Tsing'ano 4:5 - KITABU KITAKATIFU

⁵ Wenyolere ubugeeri, wenyolere limanya; U tivirira, kandi u ta girunkana kutwula ku makuva gomunwa gwange;

Tsing'ano 4:5 ပူးပေါင်းရင်းမြစ်များ

2 Kyetsinyinga 34:2

Na ya kola agobulungi mu tsimoni tsya Yahova, na ya genda mu tsinzira tsya Daudi guga wewe, si ya giru nkana kutsia ha luvega ku luvega lwomukono mulungi kinga mukono mmosi.

Ayubu 23:11

Kirenge kyange ki handi ligali ku tsinduvatiru tsitsye; N gumiye ligali inzira yeye, si ntsia haluvega.

Zaburi 119:157

Avadambidzi na avasigu vange va veye vanyingi; Navutsua si ngirunkani kutwula ku lilolekidza lilyo.

Zaburi 119:51

Avoluyai va nkoleye kihenyahenye: Navutswa si ngirunkani kutwula ku itorati yoyo.

Zaburi 44:18

Mwoyo gwetu si gwirani inyima mba, Kandi si ku girunkannyi ligenda lyetu kutwula ku inzira yoyo,

Tsing'ano 16:16

Bu duka kuli ndi ubulahi bwokunyola ubugeeri kuvita kunyola ithahabu Yee, kunyola limanya li veye litovolwa kuvita linyola ifetha.

Tsing'ano 17:16

Kigira ki musiru a veye nekyokugula ubugeeri mu mukono gwigwe Kigira si a li nelimanya?

Tsing'ano 18:1

Uyu weyahulanga ku wakye yenyanga lyenya lilye mwene, Naye a hing'ananga nobugeeri bwosi bweligali.

Tsing'ano 19:8

Uyu u nyola ubugeeri yeyanza mwoyo gwigwe: Na uyu u gumiranga limanya, a la nyola ubulahi.

Tsing'ano 23:23

U gule ageligali, u ta ga gulidza mba; Yee, kali ubugeeri, na lyegidzwa, na limanya.

Tsing'ano 3:1

Mwana wange, u tivirira megidzo gange; Navutswa mwoyo gugwo gu gumire amalago gange:

Tsing'ano 4:7

Ubugeeri bu veye kindu kinene kuvita vyosi; kunangwa wenyolere ubugeeri; Yee, halala na linyola lilyo lyosi, wenyolere limanya.

Tsing'ano 8:5

O mwinye ava ta manya, mu manye ubugeeri; Na mwinye avasiru, mu ve nomwoyo gwelimanya.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.