Kandi Manase ya tahidza masahi manyingi ga ta li nekindu, kuduka ya gizulitsa Yerusalemi kutwula luvega yilu kuduka luvega lundi; kuvita bwoni bwibwe bwa ya kola bwa ya gotidzira ku Yuda, ku likola budamano imbiri wa Yahova.
Yahova, Mwoyo gwange si gwiyidzominya, kandi tsimoni tsyange si tsyeginganga igulu; Kandi si ntsitsanga mu makuva manene, Kinga mu vindu vinene vyokugenya vyokuvita inze.
Kuvita yaga, Yahova a vola, Kigira avakana va Zioni vegingira, na va gendanga namagoti manyiriku, netsimoni tsinyumu, ni va genda ku litematema inzira, nokutuula muliviti gwetsinyambula tsyomu virenge vyavo;
Liloleka lyommoni mwavo li lolekidza lihing'ana kuvo: na va lang'aminya ubwoni bwavo kuli Sodoma, si va visanga mba. Budamano bu ve ku mwoyo gwavo kigira vekoli avene ubuda mano.
Navutswa mu manye ligali, ni mu va ni mu nziita, mu la leta masahi ga ta li nekindu kugo ku mwinye avene, noku lidala yili, noku avamenyi mulyo; kigira ligali Yahova a ntumi ku mwinye kuvola makuva yaga gosi mu amatu genyu.
Mwinye mu veye wa dada wenyu setani, kandi likayirwa lya dada wenyu nilyo lya mu lalira kukola. A veye mulumindi kutwula mu litanga, si a singira mu geligali, kigira si a veye nageligali muye. Lwa a vola ubu behi, a vola ku vya a veye navyo: kigira a veye mubehi, kandi ise bubehi.
Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.