Vafeso 2:10 - KITABU KITAKATIFU

¹⁰ Kigira kwinye ku veye miyinzi gyigye, kwa lomberwa mu Kristo Yesu ku duke kukola miyinzi milahi, gya Nyasaye ya tanga kulomba ku duke kugenda mugyo.

Vafeso 2:10 ပူးပေါင်းရင်းမြစ်များ

Zaburi 100:3

Mu manye, Yahova a veye Nyasaye: Niye wa ku lomba, na ku veye aveve; Ku veye avandu veve, ku veye amagondi gekyayo kikye.

Zaburi 119:3

Yee, va vula kukola ubu ta li ubulungi; Va gendanga mu tsinzira tsitsye.

Zaburi 138:8

Yahova a la ndukidzira aga veye agange; O Yahova, tsimbabasi tsitsyo tsi reye ho mihiga nemihiga; U ta leka miyinzi gyamakono gogo.

Zaburi 51:10

U nombere mwoyo mulavu, O Nyasaye; Kandi u nzirannyire roho muhya mugati mwange.

Zaburi 81:13

O nkano avandu vange va mbulire, Na Israeli nkano va gende mu tsinzira tsyango

Isaya 19:25

kigira Yahova wa mahe u va gasidzi, na a vola, Va gasidzwe Egepeti avandu vange, na Asuria miyinzi gyamakono gange, na Israeli miyandu gyange.

Isaya 29:23

Navutswa lwa a lola avana veve, ava veye miyinzi gyamakono gange, ha gati hehe, va la takasa lieta lyange; yee, va la takasa Uyu Mutakatifu wa Yakobo, na va la tia Nyasaye wa Israeli.

Isaya 43:21

avandu va ndelombera inze mwe ne, va duke kulandidza lidzominywa lyange.

Isaya 43:7

sa mulala ava langwa ku lieta lyange, wa nda lombera ubukumi bwange, wa nda mu lomba, yee, wa nda mu kola.

Isaya 44:21

Widzulitse vindu yivi, O Yakobo, na Israeli; kigira u veye mutumekiri wange: inze nda ku lomba; ive u veye mutumekiri wange: O Israeli, si ndivirira ive mba.

Isaya 60:21

Avandu vovo va la va avobulungi vosi; va la lia miyandu gyekivala mihiga nemihiga; lusya lwelisimika lyange mwene, miyinzi gyamakono gange mwene, nduke kukuminywa.

Isaya 61:3

kutovolera yavo ava syomanga mu Zioni, kuvaha igudwa yekimuli mbugono bweligoke, amaguta gobuyanzi mbugono bwelisyoma, tsingubo tsyelidzominywa mbugono bwomwoyo muliduhu; va duke kulangwa misala gyobulungi, gya Yahova ya simika, a duke kukuminywa.

Jeremia 31:33

Navutswa lilagana lya nda kola nenyumba ya Israeli inyima wa madiku yago, Yahova a vola, ni yili: Nda vika lilaga lyange mugati mwavo, nda li ng'oda mu myoyo gyavonda va Nyasaye wavo, navo va la va avandu vange.

Matayo 5:16

Na ndiyo mwinye mu mulike imbiri wa vandu; va duke kulola miyinzi gyenyu milahi, vidzominye Dada wenyu womigulu.

Yohana 3:21

Navutswa u kola ageligali a tsitsa ku bulavu, miyinzi gyigye gyi duke kuloleka gyi koleywi ku Nyasaye.

Vikolwa 9:31

Kunangwa mavugana mu Buyuda, na Galilaya, na Samaria ga li nemirembe ni lyombakwa; ni ga genda mu butii bwo Mwami, nomu lileminywa lya Roho Mutakatifu, ni li dasika.

Vikolwa 9:36

Ya li mu Yopa mwegidzwi mulala wa langwa Tabitha, ligirunkanywa lyalyo ni Dorkasi, naho Kisusu: mukali uyu ya li ni yizula miyinzi milahi na gyetsimbabasi ya kola halala nokukonya vadaka.

