Tsing'ano 8:14 - KITABU KITAKATIFU

¹⁴ Livola malungi li veye lyange, na ubugeeri ubudukiru: Inze mbeye limanya; mbeye nobunyali.

Tsing'ano 8:14 ပူးပေါင်းရင်းမြစ်များ

Ayubu 12:13

Ubugeeri nobunyali vi veye halala na Nyasaye; A veye namakuva nelimanya.

Tsing'ano 1:25

Navutswa mu legi makuva gange gosi, Na si mu bugiriye ligondoka lyange:

Tsing'ano 18:1

Uyu weyahulanga ku wakye yenyanga lyenya lilye mwene, Naye a hing'ananga nobugeeri bwosi bweligali.

Tsing'ano 19:20

U hulire livola, na u bugirire lyegidzwa U duke kuva wobugeeri mu kiheri kikyo.

Tsing'ano 24:5

Mundu wobugeeri a veye netsingulu; Yee, mundu welimanya a medanga ubunyali.

Tsing'ano 3:21

Mwana wange, u ta leka yaga ga twule imbiri wetsimoni tsitsyo; U gumire ubugeeri budukiru na limanya:

Kohelethu 7:19

Ubugeeri bu veye tsingulu ku uyu u veye nobugeeri kuvita avamehanga likumi va veye mu lidala.

Isaya 28:29

Yaga kandi ga twula ku Yahova wa mahe, a veye wa makuva wobugenyi, nowobulahi mu ubugeeri.

Isaya 40:14

Yenya likuva lya bwaha, ni bwaha wa mwegidza, nokumwegidza mu inzira yelikalaga, nokumwegidza ubugeeri, nokumwegidza inzira yelimanya?

Isaya 9:6

Kigira mwana wivuliywi kwinye, ku hebeywi mwana muyai; na ubwami bu la va ku mavega gege: lieta lilye a la gulikwa Wobugenyi, Mboli, Nyasaye Munene, Dada we Mihiga nemihiga Munene we Mirembe.

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Yohana 1:9

Bwa li ho ubulavu bweligali, bwingira mu lirova ni bu ha avandu vosi ubulavu.

Varumi 1:22

Mu livola lyavo avene ku veye avageeri, va gwa avasiru,

1 Vakorintho 1:24

navutswa ku Vayuda na Vagreki ava langwa, a veye Kristo tsingulu tsya Nyasaye, nobugeeri bwa Nyasaye.

1 Vakorintho 1:30

Navutswa mwinye mu twulanga kuye mu Kristo Yesu, wa Nyasaye a kola kuva ubugeeri bwetu, kandi ubulungi, nobutakatifu, nobuhonnyi:

Vakolosai 2:3

wobutugi bwosi bwobugeeri nobwelimanya bu viseywi mu.