Vafeso 2:2 - KITABU KITAKATIFU

² bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vafeso 2:2 ပူးပေါင်းရင်းမြစ်များ

Ayubu 1:16

Uyu lwa ya li na a ki vola, wundi ya twulira, na a vola, Muliru gwa Nyasaye gwaguluki ku twula mwigulu, nokusamba amagondi navatumekiri, nokuvadividza; inze tsyeng'ine mboni, kukuletera amakuva.

Ayubu 1:19

nonoho, henza, kihu dzudzi kya twula mu kyangalangwi, nokuduya inyumba tsikorna tsyayo tsine, nayo ya gwa ku vasoleli, navo va kudzi; inze tsyeng'ine mboni, kukuletera amakuva.

Ayubu 1:7

Na Yahova ya teva Setani, U twula haliha? Hene yaho Setani ya tivulira Yahova, na a vola, Ntwula mu livodonkana mu lirova, nokugenda yiyi na yiyi kulyo.

Ayubu 31:7

Induvatiru yange ni i va ni i girunkana kuleka inzira, Nomwoyo gwange ni gu va ni gu londa tsimoni tsyange, Kandi Imbala kali indala ni i va ni i handi ku makono gange:

Zaburi 17:14

U mbonnye ku avandu, nomukono gugwo, O Yahova, U mbonnye ku avomu lirova aveliva lyavo li veye ku lirova, Avetsinda tsyavo ive wizulitsa nevyomu kidera kikyo: Va veye na avana vanyingi, Na vindu vyavo vi tigaye va lekeye avana vavo vadoto.

Isaya 30:1

Ubudamano bu ve ku avana vobutingu, Yahova a vola, yavo avenyanga makuva, navutswa si venyanga agange; avekunika kikuniko, navutswa si ki veye kya Roho wange, va duke kumeda ubwoni ku bwoni;

Isaya 57:4

Mu kinira ku bwaha? Mu kunula minwa ku bwaha, nokunyira lulimi? Si mu veye avana va mahyolo, lwivulu lwobubehi,

Jeremia 23:10

Kigira kivala yiki kizuye avaheyi; na kigira linyega, kivala ki vereranga; bwayiru bwomwigendanyama bwumi. Lugendo lwavo lu veye ludamano, nobunyali bwavo si bu veye bwobulungi;

Hosea 10:9

O Israeli, u koli ubwoni kutwula ku madiku ga Gibea: va singira yo; ubulwani ku avana vobwoni si bu va nyola ha Gibea.

Kyavalevi 11:16

na liudo, na imbugavuga, na iguliraho, na kilidza kuli tsingano tsyakyo,

Matayo 11:19

Mwana wa Adamu yadza na a lagira na a nwa, ni va vola, Henza, muhuvali nohongera kunwa iwaini mulina wavasolola ubushutu navonil Kandi ubugeeri bu hebwa ubulungi nemiyinzi gyabwo.

Matayo 13:22

Na uyu wa midzwa mmafwa, uyu niye u hulira likuva, navutswa madidikano gekivala, nobugadi bwobutugi, bu kunika likuva, naye a vula kwama.

Matayo 13:38

mulimi na vomulirova, na bugutsa bulahi, yava na vana vobwami; na mavanze na vana vomu damano;

Marko 4:19

na madidikano gekivala, nobugadi bwobutugi, nelikayerwa lyevindu vindi, ma vingira ni vi kunika likuva li luhe li duke kuvula kwama.

Luka 16:8

Mwami wewe yidzominya mulindi muganga, kigira ya kola nobugeeri: kigira avana avomulirova ku likula lyavo va veye nobugeeri kuvita avana avobulavu.

Luka 22:31

Simoni, Simoni, henza, Setani ya mwenya, a duke kumusesa kuli ingano:

Yohana 12:31

Kalunu ni likalaga lyavomkivala yiki: kalunu munene wekivala yiki a la tebwa.

Yohana 13:2

Kandi inyinga yelilia, setani na a mali kuvika mu mwoyo gwa Yuda Iskarioti wa Simoni kumuzama,

Yohana 13:27

Kandi inyima lwa ya vugula lidonye, hene yaho Setani ya mwi ngira. Kigira yiki Yesu ya mu volera, Kya u kola, kola bwangu.