Varumi 8:1

Kunangwa kigira yaga kalunu si ha veye nelikalagirwa lidamano ku yavo ava veye mu Kristo Yesu, ava ta genda kuli liva lyomubiri, navutswa kuli liva lya Roho.

Varumi 8:29

Kigira ava ya manya imbiri, yava kandi ya vaahula va fwananywe nelifwana lyo Mwana wewe, a duke kuva wokutanga kwivulwa ku vamwavo vanyingi.

1 Vakorintho 3:9

Kigira kwinye ku veye ava kolanga miyinzi halala na Nyasaye: mu veye mulimi gwa Nyasaye, lyombaka lya Nyasaye.

2 Vakorintho 5:17

Kunangwa ku vosi mundu na a veye mu Kristo a veye kilombe kihya: vindu vyosi vya kale vi viti, henza, vindu vyosi vi gwiye vihya.

2 Vakorintho 5:5

Uyu wa ku kola kigira likuva lyene yili a veye Nyasaye, wa ku ha kihambiriru kya Roho.

2 Vakorintho 9:8

Kandi Nyasaye a nyala kuleta ku mwinye tsimbabasi tsyosi kukira; mu dukire ligali vindu vyosi madiku gosi, mu duke kukira mu miyinzi milahi gyosi.

Vagalatia 6:15

Kigira likevwa si li veye kindu, kandi livula kukevwa, navutswa kilombe kihya.

Vafeso 1:1

Paulo, mutumwa wa Kristo Yesu ku bulaliri bwa Nyasaye, ibaruua yange yiyi i duke ku vatakatifu ava veye mu Efeso, kandi ku avasuuvirifu mu Kristo Yesu;

Vafeso 1:4

kuli wa ya ku tovola muye inyinga lirova li kikiri kulombwa muse, kwinye ku ve avatakatifu ava ta li nekindu kuvo imbiri wewe mu buyanzi.

Vafeso 2:13

Navutswa kalunu mu Kristo Yesu mwinye ava mwa li hale ku matsyambiri, mu koleywi kuva himbi mu masahi ga Kristo.

Vafeso 2:15

na a twulidzira ubusigu mu mubiri gwigwe, nabuo bu veye lilaga lyamalago ya li mmi ima; a duke kulomba muye mwene mundu mulala muhya mu yava vaviri, na ndiyo a kole mirembe;

Vafeso 2:2

bwa mwa gendera mu ku matsyambiri kuli liva lyetsinyinga tsyelirova yili, kuli mwami wetsingulu tsyobwerefu, wa roho gu yinziranga kalunu mu vana vobutingu.

Vafeso 2:6

kandi ya ku si mugukidza halala naye, nokukwikalidza halala naye mu vyomigulu mu Kristo Yesu:

Vafeso 4:1

Kunangwa, inze muhambe mu Mwami, mmu goonya mu gende kuli ga mu dukira mu lilangwa lyenyu lya mwa langwa,

Vafeso 4:24

mwevike mundu muhya wa lombwa ku lugano lwa Nyasaye mu bulungi nomu butakatifu bwageligali.

Kwidzulitsa 32:6

Lisantidza lya mu hedzanga Yahova ni yili, Mwinye avandu avasiru, ava ta li nobugeeri? Si a li dada wowo wa ku gula? Niye wa ku lomba, nokukudinyeridza.

Kwidzulitsa 5:33

Mu gende ku inzira yosi ya Yahova Nyasaye wenyu ya mu laga, mu duke kuva mwoyo na bu ve bulahi ku mwinye mu koie madiku genyu kuva manyingi mu kivala kya mu gumira.

Vafilipi 1:6

nsuuvira kindu zana yiki, uyu wa tanga miyinzi milahi mu mwinye a la gyi dukidza kuduka ku lidiku lya Yesu Kristo:

Vafilipi 2:13

Kigira a veye Nyasaye u kolanga mu mwinye lyenva nelikola, kigira liyanzidzwa lilye.

