Vafeso 1:11 - KITABU KITAKATIFU

¹¹ Wa kwinye kandi kwa kolwa ku K miyandu gyigye, kigira kwa tanga kutovolwa kuli ubulaliri bwibwe wa kola vindu vyosi kuli ubulaliri bwibwe;

Vafeso 1:11 ပူးပေါင်းရင်းမြစ်များ

Ayubu 12:13

Ubugeeri nobunyali vi veye halala na Nyasaye; A veye namakuva nelimanya.

Ayubu 33:29

Yaga gosi Nyasaye a kolanga, Hali kaviri, yee kuduka hali kavaka, halala nomundu,

Zaburi 37:18

Yahova a manya rnadiku gavadukiru; Na miyandu gyavo gyi la va gyemihiga nemihiga.

Tsing'ano 8:14

Livola malungi li veye lyange, na ubugeeri ubudukiru: Inze mbeye limanya; mbeye nobunyali.

Isaya 25:1

Yahova, ive u veye Nyasaye wange; nda ku kuminya, ndidzominya lieta lilyo; kigira wa kola vindu vyokugenya, vi veye makuva gogo ga kale, mu busuuvirifu nomu geligali.

Isaya 28:29

Yaga kandi ga twula ku Yahova wa mahe, a veye wa makuva wobugenyi, nowobulahi mu ubugeeri.

Isaya 5:19

navo ava volanga, A kole bwangu, yanguhidze miyinzi gyigye ku gyi lole; na makuva go Mutakatifu wa Israeli gesunde himbi gadze, ku ga manye

Jeremia 23:18

Kigira ni bwaha wa singira mu makuva ga Yahova, kuduka na a ga manya nokuhulira likuva lilye? Ni bwaha wa vika mu mwoyo likuva lyange, nokulihulira?

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Zekaria 6:13

yee, uyu a lombaka litempeli lya Yahova; kandi naye a la ginga ubukumi, na a likala nokwameha ku intebe yeye yobwami; na a la va musalisi ku intebe yeye; na livola lyemirembe li la va hagati havo vombi.

Vikolwa 13:48

Avetshihri lwa va hulira yaga va tsantsalika ni vidzominya likuva lya Nyasaye: ni va suuvira vosi ava vikwa ku livamwoyo li ta hera mba.

Vikolwa 2:23

uyu wa hebwa nelitovola nelisaavira lya Nyasaye lya ya manya imbiri, mwinye mwa mbamba ni mu mwiita namakono gavandu vekirage:

Vikolwa 20:27

Kigira si nda vaasa amakuva kumuvolera ubusaaviri bwosi bwa Nyasaye.

Vikolwa 20:32

Kandi kalunu mmu vika ku Nyasaye kandi ku likuva lyetsimbabasi tsitsye, li nyala kumwombaka nokumuha miyandu halala na vosi ava takaswa.

Vikolwa 26:18

kuvakunula tsimoni tsyavo va twule mu kisundi va yeke ku buiavu, kandi va twule ku tsingulu tsya Setani va yeke ku Nyasaye, ni va nyola lisamefwa lyobwoni va vugule miyandu halala navo ava takaswa nelisuuvira li veye mu inze.

Vikolwa 4:28

Ku vyosi va kole vyosi vyomukono gugwo nobulaliri bubwo bwa saavira vi kolwe.

Varumi 11:34

Kigira ibwaha u manya tsiganagani tsya Nyasaye? Kandi ibwaha wa li mulungikidzi wewe?

Varumi 8:17

ni ku va ni ku veye avana, ku veye ava nyola miyandu; ava nyola miyandu gya Nyasaye, kandi ava nyola miyandu halala na Kristo; ni ku va ni ku salira halala naye, ku duke kukuminywa kandi halala naye.

Varumi 8:28

Kandi ku manya vindu vyosi vi yinzira halala kuletera ava yanza Nyasaye ubulahi, kali yava ava langwa kuli ubulaliri bwibwe.

Varumi 8:29

Kigira ava ya manya imbiri, yava kandi ya vaahula va fwananywe nelifwana lyo Mwana wewe, a duke kuva wokutanga kwivulwa ku vamwavo vanyingi.

Varumi 8:30

Kandi yava ava yaahla ya va langa: kandi ava ya langa, ya va ha ubulungi: kandi ava ya ha ubulungi, ya va ha ubukumi kandi.

Varumi 9:11

kigira avana lwa va li ni va kikiri kwivulwa, kandi inyinga va kikiri kukola kindu kilahi kinga kidamano, ubulaliri bwa Nyasaye mu litovola bu duke kusingira, si bwa li bwemiyinzi, navutswa bwa uyu u langa,

Vagalatia 3:18

Kigira miyandu ni gyi veye kigira lilaga si gyi veye kigira lisuuviridza kandi: navutswa Nyasaye ya ha Abrahamu kigira lisuuviridza.

Vafeso 1:14

uyu niye hihambiriru kyemiyandu gyetu, kuduka ku litungira lyobwamehi bwibwe mwene, kuduka ku lidzominya lyobukumi bwibwe.

Vafeso 1:18

tsimoni tsyemyoyo gyenyu tsi lavidzeywe, mu duke kumanya lugano lwelisuuvira lwelilanga lilye, kandi lugano lwobutugi bwobukumi bwemiyandu gyigye mu vatakatifu,

Vafeso 1:5

Kigira ya tanga kukutovola ku bugirirwe kuva avana kuye kigira Yesu Kri sto, kuli liyanza lyobulaliri bwibwe,

Vafeso 1:8

tsya ya kola tsinyingi kukira ku kwinye mu bugeeri bwosi nelimanya.

Vafeso 1:9

Na a ku mannya agaviswa gobulaliri bwibwe, kuli liyanza lilye lilahi lya ya saavira muye,

Vafeso 3:11

Yili li veye kuli ubulaliri bwemihiga nemihiga bwa ya lalira mu Kristo Yesu Mwami wetu:

Kwidzulitsa 4:20

Navutswa Yahova va vugula mwinye, na a mu twilidza mu mahinga gekivya, kutwula Egepeti, mu ve kuye avandu vemiyandu gyigye, kuli mu veye lero.

Vakolosai 1:12

nokusantidza Dada, wa ku kola ava dukana kunyola kidieli kyemiyandu gyavatakatifu mu bu lavu.

Vakolosai 3:24

mu manya mu la nyola ku Mwami madanyi gemiyandu: mu tumikiranga Mwami Kristo.

Tito 2:14

wehaana kigira kwinye, a duke kutungira kwinye ku twule mu bwebaali bwosi, mwene ya siiya avandu va ve avandu veve mwene avagulu ku miyinzi milahi.

Tito 3:7

ku duke kuvolwa kuva nobulungi kigira tsimbabasi tsitsye, ku duke kukolwa ava lia miyandu kuli lisuuviridzwa lyelivamwoyo li ta hera mba.

Vahebraina 6:17

Ku likuva yili, Nyasaye ya lalira kumannya ligali kuvita avemiyandu ava li lia miyandu gyelisuuviridzwa, kuli amakuva gege ga ta veye neligirunkana, ya vika lyesuha hagati havo;

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

1 Petro 1:4

noku miyandu gyi ta li neliyoneka, gyi ta li nobudamano, gyi ta li neligalula, gya mu lindirangwa migulu,

1 Petro 3:9

ava ta tungana ubudamano ku budamano, kinga manyego ku manyego; navutswa lyavukana na yago mu gasidzane; kigira mwa langirwa yaga, mu duke kulia miyandu gyobugasu.