Tsing'ano 3:24 - KITABU KITAKATIFU

²⁴ Lwa u gona, si U la tia mba: Yee, u la gona, na tsindolo tsi la va tsinolu.

Tsing'ano 3:24 ပူးပေါင်းရင်းမြစ်များ

2 Kyetsinyinga 20:30

Ma bwami bwa Jeho shafatu bwehodzeridza; kigira Nya saye wewe ya mu ha busosi ku tsi mbega tsyosi.

Ayubu 11:19

Kandi u la gona hasi, na si ha la va nowokukutihidza; Yee, vanyingi va lenya mmoni mumwo.

Zaburi 112:8

Mwoyo gwigwe gu sosidzwa, si a la va nobutii, Kuduka a li lola lvenya lilve ku avasigu veve.

Zaburi 127:2

Livuka lyenyu lya mabwebwe ni lya vutswa, Na lilindagira lyokutsia kugona Na lilagira ubukima bwelididi kana; Kigira ni ndiyo a haananga avayanze veve mu tsindolo.

Zaburi 3:5

Nda gona hasi ni ng'ona tsindolo; Nda vuka; kigira Yahova a ndenda.

Zaburi 3:6

Si nda tia avandu tsielfu likumi mba Ava nkumbiridza tsimbega tsyosi.

Zaburi 4:8

Nda gona nemirembe, na nda nyola tsindolo; Kigira ive, Yahova, weng'ine u mbedzanga kumenya nekilema mwoyo.

Zaburi 91:5

U ta tia kigira vyokutihidza vyobudiku mba, Kinga mbano gu lasangwa mbasu;

Tsing'ano 1:33

Navutswa ku vosi uyu u huliranga inze a la menya bulahi, Naye a la va nemirembe bugira ubutii bwobudamano.

Tsing'ano 19:23

Litia Yahova li henzanga ku livamwoyo; Na uyu u veye nalyo a la va nekilema mwoyo Ubudamano si bu la duka kuye mba.

Tsing'ano 6:22

Lwa u genda ga la kwimirira; Na lwa u gona tsindolo ga la ku linda; Na lwa u vuka ga la volerana na ive.

Kohelethu 5:12

Tsindolo tsyomuyinziri tsi veye tsinolu, na a va na a liye vikekeke naho na a liye vinyingi: navutswa lihindahala lyomutugi si li mu leka a nyole tsindola mba.

Isaya 54:14

U la dinyeridzwa mu bulungi: u la va ihale ku lidambidza, kigira si u la tia mba; na ihale ku litihidza, kigira li la vula kwisunda himbi ku ive.

Jeremia 31:26

Nanoho nda wka, nokuhenza; na tsindolo tsyange tsya li tsindahi ku inze.

Ezekieli 34:15

Inze mwene nda va mwayi wamagondi gange, na nda ga kola ga gone hasi, Mwami Nyasaye a vola.

Ezekieli 34:25

Na nda kola lilagana lyemirembe halala navo, na nda heridza tsinyama tsindamano tsi vule kuva kandi mu kivala yikyo; va la menya nemirembe mwigendanyama, nokugona mmulitu.

Ezekieli 34:27

Na musala gwomulimi gu lama makuyu gagwo, nekivala ki lama limedeka lyakyo, na va la menya nemirembe mu kivala kyavo; na va la manya inze mbeye Yahova, lwa mbunannya miluguyu gyenira yavo, na nda va honnya va twule mmukono gwa yavo ava va tuga.

Kyavalevi 26:6

Na nda mu ha mirembe mu kivala, na mu la gona, kandi si ha la va no nyala kumutihidza: na nda heridza tsinyama tsindamano mu kivala kyenyu, kandi kivavi si ki la vita mu kivala kyenyu.

Vikolwa 12:6

Hene yaho Herodi lwa yenya kumu twulidza, ubudiku zana yibwo, Petro ya li na a gona hagati havasikari vaviri na a boheywi neminyororo gyiviri: kandi mu kiliango kya li navalindi va linda inyumba yavahambe.