Tsing'ano 30:9 - KITABU KITAKATIFU

⁹ Gase ndiguta, nokwambakana ive, nokuvola, Yahova ni bwaha? Kinga nda va mudaka ligali, gase nda va mwivi, Nokutumekira vutswa lieta lya Nyasaye wange.

Tsing'ano 30:9 ပူးပေါင်းရင်းမြစ်များ

Zaburi 125:3

Kigira impimbo yobudamano si i la menya ku kidieli kyavalungi; Avalungi va vule kunyira makono gavo ku ubukyamu.

Kutwula 20:7

U ta tala vutswa lieta lya Yahova Nyasaye wowo; kigira Yahova si a la vula kulola mahyolo ku uyu u talanga vutswa lieta lilye.

Kutwula 5:2

Na Farao ya vola, Yahova ni bwaha, inze nduke kuhulira mwoyo gwigwe, nokuha Israeli munwa kutsia? Inze si mmanya Yahova, na kandi si nda a ha Israeli munwa kutsia.

Tsing'ano 29:24

U veye nelisanga nomwivi a dunyira mwoyo gwigwe mwene; A huliranga imisu, ma a vula kuvuula.

Isaya 59:13

mu lihyola nokwambakana Yahova, nokugirunkana kuvula kulonda Nyasaye wetu, nokuvola lidambidza nekirage, lisaavira nokutwulidza mu myoyo makuva gobubehi.

Jeremia 2:31

O likula, mu lole likuva lya Yahova. Inze nda li ligendannyamak u Israeli? Kinga nda li kivala kyekisundi kinene? Kunangwa kigira ki avandu vange va volanga, Kwinye kwiruki; si ku lirana ku ive kandi mba?

Jeremia 5:12

Vambakani Yahova, nokuvola, Uyu si a li iye mba; kandi si ku la lola kivavi kinga inzala mba:

Ezekieli 23:35

Kigira yaga Mwami Nyasaye a vola ndi: Kigira ive wiviriye inze, no kumbika inyima wowo, kigira yaga ive u ginge tsiganagani tsitsyo tsinda mano na malaya gogo.

Danyeli 4:17

Likalaga yili li veye lyomunwa gwavalindi, na likuva li veye lyomunwa gwavataka tifu, ava veyemwoyo va duke ku manya uyu U Veye Igulu Ku Vyosi yamehanga mu bwami bwavandu, kandi a hedzanga uyu wa a yanza kandi a vika kubwo uyu u veye mu kekeke ku vosi.

Danyeli 4:30

Mwami ya moloma na a vola, Yili si li veye Babuloni linene, lya nyombaki netsingulu tsyange kuva inyumba yobwami, kandi kuva lyelidzominywa lyobunene bwobukumi bwange?

Hosea 13:6

Kuli hokwaya havo ha veye, ni ndiyo viguti; viguti, nemyoyo gyavo gya nenehidzwa: kigira yaga vivirira inze.

Kyavalevi 5:1

Ku vosi mundu na a va na a kola ubwoni, ku lihulira mwoyo gwokusuha, na a va muloli, na a va ni ya lola, kinga a manya, naye na a vula kuvuula, ma a la ginga ubudamano bwibwe mwene.

Matayo 26:72

Kandi yambakana ni yisuha, na a vola, Si mmanya mundu uyu.

Matayo 26:74

Hene yaho ya tanga kulaama nokunyega, na a vola, Si mmanya mundu uyu. Nonoho idaywa ya lagula.

Kwidzulitsa 31:20

Kigira lwa mmali kuvaleta mkivala kya ndisuhira avaguga vavo, ki gangalukanga amaveere nobwuki, navo lwa va mali kulia nokwiguuta, nokukomera; hene yaho va la girunkana ku vanyasaye vandi, nokuvatumekira, nokulega inze, nokwononya lilagana lyange.

Kwidzulitsa 32:15

Navutswa Jeshurun ya komera, na a kupa luvasi: U gwiye munetu, nokugwa mukomeru nomunifu, na wa terereka; Ma ya leka Nyasaye wa mu lomba Na ya lega Lwanda lwobuhonywi bwibwe.

Joshua 24:27

Na Joshua ya volera avandu vosi, Henzi, ligina yili li la va lilolekidza ku kwinye; kigira li huliye amakuva yaga gosi ga Yahova ya ku volera: kunangwa li la va liloekidza ku kwinye, gase mu lambakana Nyasaye wenyu.