Tsing'ano 4:4 - KITABU KITAKATIFU

⁴ Naye ya nzegidza, na a mbolera: Mwoyo gugwo gu bugirire makuva gange; U gumire malago gange, na u ve mwoyo;

Tsing'ano 4:4 ပူးပေါင်းရင်းမြစ်များ

Litanga 18:19

Kigira inze mmu manyi, kuduka a lage avana veve nevenyumba yeye inyima wewe, va duke kugumira inzira ya Yahova, kukola ubulungi nelikalaga lilungi; Yahova a duke kuleta ku Abrahamu aga ya vola kuye.

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

Zaburi 119:11

Mbiki makuva gogo mu mwoyo gwange, Mbule kukukolera ubwoni.

Zaburi 119:144

Ubulungi bwelilolekidza lilyo bu menyanga mihiga gyosi: U mpe limanya na nda va mwoyo.

Zaburi 119:168

Ngumiye megidzo gogo na lilole kidza lilyo; Kigira tsinzira tsyange tsyosi tsi veye imbiri wowo.

Tsing'ano 22:6

Wegidze umwana ku inzira i mu dukira kugenda ku, Naye lwa a li va musakulu a la vula kugileka.

Tsing'ano 23:26

Mwana wange, mpe mwoyo gugwo; Na tsimoni tsitsye tsi sangale mu tsinzira tsyange.

Tsing'ano 3:1

Mwana wange, u tivirira megidzo gange; Navutswa mwoyo gugwo gu gumire amalago gange:

Tsing'ano 3:2

Kigira butambi bwamadiku na mihiga gyelivamwoyo, Na mirembe ga la ku medera.

Tsing'ano 7:2

U gumire amalago gange na u ve mwoyo; U gumire lilaga lyange kuli u linda indolero yemoni yoyo.

Isaya 55:3

Mu tegidze matu genyu, mudze ku inze; mu hulire, na myoyo gyenyu gyi la va mwoyo: na nda kola lilagana nemwinye li hongeranga mihiga nemihiga, nalyo li veye ubugasu bwa Daudi bu veye nobusuuvirifu.

Jeremia 38:20

Navutswa Jeremia ya mu volera, Si va la ku haana mba. Nku goonya, mwadza, u hulire mwoyo gwa Yahova, mu yaga aga nku voleranga: ni ndiyo ga li va ubulahi ku ive, nomwoyo gugwo gu la hindira.

Yohana 12:50

Inze mmanya lilaga lilye li veye livamwoyo li ta hera mba: kunangwa aga mbolanga, kuli Dada ya mbolera, mbola ndiyo.

Vafeso 6:4

Kandi mwinye avadada mu ta tindira avana venyu va ve nobutima: navutswa mu va linde bulahi mu lyegidza nomu ligerihidza lyo Mwami.

Kwidzulitsa 4:9

Navutswa welinde ive mwene, nokulinda ligali roho gugwo, gase u iivirira agetsimoni tsitsyo tsya lola, na gase ga la twula mu mwoyo gugwo madiku gelivamwoyo lilyo lyosi; navutswa wegidze avana vovo aga wa lola, navisukulu vovo;

Kwidzulitsa 6:6

Makuva yaga ga nda ku laga lero, ga la va mmwoyo gugwo;

2 Timoteo 1:5

lwa nduka kwidzulidzwa lisuuvira lilyo lya u veye nalyo li ta li lyobugadi; lya li ho ku matsyambiri mu guuku wowo Lois nomu mama wowo Eunike; kandi nduki kulola ligali ive u veye nalyo.

2 Timoteo 3:15

kandi kutwula bwana bwoke wa manya mang'oda matakatifu, aga nyala kukugerihidza kuduka ku buhonnyi bwelisuuvira li veye mu Kristo Yesu.

Vahebraina 5:9

lwa ya kolwa mudukiru ya gwa mulombi wobuhonnyi bwemihiga nemihiga, ku vosi ava mu huliranga,

Vakalagi 13:12

Na Manoa ya vola, Kalunu makuva gogo ga duke: miima gyomwana uyu gyi la va ki, ku la mu kola ndi?