Tsing'ano 3:9 - KITABU KITAKATIFU

⁹ U he Yahova lidzominywa nevi ndu vivyo, Nobuhya bwelimedeka lilyo lyosi:

Tsing'ano 3:9 ပူးပေါင်းရင်းမြစ်များ

Litanga 28:22

na ligina lya nsingeridzi kuva munara, li la va inyumba ya Nyasaye: kandi ku vyosi vya u la mba, inze ligali nda ku ha kidieli kyelikumi.

2 Kyetsinyinga 31:10

Na Azaria musalisi munene, wenyumba ya Zadoku, ya mu tivulira, na a vola, Kutwula lwa avandu va tanga kuleta vindu vyokuhaana mu inyumba ya Yahova, kwa lia nokwiguuta, ni ku leka vinyingi: kigira Yahova ya gasidza avandu veve; na vya tigala ni yivi akiba inene.

2 Kyetsinyinga 31:21

Noku miyinzi gyosi gya ya vika ku mukono gwigwe mbutumiki bwenyumba ya Nyasaye, nomu lilaga, nomu amalago, kwenya Nyasaye wewe, ya kola nomwoyo gwigwe gwosi, na a gasidzwa.

Zaburi 144:13

Na lwa videra vyetu vizula noku hindahala netsing'ano tsyosi, Na magondi getu givula tsielfu na tsielfu makumi mu milimi Ryetu;

Kutwula 22:29

U ta lindagira kuleta ku vigese vivyo, kinga ku vyokunwa vivyo. Wa tanga kwivulwa ku avana avayai vovo u la mpa.

Kutwula 23:16

kandi lilia lyeligesa, ubuhya bweliyinzira lilyo, bwa wa midza mu mulimi: kandi lilia lyokutera, ku kiheri kyomuhiga, lwa u vungidza miyinzi gyigyo kutwula mu mulimi.

Kutwula 23:19

Bwokutanga bwobuhya bwomulimi gugwo u la leta mu inyumba ya Yahova Nyasaye wowo. U ta dekera kimeme mu maveere ga mama wakye.

Kutwula 34:26

Gokutanga kwenga gamarova gogo u la ga leta mu inyumba ya Yahova Nyasaye wowo. U ta dekera kimeme mu maveere ga mama wakye.

Tsing'ano 11:25

Mwoyo gwobuhaani gu la komeridzwa; Na uyu u samanga amadzi, naye a la nwehidzwa.

Tsing'ano 14:31

Uyu u dambidzanga avadaka a leganga Mulombi wewe; Navutswa uyu u verereranga ava dambi yidzominyanga Mulombi wewe.

Isaya 43:23

U vuli kundetera magondi kuva vihaanwa vyokusambwa; kandi u vuli kunzidzominya nevihaanwa vivyo. Inze si nku niga kuntumekira nevihaanwa vivyo, kandi si nku luhidza nevimuli.

Kyavalevi 19:25

Noku muhiga gwa Ryitano mu la lia makuyu gagyo, gyi duke kwamira mwinye makuyu gagyo: inze mbeye Yahova Nyasaye wenyu.

Livalidza 15:20

Ku ubukima bwenyu ubuhya bwokutanga mu la leta ubukima kuva kihaanwa kyokudigululwa: kuli mu kolanga kihaanwa kyokudigululwa kyolodze, mu la ki digulula ndiyo.

Matayo 25:17

Kandi ndiyo uyo wa hebwa viviri ya nyola vindi viviri.

1 Vakorintho 16:2

Ku lidiku lyokutanga lisidza mundu sa mulala ku mwinye yivikire akiba kuli vya a nyola, li ta va livungidza lwa inze mwene nzidza.

Kwidzulitsa 14:29

na uyu Mulevi, kigira si a veye nekidieli kinga miyandu halala nive, nomugeni, nombisandu, nomukunzakali, ava veye mu viribwa vivyo, vadze kulia vi gute; Yahova Nyasaye wowo a duke ku kugasidza ku miyinzi gyosi gyomukono gugwo gu kolanga.