Tsing'ano 7:26 - KITABU KITAKATIFU

²⁶ Kigira u tsomi hasi avanyingi ava kindukidzwa: Yee, vosi aviitwa naye va veye lihe linene.

Tsing'ano 7:26 ပူးပေါင်းရင်းမြစ်များ

2 Samweli 3:27

Na lwa Abineri ya li ni yirananga Hebironi, Joabu ya mbeta haluvega hagati hekiribwa kuvolerana naye galaha, naye ya mu tumita munda, na a kudza, kigira masahi ga Asaheli amwavo Joabu.

Nehemia 13:26

Solomoni mwami wa Israeli si ya kola ubwoni mu makuva yaga? Navutswa mu tsihiri tsinyingi si ha li nomwami kuli uyu, Nyasaye wewe ya mu yanza, na Nyasaye ya mwamehidza a ve mwami ku Israeli vosi: navutswa kali uyu avakali ava geni va mbika mbwoni.

Tsing'ano 2:18

Kigira inyumba yeye yikanga ku likudza, Na tsinzira tsitsye tsi hilanga ha avakudzu;

Tsing'ano 23:28

Yee, uyu a setanga kuli munuuli, Naye a medanga avobugadi hagati ha avandu.

Tsing'ano 6:33

A la nyola tsing'oma na lilegwa; Na tsisoni tsitsye tsi la vula kweywa ligali.

Tsing'ano 7:27

Inyumba yeye i veye inzira ya Kihadisi, I sulungutanga kutsia mu inyumba yelikudza.

Tsing'ano 9:18

Navutswa uyu si a manya avakudzu va veye ho; Na avageni veve va veye mu luliva lwa Kihadisi

1 Vakorintho 10:8

Kandi ku ta kola malaya kuli avandi kuvo va kola, ni va gwa lidiku lilala avandu tsielfu amakumi gaviri na tsivaka.

2 Vakorintho 12:21

gase lwa nzidza kandi Nyasaye wange a la ngehidza imbiri wenyu, kandi inze nda vererera avanyingi ava tanga kukola ubwoni ava vula kweganira ubudamano nokutsia mbakana, nobuheyi bwa va kola.

1 Petro 2:11

Avayanze, ng'oonya mwinye avamenyi kandi avageni, mwiyahule ku likayirwa lyomubiri, li hing'ana nomwoyo;

Vakalagi 16:21

Na Vafilisiti va mu gumira, nokumuhudula tsimoni; na va sulunguta naye kutsia Gaza, na va mboha neviboheru vyomugasa; naye ya sia mu inyumba yavahambe.