Tsing'ano 6:16 - KITABU KITAKATIFU

¹⁶ Vi veye ho vindu vitano na kilala vya Yahova a dunyiranga; Yee, vitano na viviri vi veye vyokuvihiriridza kuye:

Tsing'ano 6:16 ပူးပေါင်းရင်းမြစ်များ

2 Avami 21:16

Kandi Manase ya tahidza masahi manyingi ga ta li nekindu, kuduka ya gizulitsa Yerusalemi kutwula luvega yilu kuduka luvega lundi; kuvita bwoni bwibwe bwa ya kola bwa ya gotidzira ku Yuda, ku likola budamano imbiri wa Yahova.

Ayubu 5:19

A la honnya ive ku vivi vitano na kilala; Yee, kali mu vitano na viviri si ha veye nobudamano kali bulala bunyala kudira ive.

Zaburi 11:5

Yahova a geridza avalungi; Navutswa mwoyo gwigwe gu dunyira mudamano, na uyu u yanza kirage.

Zaburi 5:7

Navutswa inze, nda ingira mu inyumba yoyo mu bunyingi bwetsimbabasi tsitsyo: Mu litia ive, nda sigamira mu liyeka ku litempeli lilyo lita katifu.

Tsing'ano 11:1

Tsiratili tsyobugadi tsi veye livihiriridzwa ku Yahova; Navutswa kigero kyetsiratili tsi nungi ki mu yanzidza.

Tsing'ano 11:20

Yavo avobukyamu bwomwoyo va veye livihiriridza ku Yahova; Navutswa avobudukiru mu tsinzira tsyavo va mu yanzidza.

Tsing'ano 12:22

Minwa gyobubehi gyi veye livihiriridza ku Yahova; Navutswa yavo ava kolanga bulungi, nivo ava a yanzidzanga.

Tsing'ano 17:15

Uyu u hedzanga avadamano ubulungi, na uyu u vikanga lihyolo ku mulungi Vombi halala va veye livihiriridza ku Yahova.

Tsing'ano 20:10

Vigero vyetsiratili lugano lugano, na vigero vindi lugano lugano, Yivi vyombi vi veye livihiriridza ku Ylhova.

Tsing'ano 20:23

Vigero lugano lugano vyokugera vi veye livihiriridza ku Yahova; Na iratili yobugadi si i veye indahi.

Tsing'ano 21:4

Tsimoni tsyokwegingira, na mwoyo gwoluyai Kali itaya yavekirage, vi veye ubwoni.

Tsing'ano 3:32

Kigira mukyamu a veye livirihidza ku Yahova; Navutswa aga viswa gege ga veye halala na avalungi.

Tsing'ano 30:18

Ha veye ho nevindu vivaka vyokugenya vyokuvita inze, Yee, vine vya nta manya:

Tsing'ano 30:21

Lirova li degera kigira vinduvivaka Kandi kigira vine vya li ta nyala kwikudzira ku, navyo ni yivi;

Tsing'ano 30:24

Vi veye ho vindu vine vikekeke mu lirova, Navutswa vi veye nobugeeri ligali;

Tsing'ano 30:29

Vi veye ho vibaka vyolugendo lulahi, Yee, vine vyolugendo lulahi:

Tsing'ano 6:15

Kigira yaga kivi kikye ki la duka kuye nonoho; A la vunanywa nonoho, na si ha veye nenzira yokuhona.

Tsing'ano 6:17

Navyo vi veye, tsimoni tsyokwigingira, na lulimi lwobugadi; Na makono ga tahidzanga masahi ga ta li nekindu;

Tsing'ano 8:13

Litia Yahova li veye kudunyira ubudamano: Luyai, na lyegingira, na inzira indamano, Na umunwa gwobukyamu, ndunyiranga yivi.

Jeremia 26:15

Navutswa mu manye ligali, ni mu va ni mu nziita, mu la leta masahi ga ta li nekindu kugo ku mwinye avene, noku lidala yili, noku avamenyi mulyo; kigira ligali Yahova a ntumi ku mwinye kuvola makuva yaga gosi mu amatu genyu.

Amosi 1:11

Yahova a vola ndi: Kigira mahyolo gavaka ga Edom, yee, kigira gane, si nda girunkannyira lihebwa mageli lyalyo; kigira ya kunga amwavo wewe nekivavi, na a ta tsimbabasi tsyosi, nobutima bwibwe bwa tandula kazozo, na ya li nobutima bwibwe mihiga gyosi.

Amosi 1:3

Yahova a vola ndi: Ku mahyolo gavaka ga Damasko, yee, kuduka ku gane, si nda girunkannyira lihebwa mageli lyalyo; kigira va duvagi Gileadi nemivango gyekivya.

Amosi 1:6

Yahova a vola ndi: Kigira mahyolo gavaka ga Gaza, yee, kigira gane, si nda girunkannyira lihebwa mageli lyalyo; kigira va hila avandu vosi kutsia mbuhambe, kuvavika mmakono ga Edom.

Amosi 1:9

Yahova a vola ndi: Kigira mahyolo gavaka ga Turo, yee, kigira gane, si nda girunkannyira lihebwa mageli lyalyo; kigira va vika avandu vosi mmukono gwa Edom, na va vula kwidzulitsa lilagana lyavamwavo.

Amosi 2:1

Yahova a vola ndi: Kigira mahyolo gavaka ga Moabu, yee, kigira gane, si nda girunkannyira lihebwa mageli lyalyo; kigira ya samba vigumba vyomwami wa Edom kuduka kuva kilongo.

Amosi 2:4

Yahova a vola ndi: Kigira mahyolo gavaka ga Yuda, yee, kigira gane, si nda girunkannyira nnebwa mageli lyalyo; kigira vambakana malago ga Yahova, na va vula kugumira miima gyigye, nobubehi bwavo bwa va letera mahyolo, bwavadada vavo va londa.

Amosi 2:6

Yahova a vola ndi: Kigira mahyolo gavaka ga Israeli, yee, kigira gane, si nda girunkannyira lihebwa mageli lyalyo; kigira va gulidza avalungi kunyola ifetha, navadaka kunyola vilatu

Zekaria 8:17

kandi a ta va ho mundu hagati henyu u saavira ubudamano mu mwoyo gwigwe ku mutende wewe; mu ta yanza lyesuha lyobubehi kali hakuzu: kigira vindu yivi vyosi vi veye vya ndunyira, Yahova a vola.

Kwidzulitsa 23:18

U ta leta amadanyi gomuheyi, kinga madanyi gembwa, mu inyumba ya Yahova Nyasaye wowo kigira lisuuviridza lyosi: kigira vindu yivi vyombi vi veye livihiriridza ku Yahova Nyasaye wowo.

Kwidzulitsa 24:4

musatsa wokutanga wa mu twulidza, a ta mu vugula kuva mukali wewe kandi mba, inyima wa ya gwa mudamano; kigira yaga ga veye livihiriridza ku Yahova: na u ta vika ubwoni ku kivala kya Yahova N y asaye wowo a ku ha kuva miyandu.

Kwidzulitsa 25:16

Kigira ava kolanga vindu kuli yivi, vosi, na ava kolanga aga ta li ubulungi, vosi, va veye livihiriridza ku Yahova Nyasaye wowo.

Likunula 21:27

kandi ku vyosi ki veye kinyaviru, kandi uyu u kolanga livihiriridza nobubehi si va lingira mba: navutswa yava ava ng'odua mu kitabu kyelivamwoyo.