Tsing'ano 3:18 - KITABU KITAKATIFU

¹⁸ A veye musala gwelivamwoyo ku vosi ava mu gumira: Kandi sa mulala u hambana naye a veye nobugasu.

Tsing'ano 3:18 ပူးပေါင်းရင်းမြစ်များ

Litanga 2:9

Na Yahova Nyasaye ya meridza misala gyosi gyi yanzidzanga ku liloleka lyagyo, na gyi veye milahi ku vyokulia, kandi musala gwelivamu oyo hagati homulimi, na musala gwelimanya ubulahi nobudamano.

Litanga 3:22

Kandi Yahova Nyasaye ya vola, Henza, Adamu u gwiye kuli mulala ku kwinye, ku limanya ubulahi nobudamano; kalunu gase a la nyira mukono gwigwe, nokuvugula kandi ku musala gwelivamwoyo nokulia, nokuhindira mihiga nemihiga:

Tsing'ano 11:30

Amakuyu gavalungi ga veye musala gwelivamwoyo; Uyu wobugeeri a nyolanga myoyo gyavandu.

Tsing'ano 13:12

Lisuuviridza li lindagiranga li kolanga mwoyo kusalira Navutswa lwa lyenya li duka li veye musala gwelivamwoyo.

Tsing'ano 15:4

Ululimi luhooma lu veye musala gwelivamwoyo; Navutswa ubukyamu mulwo bu veye ubwoneku bwomwoyo.

Tsing'ano 4:13

U gumire lyegidzwa ligali; u ta li leka li tsie: U li gumire; kigira li veye livamwoyo lilyo.

Tsing'ano 8:32

Kunangwa kalunu, mwinye avana vange, mu hulire inze; Kigira va gasidzeywi yavo ava lindanga tsinzira tsyange.

Tsing'ano 8:34

A veye nobugasu mundu u huliranga inze, U lindanga madiku gosi mu viliango vyange U lindanga ha maliva geviliango vyange.

Kohelethu 7:12

Kigira ubugeeri bu veye lidigi, kuli ifetha i veye lidigi: navutswa ubulahi bweli manya bu veye ndi, ubugeeri bu veye lugaga lwelivamwoyo lya uyu u veye nabwo.

Likunula 2:7

U veye nogutu, a hulire ga Roho a voleranga mavugano. Uyu u guutanga, nda mu ha a duke kulia agomusala gwelivamwoyo, gu veye mu Paradisio mwa Nyasaye.

Likunula 22:2

hagati henzira yalyo. Kandi ku luvega yili lwomugera zana noku luvega yilwo gwa li ho musala gwelivamwoyo, gwamanga makuyu ting'ano likumi na tsiviri, gwamanga makuyu gagwo ku mweli nomweli: kandi amatu gomusala zana ga veye gokuhonnya tsihiri.