Tsing'ano 8:15 - KITABU KITAKATIFU

¹⁵ Avami vamehanga kigira inze, Na avanene va kalaganga agobu lungi.

Tsing'ano 8:15 ပူးပေါင်းရင်းမြစ်များ

1 Avami 10:9

A gasidzwe Yahova Nyasaye wowo, wa ku yanza, na ya ku vika ku intebe yobwami ya Israeli: kigira Yahova ya yanza Israeli kazozo, kigira yaga ya kola ive u ve mwami, kukola likalaga nobulungi.

1 Avami 3:28

Na Israeli vosi va hulira makuva gelikalaga lyomwami ya kalaga; navo va mu tia: kigira va lola ubugeeri bwa Nyasaye bu veye halala naye, a duke kukola likalaga.

1 Avami 3:9

Kigira yaga u he mutumekiri wowo mwoyo gwelimanya nduke kukalagira avandu vovo, nduke kumanya hagati hobu lahi nobudamano; kigira ni bwaha u nyala kukalagira avandu vovo ava nene.

1 Avami 5:7

Na ga duka, Hiram lwa ya hulira makuva ga Solomoni, ya yanza ligali, na a vola, Yahova a santidzwe lero, wa ha Daudi mwana wobugeeri igulu wavandu avanene yava.

1 Kyetsinyinga 28:5

noku avana vange vosi (kigira Yahova ya mba avana vayai vanyingi), u tovoye Solomoni mwana wange kwikala ku irtebe yobwami bwa Yahova ku Israeli.

2 Kyetsinyinga 1:10

Kalunu u mbe ubugeeri neli manya, nduke kutwula nokwingira imbiri wavandu yava; kigira ni bwaha u nyala kukalagira avandu vovo yava, avanyingi?

2 Kyetsinyinga 1:11

Na Nya saye ya volera Solomoni, Kigira u veye namakuva yaga mmwoyo gu gwo, na si u savi ubutugi, kinga ubu hinda, kinga ubukumi, kinga liva mwoyo lya yavo avasigu vovo, kandi si wa teva ubuhindiri mihiga minyi ngi; navutswa u tevi ubugeeri neli manya, u duke kukalagira avandu vange, ava nda ku kola mwami kuvo:

Zaburi 2:10

Kunangwa, O avami mu ve nobugeeri: Mu vugule limanya, mwinye avakalagi velirova.

Zaburi 99:4

Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

Tsing'ano 29:4

Umwami a dinyiridza kivala nelikalaga lilye lilungi; Navutswa uyu wenyanga vikukula a tung'aminya kivala.

Tsing'ano 8:16

Avanene vamehanga kigira inze, Na avakuminywa kali avakalagi vosi velirova.

Isaya 1:26

na ndi rannya avakalagi vovo kuli matsyambiri, na vavoli vovo kuli ma tsyambiri: na inyima wa yaga u la langwa Lidala lyobulungi, lidala lyo busuuvirifu.

Jeremia 33:15

Mmadiku yago, nenyinga yeyo, nda sebukidzira Daudi Kisibu kyobulungi; naye a la kola likalaga nobulungi mu kivala yiki.

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 4:25

ive u la kungwa kutwula ku vandu, na limenya lilyo li la va halala ne tsinyama tsyomwigendanyama, na ive u la kolwa kulia bunyasi kuli ing'ombe, na u la nyola amadzi gelime lyomigulu, na tsinyinga tsitano na tsiviri tsi la vita ku ive; u duke kumanya uyu U Veye Igulu Ku Vyosi wamehi mu bwami bwavandu, na a hedzanga ku uyu wa a yanza.

Danyeli 4:32

u la kungwa mu avandu; na limenya lilyo li la va halala netsinyama tsyomwigendanyama; ive u la kolwa kulia bunyasi kuli tsing'ombe; na tsinyinga tsitano na tsiviri tsi la vita ku ive; kuduka ive u la manya U Veye Igulu Ku Vyosi yamehanga mu bwami bwa avandu, na a hedzanga wa yenyanga ku vosi.

Matayo 28:18

Yesu yadza na a volerana navo, na a vola, Mbebeywi tsingulu tsyosi mu ligulu nomu lirova.

Varumi 13:1

Avandu vosi ava veye mwoyo vegehidze ku yava ava veye netsingulu kuvo: kigira si ha veye nowameha u vula kutwula ku Nyasaye; kandi avameha ava veho, Nyasaye ya va vika.

Likunula 19:11

Kandi nda lola ligulu ni ligulika; kandi henza, iparasi indavu, na uyu wa nina ku a langwa Musuuvirifu no Weligali; kandi mu bulungi a kalaga nokukola lihe.

Likunula 19:16

Kandi a veye nelieta li ng'odeywi ku ingubo yeye nokwitango lilye, MWAMI WAVAMI NOMUNENE WAVANENE.

1 Samweli 16:1

Na Yahova ya volera Samweli, U la syomera Saulo kuduka inyingaki, kigira inze mmu suye, a vule kuva mwami ku Israeli? Wizulitse maguta mu lwiga lulwo, u tsie: nda ku tuma ku Jesse Mubeth lehemu; kigira inze nzenyoleye mwami mu avana veve.

1 Samweli 9:17

Na lwa Samweli ya lola Saulo, Yahova ya mu volera, Henza mundu wa nda ku volera uyu niye a la va netsingulu ku avandu vange.