Yohana 14:30

Si nda mu volera manyingi kandi, kigira munene wavomkivala yadza: kandi si a veye nekindu mu inze;

Yohana 15:19

Ni mu va ku avomkivala, nkano avomkivala va yanza avavo: navutswa kigira si mu veye ku avo mkivala, navutswa inze nda mu tovola ku vomkivala, yiki ni kigira avomkivala va mu dunyira.

Yohana 16:11

ku likalaga, kigira munene womkivala yiki, u mali kukalagirwa.

Yohana 7:7

Avomkivala si va nyala kudunyira mwinye; navutswa inze, va ndunyira, kigira inze ndolekidza miyinzi gyavo ni midamano.

Yohana 8:23

Kandi ya va volera, Mwinye mu veye avahasi; Inze mbeye wigulu: Mwinye mu veye avomkivala yiki; inze si mbeye womkivala yiki.

Yohana 8:44

Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.

Vikolwa 19:35

Kandi karani welidala lwa ya mala kukiring'annya kiduma, ya vola, Mwinye avasatsa va Efeso, ha li nomundu ki u ta manya lidala lya Vaefeso nilyo li linda litempeli lya Diana munene, nekif u ananyi kya gwa kutwula wa Zeu?

Vikolwa 5:3

Navutswa Petro ya vola, Anania, kigira ki Setani a kwizula mwoyo gugwo u volere Roho Mutakatifu ububehi, na u vaase tsindi ku tsishilling tsyo mulimi?

Varumi 12:2

Mu ta fwananywa neliv; lyelirova yili: navutswa mu giru nkanywe ku likolwa ubugeeri bwenyu ubuhya, mu duke kumanyiridza ubu laliri bwa Nyasaye ubulahi, nobwoku yanzidza, nobudukiru.

1 Vakorintho 5:10

Si mboye ku vaheyi avomulirova yili ligali mba, kinga ava kayirwa ubudamano, navanuuli, kinga ava londa misambwa; ki gira ni ga ve ndiyo nkano nu bulahi mu twule mu lirova:

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

2 Vakorintho 4:4

avomunyasaye welirova yili u vakulidzi muvo tsiganagani tsyavo ava vula kusuuvira, ubulavu bwevangeli yobukumi bwa Kristo, u veye ligondo lya Nyasaye, ubulavu yibu bu ta ng'ereng'ana kuvo.

Vagalatia 1:4

wehaana kigira ubwoni bwetu, a duke kukuhonnya mu inyinga ya kalunu indamano yiyi, kuli ubulaliri bwa Nyasaye wetu, Dada wetu:

Vafeso 1:21

igulu wobunene bwosi, neminwa, netsingulu, nelyameha, kandi wameta gosi aga talangwa, si mu li mu tsinyinga yitsi tsyeng'ine navutswa mu tsinyinga tsidzanga kandi.

Vafeso 2:11

Kunangwa mwidzulitse ku matsyambiri, mwinye avandu ve Tsihiri ku lugano lwomubiri, ava yava va langwa Vakevwa nemikono ku mibiri, va mu langa Avavula; kukevwa;

Vafeso 2:13

Navutswa kalunu mu Kristo Yesu mwinye ava mwa li hale ku matsyambiri, mu koleywi kuva himbi mu masahi ga Kristo.

Vafeso 2:3

Na kwinye kwosi kwa menya muvo ku matsyambiri, mu likayirwa lyemibiri gyetu, ni ku londa ubulaliri bwomubiri nobwetsi ganagani, kandi ku liva lyetu kwa li avana vobutima kuli avandi:

Vafeso 4:17

Kunangwa mbola yaga, kandi ndolekidza mu Mwami, mwinye mu ta genda kandi kuli Avetsihiri va gendanga, mu tsiganagani tsyavo tsya vutswa,

Vafeso 4:22

ku lugano lwe vindu vyelimenya lya kale, mu twulidze mundu wa kale, wonekanga kigira likayirwa lyobugadi;

Vafeso 5:6

Mu ta leka mundu kali mulala a mu gade namakuva ga vutswa: kigira kyamakuva yaga ubutima bwa Nyasaye bu dukanga ku vana vobutingu.

