Vafeso 2:11 - KITABU KITAKATIFU

¹¹ Kunangwa mwidzulitse ku matsyambiri, mwinye avandu ve Tsihiri ku lugano lwomubiri, ava yava va langwa Vakevwa nemikono ku mibiri, va mu langa Avavula; kukevwa;

Vafeso 2:11 ပူးပေါင်းရင်းမြစ်များ

Ezekieli 20:43

Na mu lidzulitsa tsinzira tsyenyu ha zana, nevikolwa vyenyu vyosi vya mweyononnyera mu; mu levihirirwa mwinye avene mu tsimoni tsyenyu avene navene, kigira ubudamano bwenyu bwosi bwa mwa kola.

Ezekieli 36:31

Hene yaho mu lidzulitsa tsinzira tsyenyu tsindamano, nevikolwa vyenyu vi ta li vilahi; na mu ledunyira avene mu tsimoni tsyenyu kigira budamano bwenyu kandi kigira kivihiri kyenyu.

Matayo 20:7

Navo va tivula, Kigira si ha li nomundu wa ku lagana naye. Ya va volera, Kandi mwinye mu tsie mu kizabibu.

Varumi 11:17

Navutswa tsisya tsindi ni tsi vunanywa, nive u veye mzeituni gwomulitu wa hambanywa hagati havo, kandi wa sanga halala navo kitinya kyobunetu bwomzeituni;

Varumi 2:26

Kunangwa uyu u vula kukevwa na a londa miima gyelilaga, livula kukevwa lilye si li la volwa kuva likevwa?

Varumi 2:27

Kandi livula kukevwa lyene ni li kola lilaga si li la ku kalagira, ive kuva mwoni, ive u veye namang'oda nelikevwa navutswa wo nonya lilaga?

1 Vakorintho 12:2

Mu manya kuli mwa li ave Tsihiri, mwa gotidzwa ni mu londa vifwananyi vi ta li nomwoyo, kuli mwimirirwa.

1 Vakorintho 6:11

Kandi ku mwinye avalala va li kuli yava, navutswa mwogidzeywi, kandi mwa takaseywi, navutswa mwa volwa kuva avalungi ku lieta lyo Mwami Yesu Kristo, noku Roho wa Nyasaye wetu.

Vagalatia 2:15

Kwinye ku veye Avayuda mu livulwa lyetu, si ku veye avoni va twulanga mu Tsihiri,

Vagalatia 6:12

Kuyava avenya kuloleka bulahi mu vindu vyomubiri, va mu niga kukevwa; va vule kukupidzwa kivi kigira musalaba gwa Kristo, kigira ni yiki kyeng'ine.

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vafeso 5:8

kigira kale mwa li kisundi, navutswa kalunu mu veye ubulavu mu Mwami; mu gende kuli avana vobulavu

Kwidzulitsa 15:15

Na u lidzulitsa ive wa li mutugwa mu kivala kya Egepeti, na Yahova Nyasaye wowo ya ku boholola: kunangwa nku laga lilaga yili lero.

Kwidzulitsa 16:12

Na u lidzulitsa wa li mutugwa mu Egepeti: na u gumire miima yigyi nokugyikola.

Kwidzulitsa 5:15

Na widzulitse wa li mutugwa mu kivala kye Egepeti, na Yahova Nyasaye wowo ya ku twulidza yo nomukono gwetsingulu nomukono gwa nyirika: kunangwa Yahova Nyasaye wowo ya ku laga u gumire lidiku lyelisabato.

Kwidzulitsa 8:2

Na u lidzulitsa inzira yosi ya Yahova Nyasaye wowo ya kwimirira mihiga makumi gane mu kyangalangwi, a duke kukugehidza, nokukugeridza, a manye aga veye mu mwoyo gugwo, kuli ni wenyanga kugumira amalago gege, naho mba.

Kwidzulitsa 9:7

Widzulitse, u tivirira mba, kuli wa vihiriridza Yahova Nyasaye wowo mwigendanyama: kutwula ku lidiku lya wa twula mu kivala kya Egepeti, kuduka lwa mwingira hano, mwa tinguha ku Yahova.

Vafilipi 3:3

kigira ku veye avakevwa, ava sigama na Roho wa Nyasaye, kandi kwidzominya mu Kristo Yesu, kandi si ku suuvira mubiri.

Vakolosai 1:21

Na mwi nye, ku matsyambiri mwa li avaluhya hlndi, kandi mwa ii avasigu ku myoyo gyenyu mu miyinzi gyenyu midamano,

Vakolosai 2:11

Wa mu mali kukeverwa mu nelikevwa li ta kolwa namakono, mu lifwuvula lyomubiri gwenyama, mu likevwa lya Kristo;

Vakolosai 2:13

Mwinye mwa li mwa kudzera mu lihyola lyenyu, nomu livula kukevwa lyemibiri gyenyu, vee, ya mu ha livamwoyo halala naye, lwa ya mala kukusameha mahyola getu gosi;

Vakolosai 3:11

ha la vula kuva ho Mugreki, no Muyuda, kinga likevwa, nelivula kukevwa, kinga u ta manya miima, kinga Musikuthi, kinga mutugwa, kinga muboholole; navutswa Kristo a veye vyosi, kandi a veye mu vyosi.

1 Samweli 17:26

Ma Daudi ya volerana navandu ava singira ifimbi, na a va teva, U nyala kwiita Mufilisiti uyu, a la kolerwa ki, na a twulidza linyegwa ku Israeli? Kigira ni bwaha uyu Mufilisiti musindi, a duke kulega amahe go Nyasaye u veye mwoyo?

1 Samweli 17:36

Inze mutumwa wowo ndiita king'ang'a na iduba: no Mufilisiti musindi uyu a la va kuli kilala kuvyo, kigira a leganga amahe ga Nyasaye u veye mwoyo.