Tsing'ano 31:30 - KITABU KITAKATIFU

³⁰ Ubulahi bu gadanga, na ligondo li veye lyavutswa; Navulswa mukali u tidzanga Yahova, a lidzominywa.

Tsing'ano 31:30 ပူးပေါင်းရင်းမြစ်များ

2 Samweli 14:25

Mu Israeli mwosi si ha li no mundu kali mulala welidzominywa ku bulahi bwibwe bweligondo kuli Abisalom; kutwula ku induvatiru yeye kuduka ku lwote lwomutwe gwigwe si ya li nobulema kali hakuzu.

Zaburi 112:1

Mwidzominye Yahova. A veye nobugasu mundu u tidzanga Yahova, Wokusangala ligali ku malago gege.

Zaburi 147:11

Yahova a yanzidzwa mu yavo ava mu tidzanga, Mu yavo ava suuvira tsimbabasi tsitsye.

Tsing'ano 1:7

Litia Yahova li veye litanga lyelimanya; Navutswa avasiru va lega ubugeeri na lyegidzwa.

Tsing'ano 11:16

Mukali mugoosi a nyola lidzominywa Na avandu avalulu va nyola ubutugi.

Tsing'ano 11:22

Kuli imingiri yethahabu mu amolu gempidzi, A veye ndiyo mukali weligondo lilahi u ta li nobugeeri.

Tsing'ano 22:4

Madanyi gelyegehidza nokutia Yahova Ga veye ubutugi, na lidzominywa, na livamwoyo.

Tsing'ano 31:29

Avakana vanyingi va koli bulahi, Navutswa ive u va vita vosi.

Tsing'ano 31:31

U he uyu ku makuyu ga makono gege; Na vikolwa vivye vi mwidzominye mu viribwa.

Tsing'ano 6:25

U ta kayirwa ubulahi bwibwe mu mwoyo gugwo; Kandi u ta bugirira a ku tege nevigohe vyetsimoni tsitsye.

Tsing'ano 8:13

Litia Yahova li veye kudunyira ubudamano: Luyai, na lyegingira, na inzira indamano, Na umunwa gwobukyamu, ndunyiranga yivi.

Kohelethu 12:13

Kiheri kyenkuva yiyi ni yiki; gosi ga mali kuhulirwa: U tie Nyasaye, u gumire lilaga lilye; kigira miyinzi gyi dukiranga mundu ku budukiru bwibwe ni yigyi.

Kohelethu 7:18

Nobu lahi u gumire likuva yili; yee, u ta twulidza mukono gugwo ku likuva yili: kigira uyu u tidzanga Nyasaye a la twula mu yaga gosi.

Ezekieli 16:15

Navutswa wa suuvira ku ligondo lilahi lilyo, na wa tumekira amalaya kigira lidzominywa lilyo, na wa tsuka vindu vivyo vya malaya ku vosi ava vitanga; wa li wewe.

Luka 1:6

Navo vombi va li ava lungi imbiri wa Nyasaye, ni va gendera mu makuva gosi nomu malago go Mwami bugira kindu kuvo.

Varumi 2:29

navutswa uyu a veye Muyuda u veye Muvuda mugati; nelikevwa ni yili lyomwoyo, mu roho si li veye mu induguta; lidzominywa lilye si li veye lyavandu, navutswa lya Nyasaye.

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

Yakobo 1:11

Kigira liuva li twula halala nembuudza i sambanga, nokwuminya ubulimu; nekimuli kyabwo ki gwidzanga, nobugasu bwelifwana lyakyo bu gotanga: kandi ndiyo mutugi a la kamuluka mu tsing'endo tsitsye.

1 Petro 1:24

Kigira, Mibiri gyosi gyi veye kuli ubunyasi, Kandi ubukumi bwagyo bu veye kuli kimuli kyobunyasi. Ubunyasi bwumanga, nekimuli kyabwo ki vunguluka:

1 Petro 1:7

ligeridzwa lyelisuuvira lyenyu li veye lilahi kuvita ithahabu i gotanga, kali ni i geridzwa nomuliru, li lolwe kuduka ku lidzominya noku bukumi noku lidzominywa mu lilang'aminywa lya Yesu Kristo.