Vafeso 1:13 - KITABU KITAKATIFU

¹³ Muye mwinye kandi, lwa mu mali kuhulira likuva lyeligali, nalyo nevangeli yobuhonnyi bwenyu, lwa mwa mala kumusuuvira mwa vikwa muhuri gwa Roho Mutakatifu welisuuviridza,

Vafeso 1:13 ပူးပေါင်းရင်းမြစ်များ

Zaburi 119:43

U ta twulidza ligali likuva lyageligali mu munwa gwange; Kigira nindiriye amalago gogo.

Joeli 2:28

Na ga la va lwenyima, nda tsuka Roho wange ku avandu vosi; na avana venyu avayai navakana va la profeta, na avakulundu venyu va la lota maloto, na avasoleli venyu va la lola malola:

Luka 11:13

Mwinye ava veye avadamano, ni mu manya kuha avana venyu vihaanwa vilahi, na si ndi Dada wenyu u veye migulu a la vitira kuli ha kuhaana Roho Mutakatifu kuvo ava mu saala?

Luka 24:49

Kandi henza, inze ndeta lisuuviridza lya Dada wange ku mwinye: navutswa mu linde mu lidala mu duke kuvikwa tsingulu tsi twula migulu.

Yohana 1:17

Kigira lilaga lya leterwa ku Musa; tsimbabasi nageli gali ga leterwa ku Yesu Kristo.

Yohana 14:26

Navutswa uyu Mukonyi, Roho Mutakatifu wa Dada a la tuma ku lieta lyange, a la mwegidza amakuva gosi, naye a la mwidzulitsa gosi ga nda mu volera.

Yohana 15:26

Navutswa lwa a li duka Mukonyi, wa ndi tuma kutwula ku Dada, naye niye Roho wa geligali u twula ku Dada, a li ndolekidza:

Yohana 3:33

Uyu u mali kubugirira lilolekidza lilye, u mali kukupa kyokulolera kyikye ku yaga, Nyasaye nu weligali.

Yohana 6:27

Mu ta yinzira ku vugula vyokulia vyoneka, navutswa mu yinzire kuvugula vyokulia vi menya kuduka ku livamwoyo li ta hera mba, vyo Mwana wa Adamu a la mu ha: kigira Dada, Nyasaye, u mali kukupa kuye kyokulolera.

Vikolwa 1:4

Kandi, lwa ya vugana navo ya veganehidza va ta twula Yerusalemi, navutswa va linde lisuuviridza lya Dada, lya ya rola, mwa hulira ku inze:

Vikolwa 13:26

Mwinye avamitu, avana velikula lya Abrahamu, navo ku mwinye ava tia Nyasaye, likuva lyobuhonnyi yibu li letwa ku kwinye.

Vikolwa 2:33

Kunangwa naye u mali kunenehidzwa kuduka ha mukono mulungi gwa Nyasaye, kandi u vuguye ku Dada lisuuviridza lya Roho Mutakatifu, u tsuki yiki kya mu lola nekya mu hulira.

Varumi 1:16

Kigira si mbeye soni nevangeli, kigira i veye tsingulu tsya Nyasaye i duke ku buhonnyi ku vosi ava suuvira, kutanga ku Vayuda kandi ku Vagreki.

Varumi 4:11

Kandi ya bugirira likevwa li ve kiloleru, nu muhuri gwobulungi bwelisuuvira lya ya li nalyo na a kikiri kukevwa: a duke kuva ise wa vosi ava suuvira, ni va vula kukevwa, va duke kuvalidzwa va ve nobulungi.

Varumi 6:17

Navutswa Nyasaye a santidzwe, kigira kuli lwa mwa li avatugwa vobwoni mwa hulira nemyoyo gyenyu lugano lwelyegidza yilyo lya mwa vikwa mu;

2 Vakorintho 1:22

u ku viki muhuri, kandi u ku heye kihambiriru kya Roho mu myoyo gyetu.

2 Vakorintho 6:7

mu likuva lyeligali, mu tsingulu tsya Nyasaye ku vyuma vyobulungi kuluvega lwomukono mulungi nomukono mmosi,

Vagalatia 3:14

ubugasu bwa Abrahamu mu Yesu Kristo bu duke ku ve Tsihiri; ku duke kunyola lisuuviridzwa lya Roho kigira lisuuvira.

Vafeso 4:21

Ni mba ni mu mu hulira nokwegidzwa muye, kuli ageligali ga veye mu Yesu:

Vafeso 4:30

Kandi mu ta vereridza Roho Mutakatifu wa Nyasaye wa mwa vikirwa ku muhuri, mu luhe mu duke ku lidiku lyelitungirwa.

1 Vatesalonike 2:13

Kigira yaga kwinye kandi ku santidzanga Nyasaye bugira kulekera, kigira lwa mwa nyola ku kwinye likuva lyobutumwa nalyo ni likuva lya Nyasaye, mwinye si mwa li gumira kuli li veye likuva lyavandu, navutswa kuli li veye ligali likuva lya Nyasaye, li kola kandi mu mwinye ava suuvira.

2 Timoteo 2:15

Wedinyiridze kwevika mu libugirirwa imbiri wa Nyasaye, mukoli wemiyinzi u vula kulegannywa, u tumekiranga bulungi likuva lyageligali.

2 Timoteo 2:19

Navutswa muse gwe tsingulu gwa Nyasaye gu singira, gu veye nekiloleru yiki: Mwami a manya yava ava veye aveve: kandi, Ku vosi u talanga lieta lyo Mwami yelehe ku budamano.

2 Timoteo 3:15

kandi kutwula bwana bwoke wa manya mang'oda matakatifu, aga nyala kukugerihidza kuduka ku buhonnyi bwelisuuvira li veye mu Kristo Yesu.

Tito 2:11

Kigira tsimbabasi tsya Nyasaye tsi mali kuloleka, tsi letanga ubuhonnyi ku vandu vosi,

Vahebraina 2:3

kwinye ku la hona ndi ni ku va ni ku legeridza ubuhonnyi ubunene ndi? Bwo Mwami ya tanga kuvola, kandi bwa yava ava bu hulira va bu kola bwetsingulu ku kwinye;

Yakobo 1:18

Ku liyanza lilye mwene u kwivuye nelikuva lyeligali, ku duke kuva kuli ubuhya bwevilombe vivye.

Yakobo 1:21

Kigira yaga ku livika ha luvega kifwabwi kyosi, nobunyingi bwobudamano, mu vugule nobuhooma likuva li simikangwa li nyala kuhonnya myoyo gyenyu.

1 Petro 2:10

mwinye ava vula kuva vandu mu matsyambiri, navutswa kalunu mu veye avandu va Nyasaye: ava vula ku verererwa, navutswa kalunu mu verereywi.

Likunula 7:2

Kandi nda lola ingelosi wundi yanegira kutwula ivugwe, ya li nomuhuri gwa Nyasaye u veye mwoyo: ya hanzukira tsingelosi vane nomwoyo munene ava hebwa tsingulu kwononnya lirova nenyanza,