Vakolosai 1:10

nokugenda kuli wa ga dukanga ku Mwami nokuduka ku liyanzidza lyosi, nokwama makuyu mu miyinzi gyosi milahi, nokumedeka mu limanya lya Nyasaye.

Vakolosai 3:10

kandi mwiviki mundu muhya, u kolangwa muhya a duke a nyole limanya kuli ligondo lyowa mu lomba:

2 Vatesalonike 2:17

a leminye myoyo gyenyu nokugyiluviriridza mu miyinzi gyosi milahi nomu makuva gosi.

1 Timoteo 2:10

navutswa visiahe miyinzi milahi (yivi nivyo vi dukiranga avakali avelolekidzanga kuva avandu va Nyasaye).

1 Timoteo 5:10

wa lolekidzwa kuva nemiyinzi milahi; na a va ni ya leranga avana, na a va ni yingiridzanga avageni, na a va ni ya savidzanga virenge vyavatakatifu, na a va ni ya konyanga ava kupa kiva, na a va ni ya londanga miyinzi gyosi milahi nobugulu.

1 Timoteo 5:25

Kandi ndiyo gyi veye ho miyinzi milahi gyi veye habulavu; kandi yigyi gyi ta li ndiyo si gyi nyala kuviswa.

1 Timoteo 6:18

kandi va kole bulahi, va ve avatugi ku miyinzi milahi, va ve avahaani vevindu, kandi va ve avasangi navandi mu vindu vyomwoyo;

2 Timoteo 2:21

Kunangwa mundu ni yetakasa nokweleha yivi, a la va kiju kyelidzominywa, ki takaseywi, ki dukana nemiyinzi gyo Mwami, ki lombeywi ku miyinzi gyosi milahi.

2 Timoteo 3:17

mundu wa Nyasaye a duke kuva nobudukiru, nolombeywi ku miyinzi gyosi milahi.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Tito 2:7

Ku vindu vyosi welang'aminye u ve kyokuhenzera ku kyemiyinzi milahi; mu megidzo gogo u lang'aminye aga tonekanga nobugoosi,

Tito 3:1

Vidzulitse vegehidze ku vanene, noku avami, nokuhulira, kandi vetegeke ku miyinzi gyosi milahi,

Tito 3:14

Kandi avandu vetu va duke kweyegidza kwimenya mu miyinzi milahi gyenyangwa, va ta duka kudaka makuyu.

Tito 3:8

Livola yili li veye lyokusuuvirwa, kandi ku vindu yivi inze nyenya ive u luvirire kuvola, kuduka yava ava suuvira Nyasaye va guluhe kumenya mu miyinzi milahi. Vindu yivi vi veye vilahi kandi avandu va nyola vyambeti kuvyo:

Vahebraina 10:24

Ku ganane avene navene kuduka kuvukidzana ku buyanzi noku miyinzi milahi;

Vahebraina 13:21

a mu kole mu ve ava dukiru mu vindu vyosi vilahi kukola ubulaliri bwibwe, nokukola mu mwinye ki yanzekanga imbiri wewe, ku Yesu Kristo; wobukumi bu ve kuye mihiga nemihiga. Amini.

1 Petro 2:12

ligenda lyenyu li ve lilahi mu Tsihiri; mu yaga ga va vola ku mwinye kuli mu veye ava kola ubudamano, ga ve kuvo, kigira vikolwa vyenyu vilahi vya va lola vidzominye Nyasaye ku lidiku lyokuhenzwa.

1 Yohana 1:7

navutswa ni ku genda mu bulavu kuli a veye mu bulavu, kwinye ku veye nelisanga avene na avene, kandi masahi ga Yesu Kristo Mwana wewe ga kwogidza ubwoni bwosi.

1 Yohana 2:6

U vola a menya muye nu bulahi a gende mwene kuli naye ya genda mwene.