Tsing'ano 6:23 - KITABU KITAKATIFU

²³ Kigira lilaga li veye itaya; na lyegidza li veye ubulavu; Na lyegidzwa lyeligondokirwa li veye inzira yelivamwoyo:

Tsing'ano 6:23 ပူးပေါင်းရင်းမြစ်များ

Litanga 39:8

Navutswa ya sula, na a volera mukali wa mwami wewe, Henza, mwami wange si a manya kya mbeye nakyo mu inyumba, kandi ya vika vyosi vya a veye navyo mu mukono gwange:

Zaburi 119:105

Likuva lilyo li veye itaya yevirenge vyange Na ubulavu bwenzira yange.

Zaburi 119:130

Livuula lyamakuva gogo li leta ubulavu Li hedza avasiru limanya.

Zaburi 141:5

Wobulungi a nduye, ga la va tsimbabasi; Kandi a ng'ondokere, ga la ra kuli maguta ku mutwe; Mutwe gwange gu vule kugasula: Kigira lisaala lyange li la va ndiyo ku vyobudamano bwavo.

Zaburi 19:8

Megidzo ga Yahova ga veye malungi, ga yanzidzanga mwoyo: Lilaga Iva Yahova li veye litakatifu, li kolera tsimoni ubulavu.

Tsing'ano 10:17

Uyu u bugiriranga lihebwa amageli a veye ku inzira yelivamwoyo; Navutswa uyu u lekanga lyegi dzwa a gotanga.

Tsing'ano 15:24

Ku avageeri inzira yelivamwoyo yanigiranga igulu, A twule mu Kihadisi hasi.

Tsing'ano 15:31

Ugutu gu huliranga lihebwa amageli gelivamwoyo Gu la menya hagati havageeri.

Tsing'ano 29:15

Impimbo na lyegidza vi vikanga ubugeeri; Navutswa mwana wa lekwa kulonda tsinzira tsitsye, a la legannya mama wewe.

Tsing'ano 3:18

A veye musala gwelivamwoyo ku vosi ava mu gumira: Kandi sa mulala u hambana naye a veye nobugasu.

Tsing'ano 4:13

U gumire lyegidzwa ligali; u ta li leka li tsie: U li gumire; kigira li veye livamwoyo lilyo.

Tsing'ano 4:4

Naye ya nzegidza, na a mbolera: Mwoyo gugwo gu bugirire makuva gange; U gumire malago gange, na u ve mwoyo;

Tsing'ano 5:12

Na u la vola, Nda dunyira ndi lyegidzwa, Na mwoyo gwange gwa lega ligondokirwa;

Kohelethu 7:26

Na ndola kindu kuvita litsunwa lyelikudza, ni uyu mukali womwoyo gwigwe gu veye mitego neviveto, na makono gege nevibohero: ku vosi u yanzidza Nyasaye a la nozoka ku mukali uyu; navutswa wobwoni a la gumirwa.

Kohelethu 7:5

Nobulahi kuhulira ligondoka lyavageeri, kuvita mundu kuhulira lwi mbu lwavasiru.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Jeremia 21:8

Na u la volera avandu yava Yahova a vola ndi: Henza, mbikanga imbiri wenyu inzira yelivamwoyo neyelikudza.

Ezekieli 20:11

Nda va ha malago gange, nokuvamannya miima gyange, gya mundu a va na a kola a la hindira mugyo.

Kyavalevi 19:17

U ta dunyira amwavo wowo mu mwoyo gugwo: ligali u la gaya mutende wowo, na u te nyolira ubwoni kuye mba.

2 Petro 1:19

Kandi ku veye nelikuva lyobuprofeti li koleywi kuva netsingulu kukira, lya mu koli bulahi ni mu li huliridza, kuli itaya yaakanga ha kisundi, kuduka bu luha bu kya, kandi ing'ereng'ani ya mugamba i loleka mu myoyo gyenyu;

Likunula 2:5

Kigira yaga widzulitse ha wa twula ni waguluka, nokweganira wirane kukola miyinzi gyembiri; kinga ndadza ku ive, nokutwulidza kinara kikyo kyetsitaya ha ki veye nu u vula kweganira