Tsing'ano 8:18 - KITABU KITAKATIFU

¹⁸ Ubutugi na lidzominywa vi veye halala na inze; Yee, ubutugi bwokuhindira na ubulungi.

Tsing'ano 8:18 ပူးပေါင်းရင်းမြစ်များ

Zaburi 112:3

Ubutugi na ubuhinda vi veye mu inyumba yeye; Na ubulungi bwibwe bu hindiranga mihiga nemihiga.

Zaburi 36:6

Ubulungi bubwo bu leng'ana nevigulu vya Nyasaye; Likalaga lilyo li veye inyanzainene: O Yahova, ive u honnyanga avandu netsinyama.

Tsing'ano 11:4

Ubutugi si bu konya kindu mu lidiku lyobutima; Navutswa ubulungi bu honnyanga ku likudza.

Tsing'ano 24:4

Na vigo vyayo vizula limanya Nobutugi bwosi na vyobuguli budinyu.

Tsing'ano 3:16

Ubutambi bwamadiku bu veye mmukono gwigwe mulungi; Na mu mukono gwigwe mmosi a veye nobutugi na lidzominywa.

Matayo 6:33

Navutswa mu tange kwenya ubwami bwibwe, nobu lungi bwibwe; na yivi vyosi mu la dasirwa.

Luka 10:42

navutswa kindu kilala kyeng'ine ki duki: kigira Maria u mali kutovola kindu kilahi, kya a li vula kunyagwa.

Luka 12:33

Mu gulidze vya mu veye navyo, mu tunge tsisadaka; mwelombere avene tsimuya tsi ta kunguha, akiba yomigulu i ta hendeka, homwivi a tisunda himbi, kandi hetsisere tsi tononnya.

2 Vakorintho 6:10

kuli ava verera, navutswa ava sangalanga kazozo; kuli avadaka, navutswa ku kolanga avanyingi avatugi; kuli ava ta li nekindu, navutswa ku veye nevindu vyosi.

Vafeso 3:8

Inze, u veye mukekeke ku mutakatifu u veye mukekeke ku vosi, nda hebwa tsimbabasi yitsi nzilwadzire Avetsihiri ubunyingi bwobutugi bwa Kristo obu ta manyekana bwosi;

Vafilipi 4:19

Nyasaye wange a lizulitsa ubu daka bwenyu bwosi ku lugano lwobutugi bwibwe mu bukumi mu Kristo Yesu.

Yakobo 2:5

Mu hulire, avamitu avayanze; Nyasaye si ya tovola ava veye avadaka vomulirova, va ve avatugi velisuuvira, kandi va ve ava lia miyandu gyobwami bwa ya laga ava mu yanzanga?

Likunula 3:18

nku volera u gule ku inze ithahabu i siyeywi nomuliru, u duke kugwa mutugi; netsingubo tsindavu, u duke kwivika tsisoni tsyekyahonyo kyikyo tsi vule kulang'aminywa; kandi u gule ku inze, lunyasi lwokuvaka tsimoni tsitsyo, u duke kulola.