Vafeso 5:8

kigira kale mwa li kisundi, navutswa kalunu mu veye ubulavu mu Mwami; mu gende kuli avana vobulavu

Vafeso 6:12

Kigira ubulwani bwetu si bu li bwoku inyama namasahi, navutswa ku bwami, noku tsingulu, noku yava avamehanga mu kisundi yiki, noku mahe ga roho midamano mbwerefu.

Vakolosai 1:21

Na mwi nye, ku matsyambiri mwa li avaluhya hlndi, kandi mwa ii avasigu ku myoyo gyenyu mu miyinzi gyenyu midamano,

2 Timoteo 4:10

kigira Dema, wa li ndeka, kigira u mali kuyanza vyelirova lya kalunu yili, kandi wa tsia Tesalonike; Keresike wa tsia Galatia, Tito wa tsia Dalamatia.

Yakobo 1:27

Idini ya Nyasaye indahi i ta li nobudamano imbiri wa Nyasaye na Dada wetu ni yiyi, kutsia ku yavo avabisandu noku vakunzakali mu likupa kivi lyavo, nokwilinda ligali mwene a ve bugira imbala yevyelirova.

Yakobo 1:7

Kigira mundu uyu a ta ganagana a la nyola kindu ku vyosi ku Mwami;

Yakobo 4:4

Avobuheyi, si mu manya ubulina bwevyelirova bu veye ubusigu ku Nyasaye? Uyu wenya kuva mulina wevyelirova yekolanga musigu wa Nyasaye.

1 Petro 1:14

kuli avana avahuliri, mu tefwanannya nelikayirwa lyenyu lya kale lyenyinga yobusiru:

1 Petro 4:3

Kigira tsinyinga tsya vita tsi hereridzi kukola yaga aga Vetsihiri venyanga, nokugenda mu kifwabwi, nomu likayirwa, nomu lihambika, nomu lisyeva, nomu linwa, nomu lisalisa misambwa gyekivihiri:

2 Petro 2:14

ava veye netsimoni tsyobuheyi ava ta nyala kwigaya ku bwoni; ava goonyanga myoyo gyiyagika; ava veye nomwoyo gwa nalidzwa mu likayirwa; avana vekikyeno;

1 Yohana 3:10

Ku yaga avana va Nyasaye va loleka, na vana va Setani: ku vosi u ta kola ubulungi si a veye ku Nyasaye, kandi u vula kuyanza amwavo wewe.

1 Yohana 3:8

u kola ubwoni a twula ku Setani, kigira Setani a kola ubwoni kutwula mu litanga. Mwana wa Nyasaye ya lolekidzwa kigira yago, kwononnya miyinzi gya Setani.

1 Yohana 4:4

Mwinye mu veye ava twula ku Nyasaye, avana vakekeke vange, kandi mwa va guuta: kigira u veye mu mwinye, a veye munene kuvita u veye mu avomkivala.

1 Yohana 5:19

Ku manya ku veye ava twula ku Nyasaye, kandi avomkivala vosi va gona mu mudamano.

1 Yohana 5:4

Kigira ku vyosi kivulwa kutwula ku Nyasaye ki guuta vyomkivala: yili ni liguuta lya guuta vyomkivala, lisuuvira lyetu.

Likunula 12:9

Kandi guyoka gunene gwagululwa hasi, gu ueye inzoka ya kale, gu langwa Ibilisi kandi Setani, uyu u gadanga avomulirova vosi; yagululwa hu lirova, kandi tsingelosi veve vagululwa hasi halala naye

Likunula 13:14

Kandi a gada ava menya mu lirova kigira vilolekidzu vya ya hebwa tsingulu kukola imbiri wenyama; na a volera ava menya mu lirova, va kole kifwananyi kyenyama ya li neliduywa lyekivavi, ma ni i hona.

Likunula 13:8

Navo vosi ava menya mu lirova va la gi sigamira vosi avameta gavo ga vula kung'odwa mu kitabu kyelivamwoyo kyo Mwana Weligondi wiitwa, kutwula lwelirova lya lombwa muse.

Likunula 16:17

Kandi wa vatano na vaviri yagulula kituva kikye ku tsimbuudza; nomwoyo munene gwa twula mu litempeli, noku intebe, ni gu vola, Ga mali kukolwa:

Likunula 20:2

Kandi ya gumira guyoka, inzoka ya kale, ogu veye Ibilisi, Setani, na a mu boha mihiga elfu,