navutswa ubulaliri bwa Nyasaye.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Vikolwa 14:16

Naye inyinga yamakula aga vita, ya leka tsihiri tsi londe miima gyavo avene.

Varumi 1:24

Kigira yaga Nyasaye ya va leka mu likayirwa lyemyoyo gyavo lidamano, kukola kifwabwi va duke kwononnya ubukumi bwemibiri gyavo avene navene:

Varumi 11:30

Kigira kuli mwinye kale mwa vula kutia Nyasaye, navutswa kalunu mu verereywi ku livula kutia lyavo,

Varumi 13:14

Nawtswa mwevike Mwami Yesu Kristo, kandi mu ta lombera liva lyomubiri lyokudukidza likayirwa lyalyo mba.

Varumi 2:14

(kigira Tsihiri tsi ta li nelilaga lwa va kola avene vindu vyomu lilaga, yavo ava ta li nelilaga va mali kuva nelilaga avene.

Varumi 5:10

Kigira ni i va lwa kwa li avasigu, kwa hambanywa na Nyasaye ku likudza lyo Mwana wewe, ligali kuvita, ni ku mali kuhambanywa ndi, ku la honnyirwa mu livamwoyo lilye.

Varumi 5:9

Kunangwa ligali, ni ku mali kuhebwa ndi ubulungi kigira masahi gege, ku la hona ku butima bwa Nyasaye kigira iye.

Varumi 6:12

Kunangwa mu ta bugirira bwoni kwameha mu mibiri gyenyu gyelikudza, mu duke kuhulira likayirwa lyabwo.

Varumi 7:18

Kigira mmanya ligali mu inze, mu liva lyomubiri gwange, kindu kilahi si ki menya mu mba: kigira lyenya nyenyanga, navutswa likola lilahi si ndi lola.

Varumi 9:22

Ki la va ki, ni i va Nyasaye yikudzira nobwikudziri bunyingi ku viju vyobutima vya tegekirwa ubwoneku, kigira yenya kulang'aminya ubutima bwibwe, nokumannya tsingulu tsitsye:

1 Vakorintho 4:7

Kigira nibwaha wavukannya ive? Kandi u veye na kindu ki kya wa vula kuhebwa? Navutswa ive nu u va ni wa hebwa wiidzominyira ki kuli wa vula kuhebwa?

2 Vakorintho 7:1

Kunangwa kigira ku v eye nelisuuviridza yili, avayanze vange, kwelombe kutwula ku ubudamano bwosi bwomubiri nobwomwoyo, mudukidze ubutakatifu mu ubutii bwa Nyasaye.

Vagalatia 3:22

Navutswa mang'oda ga boha vindu vyosi ku bwoni, ava suuvira va duke kuhebwa lisuuviridzwa li twulanga ku lisuuvira li veye ku Kristo.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vafeso 4:22

ku lugano lwe vindu vyelimenya lya kale, mu twulidze mundu wa kale, wonekanga kigira likayirwa lyobugadi;

Vakolosai 1:21

Na mwi nye, ku matsyambiri mwa li avaluhya hlndi, kandi mwa ii avasigu ku myoyo gyenyu mu miyinzi gyenyu midamano,

1 Vatesalonike 4:13

Navutswa, avamitu, si kwenya mwinye mu vule kumanya amakuva ga yavo va gonanga; mu ta verera kuli avandi ava ta li nelisuuvira.

1 Vatesalonike 5:6

kunangwa ku ta gona kuli avandi, navutswa ku linde ku ve nobugeeri.

1 Timoteo 6:9

Navutswa yavo ave nyanga kuva nobutugi va gwidzanga mu ligeridzwa nomu mitego, nomu likayirwa linyingi lyobusiru nelyo kwononnya, li hila avandu mu bukyamu nomu budivi.

Tito 3:3

Kigira kwinye kandi ku matsyambiri kwa li bugira limanya, kwa vula kuhulira, kwa gadwa, kwa tumekira likayirwa lidamano nelyeyanzidza lidamano tsing'ano netsing'ano, kwa menya mu imbodoka nomu likendeka, avavihiriridzi, avavihiriranwi avene navene.

1 Petro 1:14

kuli avana avahuliri, mu tefwanannya nelikayirwa lyenyu lya kale lyenyinga yobusiru:

2 Petro 2:14

ava veye netsimoni tsyobuheyi ava ta nyala kwigaya ku bwoni; ava goonyanga myoyo gyiyagika; ava veye nomwoyo gwa nalidzwa mu likayirwa; avana vekikyeno;

2 Petro 2:18

Kigira mu livola amakuva ga vimba ligali ga vutswa va goonya mu likayirwa lyomubiri nekifwabwi, yavo ava tanganga kwiruka kutwula ku yavo ava menya mu bugadi;

1 Yohana 2:16

Kigira vyosi vi veye mu kivala, likayirwa lyomubiri, nelikayirwa lyetsimoni, noluyai lwomwoyo, si li veye lya Dada, navutswa lyomkivala.

1 Yohana 2:8

Kandi lilaga lihya mmu ng'odera, lya li lyeligali muye nomu mwinye; kigira kisundi ki vita nobulavu bweligali bu mali kwaaka.