Tsing'ano 3:6 - KITABU KITAKATIFU

⁶ Mu tsinzira tsitsyo tsyosi u mu bugirire, Naye a la kwimirira ku tsinzira tsitsyo.

Tsing'ano 3:6 ပူးပေါင်းရင်းမြစ်များ

1 Kyetsinyinga 28:9

Na ive, Solomoni mwana wange, u manye Nyasaye wa dada wowo, na u mu tumekire nomwoyo mudukiru, nomwoyo gwobulaliri; kigira Yahova yideranga myoyo gyosi, na a manyeri dzanga tsiganagani tsyosi tsyeligana gana. Nu u va nu u mwenya, a la loleka ku ive: navutswa nu u mu leka, a la ku syuva mihiga nemihiga.

Ezara 7:27

A gasidzwe Yahova Nyasaye wavaguga vetu, wa vika kindu kuli yiki mu mwoyo gwomwami, kusiyaha inyumba ya Yahova i veye Yerusalemi:

Nehemia 1:11

O Yahova, mwadza, nku saala ligali, ugutu gugwo gu tegidzwe kuhulira lisaala lyomutumekiri wowo, na lisaala lya vatumekiri vovo, ava sangala mu litia lieta lilyo; na nku saala ligali, u ngasidze inze mutumekiri wowo lero, u mbe tsimbabasi imbiri wo mundu uyu. Kigira inze nda li munwehidze womwami.

Nehemia 2:4

Hene yaho mwami ya nteva, Lyenya lilyo lya wenyanga li veye ki? Ma nda saala Nyasaye womigulu.

Nehemia 7:5

Nyasaye wange ya vika mmwoyo gwange mbugannye avandu vanene, navamehi, navandu, va duke kuvalidzwa kulonda visukululwi. Na nda nyola kitabu kya visukululwi vya yavo ava tanga kwanegira, na nda lola aga ng'odwa mu:

Zaburi 32:8

Nda ku ha ubugeeri nokukwegidza inzira ya u li vitira ku: Nda kwimirira nemoni yange.

Tsing'ano 11:5

Ubulungi bwomudukiru bu la mwimirira ku inzira yeye; Navutswa mudamano a la gwa mu ubudamano bwibwe mwene.

Tsing'ano 16:3

U vike ku Yahova miyinzi gyigyo, Na tsiganagani tsitsyo tsi la dinyiridzwa.

Tsing'ano 16:9

Mwoyo gwomundu gu ganagana inzira yeye; Navutswa Yahova yimiriranga ligenda lilye.

Tsing'ano 23:17

Mwoyo gugwo gu ta kendeka ku avetsimbi; Navutswa u ve mu litia Yahova mbasu bei:

Isaya 26:7

Inzira yomulungi i veye bulungi: ive u veye mulungi u lungekidzanga inzira yomulungi.

Isaya 30:21

amatu gogo ga la hulira likuva inyima wowo, ni li vola, Inzira ni yiyi, mu gende kuyo; lwa mu girunkana kutsia ku luvega lwomukono mulungi, kandi lwa mu girunkana kutsia ku luvega lwomukono mmosi.

Isaya 45:13

Mmu singeridzi mbulungi, na nda lungekidza tsinzira tsitsye tsyosi: a lombaka lidala lyange, na a la boholola avandu vange vadikidzwa, si ga veye ku litungwa kinga lihebwa madanyi, Yahova wa mahe a vola.

Isaya 48:17

Yahova, Mutungiri wowo, Mutakatifu wa Israeli, a vola ndi: Inze mbeye Yahova Nyasaye wowo, u kwegidzanga kunyola vyambeti, ukwimiriranga mu inzira i ku dukiranga kugenda kuyo.

Jeremia 10:23

O Yahova, mmanya inzira yomundu si i veye mu mwoyo gwigwe; si li veye mu mundu mwene kulungi kidza ligenda lilye.

Jeremia 42:3

Yahova Nyasaye wowo a duke kukumannya inzira i ku dukiranga kugilonda, na inkuva i ku dukiranga kugikola.

Livalidza 9:20

Na tsinyinga tsindi lilesi lya li ku lihema madiku makekeke; ma va menya mu hokusosa kuli lilaga lya Yahova, na kuli lilaga lya Yahova va samula.

1 Vakorintho 10:31

Kunangwa ni mu va ni mu lia naho ni mu nwedzanga, naho ni mu kola ku vindu vyosi mu kole vindu vyosi mu kuminye N; asaye.

2 Vakorintho 8:16

Navutswa nsantidzanga Nyasaye, u vikanga ubugulu yibu kigira mwinye mu mwoyo gwa Tito.

Vafilipi 4:6

Mu ta henda mwoyo ku kindu kali kilala; navutswa lyenya lyenyu ku vindu vyosi li mannywe ku Nyasaye mu lisaala nomu lisava halala nelisantidza.

Vakolosai 3:17

Kandi ku vyosi vya mu kolanga mu makuva nomu likola, mu kolere vyosi mu lieta lyo Mwami Yesu, mu santidzere Nyasaye Dada ku uyu.

Vakolosai 3:23

ku vyosi vya mu kola, mu kole nomwoyo, kuli ku Mwami, ga ta va kuli ku vandu;

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.

1 Samweli 30:8

Na Daudi ya teva Yahova, na a vola, Ni mba ni nonda lihe yilyo, nda duka kuvagumira, naho? Naye ya mu tivulira, U li londe; kigira ligali u la va nyola, na u lirannya vyosi.