Tsing'ano 31:22 - KITABU KITAKATIFU

²² Mwene welombeye vyokwihuma; Tsingubo tsitsye tsi veye ikatani indahi na kiforosadi.

Tsing'ano 31:22 ပူးပေါင်းရင်းမြစ်များ

Litanga 41:42

Na Farao ya twulidza imingiri yomuhuri ku mukono gwigwe, na a gi vika Yosefa ku mukono gwigwe, kandi ya mu vika tsingubo tsyekatani tsindahi, nokumuvika munyolo gwethahabu mwigoti mwimwe;

Esther 5:1

Kunangwa ku lidiku lya kavaka, Esther yevika tsingubo tsitsye tsyobwami, na a singira mu mugidzi gwomugati gwenyumba yomwami, hi mbi nenyumba yomwami: na mwami yikala ku intebe yeye yobwami mu inyumba yobwami, himbi na ho kwingira henyumba.

Esther 8:15

Kandi Mordekai ya twula imbiri womwami, ni yevika tsingubo tsyo bwami tsyeblue na tsindavu, kandi netaji inene yethahabu ku mutwe gwigwe, kandi nengubo yeye yegulu yekatani indahi ya kiforosadi: na lidala lya Shushan lya hanzuka noku sangala.

Tsing'ano 7:16

Mmali kwala ubugono bwange nevyokugonera vilahi, Na tsingubo tsyamagondo na katani indahi ya Egepeti.

Luka 16:19

Ha li nomutugi mulala, kandi yivika ingubo yekiforosadi na ya katani indahi, na a menya mu lisangala kazozo.

1 Petro 3:3

Lyesiaha lyenyu, li ta va lyesiaha lyokwigulu kuli linava amasu, nokwivika vindu vyethahabu, kinga kwivika tsingubo tsyobung'olang'ole;

Likunula 19:14

Namahe gavasi kari ga veye migulu ava nina ku tsiparasi tsindavu, nokuvikwa ingubo yekatani indahi, nendavu ni siye ku, ga mu londa.

Likunula 19:8

Kandi ya hebwa yivike ingubo yekatani indahi, ing'ereng'anu ne siye ku: kigira ikatani indahi i veye vikolwa vilungi vyavatakatifu.

Vakalagi 8:26

Neligera lyetsiratili tsyetsimingiri tsyethahabu tsya ya teva tsya duka tsishekeli tsyethahabu elfu na tsimia tsitano ne tsiviri: tsi medwa ku viyombe, nevyo kwisyaha, netsingubo tsyekiforosadi tsyavami va Midiani vivika, nokumedwa ku minyororo gya li mmagoti getsing'amia tsyavo.