Vafeso 2:14 - KITABU KITAKATIFU

¹⁴ Kigira a veye mirembe gyetu, wa kola kwinye kwosi kuva kindu kilala, kandi ya tigula lwevo lwolwako lwa Ii hagati hetu,

Vafeso 2:14 ပူးပေါင်းရင်းမြစ်များ

Esther 3:8

Na Haman ya volera mwami Ahasueru, Va veye ho avandu valala ava salana nokwavukana ha gati ha vandu vetsiprovinse tsyosi tsyobwami bubwo; na amalago gavo ga veye lugano ku yago ga vandu vosi; kandi va vula kugimira amalago gomwami: kigira yaga mwami si a nyola vyambeti kuvaleka va tigala.

Mika 5:5

Na mundu uyu a la va mirembe gyetu. Lwa Muasuria a lingira mu kivala kyetu, nokuduvaga mu tsinyumba tsyetu tsyobwami, hene yaho kulavukidza kuye avayi vatano na vaviri, navandu vanene vatano na vavaka.

Zekaria 6:13

yee, uyu a lombaka litempeli lya Yahova; kandi naye a la ginga ubukumi, na a likala nokwameha ku intebe yeye yobwami; na a la va musalisi ku intebe yeye; na livola lyemirembe li la va hagati havo vombi.

Luka 1:79

Bu ng'ereng'ane kuvo ava menya mu kisundi nomu kiriri kyelikudza. Kwimirira virenge vyetu ku inzira yemirembe.

Luka 2:14

Ubukumi bu ve igulu migulu ku Nyasaye. Nemirembe ku kivala ku vandu ava ya yanza.

Yohana 10:16

Kandi mbeye namagondi agandi, ga ta veye gomu kego yiki: nago kandi ga ndukira ndete, kandi yaga ga la hulira mwoyo gwange; ga la gwa kyayo kilala nomwayi mulala.

Yohana 11:52

kandi si ya kudzera ihiri yeng'ine, navutswa a duke kusannya halala avana va Nyasaye vosi ava salana.

Yohana 16:33

Yaga mmali kumuvolera, mu duke kuva nemirembe ku inze. Mu lirova mu la va nekivi: navutswa mwidinyiridze; inze mmali kuguuta avomkivala.

Vikolwa 10:28

na a va volera, Mwinye avene mu manya, si bu li bulahi mundu Muyuda kuhambana nokuvolerana nowundi wehiri yindi; navutswa Nyasaye u mali kummannya nta langa mundu mutwa kinga mudamano:

Vikolwa 10:36

Likuva lya ya hilira avana va Israeli, ni yilwadza ivangeli yemirembe i twula ku Yesu Kristo, (naye ni Mwami wa vosi)

Varumi 5:1

Kunangwa ku mali kulungekidzwa kigira lisuuvira, ku veye nemirembe na Nyasaye kigira Mwami wetu Yesu Kristo.

Vagalatia 3:28

Si ha li no Muyuda kinga Mugreki, kinga mutugwa, kinga muboholole, kinga mu satsa kinga mukali; kigira mu veye mulaia mu Kristo Yesu.

Vafeso 2:15

na a twulidzira ubusigu mu mubiri gwigwe, nabuo bu veye lilaga lyamalago ya li mmi ima; a duke kulomba muye mwene mundu mulala muhya mu yava vaviri, na ndiyo a kole mirembe;

Vafeso 2:17

Kandi yadza ni yilwadza mirembe ku mwinye ava mwa li hale, kandi mirembe ku yava ava li himbi:

Vafeso 3:15

wehiri yosi yomigulu neya hasi tsi langwa lieta kuye,

Vafeso 4:16

kutwula kuye mubiri gwosi gu hambanyeywi bulahi kandi gu nywereridzeywi halala kigira kyungu sa kilala, ki leta kuli miyinzi gyekidieli sa kilala, ki leta kigero kyakyo, i ndinangwa mubiri gu virukidzangwa ku lyombaka lyagwo mu buyanzi.

Vakolosai 1:20

nokuleta vindu vyosi kuhambana kuye mwene kigira uyu, lwa a mali kuletera mirenmbe ku masahi gege agomusalaba gwigwe; yee, kigira uyu, ni vi veye vindu vya hasi, kinga vyomigulu.

Vakolosai 2:20

Ni mu va mwa kudza halala na Kristo ku megidzo ga kale gelirova, kigira ki mwivika mu minwa kuli yava va menya mu lirova,

Vakolosai 3:11

ha la vula kuva ho Mugreki, no Muyuda, kinga likevwa, nelivula kukevwa, kinga u ta manya miima, kinga Musikuthi, kinga mutugwa, kinga muboholole; navutswa Kristo a veye vyosi, kandi a veye mu vyosi.

Vakolosai 3:15

Kandi mu leke mirembe gya Kristo gyamehe mu myoyo gyenyu, mwinye mwa langirwa mu mubiri mulala mu duke kugyinyola, kandi mu ve nelisantidza.

Vahebraina 13:20

Kalunu Nyasaye wemirembe wa leta mu vakudzu Mwayi Munene wamagondi, mu masahi gelilagana lyemihiga nemihiga, Mwami wetu Yesu,

Vahebraina 7:2

wa Abrahamu ya gavulira vindu vyosi nokumuha kidieli kyelikumi (kutanga ligirunkanywa lyago ya langwa, Mwami wobulungi, kandi Mwami wa Salemi, livola lyago li veye Mwami wemirembe;