Tsing'ano 30:10 - KITABU KITAKATIFU

¹⁰ U ta huudzeridza mutugwa ku munene wewe Gase a la ku nyega, na u la loleka kuva nelihyolo.

Tsing'ano 30:10 ပူးပေါင်းရင်းမြစ်များ

Litanga 8:21

Na Yahova ya hulira mwayu munolu; na Yahova ya vola mmwoyo gwigwe, Si nda laama lirova kandi kigira avandu, kigira tsiganagani tsyomwoyo gwavandu tsi veye tsindamano kutwula bwana boke; kandi si nda kuya kandi vyosi vi veye mwoyo, kuli nda kola.

Tsing'ano 11:26

Uyu wimananga ubuswage, avandu va la mu laama; Navutswa uyu u gulidzanga ubuswage, ubugasu bu la va ku mutwe gwigwe.

Tsing'ano 28:27

Uyu u haananga ku avadaka si a la gehera kindu; Navutswa u visanga tsimoni tsitsye a la va nevilaamo vinyingi.

Kohelethu 7:21

Kandi u ta linda makuva gosi aga volangwa, gase u la hulira mutugwa wowo na a ku nyeganga;

Danyeli 6:13

Ma va tivula ni va vola imbiri womwami, Danyeli uyo u veye ku avana velyadikidzwa lya Buyuda, si a hulira ive, O mwami, na lilaga lya wa vika ku lieta, navutswa a kolanga lisaala lilye hali gavaka ku lidiku.

Danyeli 6:24

Kunangwa mwami ya haana munwa, ni va leta avandu yavo, ava yala Danyeli, na va va ta mu luhangaywa lweving'ang'a, avene, na avana vavo, na avakali vavo; na ving'ang'a vya va guuta, ni vi vunannya vigumba vyavo vyosi, ni va kikiri kuduka hasi mu luhangaywa.

Varumi 14:4

Ive u veye bwaha u kalagira mutumwa wowundi? Ku mwami wewe mwene a singiranga kinga a gwidza. Ligali a la singiridzwa; kigira Mwami a veye netsingulu kumusingiridza.

Kwidzulitsa 15:9

Welinde na u vule kuva netsiganagani tsindamano mmwoyo gugwo, ku livola, Gu ve himbi muhiga gwe gyitano na gyiviri, muhiga gweliboholola; ma imoni yoy o i ve indamano ku amwavo w owo mudaka, u vule kumuha kindu; na a la lira ku Yahova kigira ive, na bu la va ubwoni ku ive.

Kwidzulitsa 23:15

U tirannya umutugwa ku wa mutuga lwa a mala kwehonya kutwula ku wa mutuga kuduka ku ive:

1 Samweli 24:9

Daudi ya volera Saulo, Kigira ki u huliranga makuva gavandu, ni va vola, Henza, Daudi yenyanga kukukolera budamano?

1 Samweli 26:19

Kunangwa kalunu, nku saala, munene wange mwami u hulire makuva gomutumwa wowo. Na a va na a veye Yahova u vukidzi ive ku inze, a vugule kihaanwa: navutswa ni va va ni va veye avana vavandu, va laamwe imbiri wa Yahova; kigira va nkungi lero, mbule kuhambana nemiyandu gya Yahova, ni va vola, Tsia u tumekire avanyasaye vandi.

1 Samweli 30:15

Na Daudi ya mu teva, U la nsulungutidza kuduka ku lihe yilyo? Naye ya vola, Nzisuhire ku Nyasaye, u la vula kunziita, kandi u la vula kumbika mmukono gwomunene wange, na nda ku sulungutidza kuduka ku lihe yili.