Tsing'ano 29:4 - KITABU KITAKATIFU

⁴ Umwami a dinyiridza kivala nelikalaga lilye lilungi; Navutswa uyu wenyanga vikukula a tung'aminya kivala.

Tsing'ano 29:4 ပူးပေါင်းရင်းမြစ်များ

2 Samweli 8:15

Na Daudi yameha ku Israeli vosi; na Daudi ya singeridza likalaga lyobulungi ku avandu veve vosi.

1 Avami 2:12

Na Solomoni yikala ku intebe yobwami ya Daudi dada wewe; na ubwami bwibwe bwa dinyeridzwa ligali.

2 Kyetsinyinga 9:8

A gasi dzwe Yahova Nyasaye wowo, wa yanza ive kuvika ive ku intebe yeye yobwami, u ve mwami kigira Yahova Nyasaye wowo: kigira Nyasaye wowo ya yanza Israeli, kuvavika mihiga nemihiga, kigira yaga ya kola ive kuva mwami kuvo, kukola likalaga nobulungi.

Ayubu 11:6

Kandi kukuvuulira liviswa lyobugeeri Kigira a veye nobugeeri ubunyingi. Kigira yaga u manye Nyasaye a vanzanga ku ive kikekeke ku yago aga dukiranga ubwoni bubwo.

Zaburi 89:14

Ubulungi na likalaga vi veye muse vwentebe yobwami bubwo: Tsimbabasi na ageligali vimiriranga imbiri wetsimoni tsitsyo.

Zaburi 99:4

Ubunyali bwomwami bu yanza likalaga lilahi; Ive u singeridzanga ubulungi; U kolanga likalaga lilahi kandi ubulungi mu Yakobo.

Tsing'ano 14:34

Ubulungi bu nenehidzanga ihiri; Navutswa ubwoni bu veye tsisoni ku avetsihiri.

Tsing'ano 16:10

Likalaga lilahi li vedzanga mu minwa gyomwami; Munwa gwigwe si gu la hyola mu likalaga.

Tsing'ano 16:12

Likola ubudamano li veye livihiriridza ku avami; Kigira intebe yobwami i dinyiri dzangwa nobulungi.

Tsing'ano 20:8

Mwami wikalanga ku intebe yelikalaga A salannyanga ubudamano bwosi netsimoni tsitsye.

Tsing'ano 29:14

Umwami u kalaganga makuva gavadaka nobusuuvirifu, Intebe yeye yobwami i la singeridzwa mihiga nemihiga.

Tsing'ano 8:15

Avami vamehanga kigira inze, Na avanene va kalaganga agobu lungi.

Isaya 49:8

Yahova a vola ndi, Inze mmali kukutivulira inyinga yobugirirwa, nomu lidiku lyobuhonnyi nku honnyikandi nda ku linda, nda twulidza ive u ve lilagana lyavandu, u duke kudinyeridza kivala yiki, nokuvaha miyandu gya lekwa vutswa;

Isaya 9:7

Na ku limeda lyelyameha lilye, nemirembe si vi la va nekiheri mba, ku intebe yobwami ya Daudi, nomu bwami bwibwe, kubudinyeridza, nokubudira nelikalaga nobulungi kutwula kalunu kuduka mihiga nemihiga. Ubugulu bwa Yahova wa mahe bu li kola yaga.

Danyeli 11:20

Kunangwa wundi a la singira ha bugono bwibwe u li vitidza mutwulidzi ubushutu a vite hagati hobukumi bwobwami; navutswa mu madiku makekeke uyu a la dividzwa, si ha li mu butima kinga mu bulwani.

Mika 7:3

Amakono gavo ga gumiye vyobudamano va duke kubukola netsingulu; munene a tevanga, nomukalagi yetegeki kuvugula vikukula; nomunene a volanga ubukyamu bwa a veye nabwo mmwoyo gwigwe: ni ndiyo va navanga vindu yivi.

1 Samweli 13:13

Na Samweli ya volera Saulo, Wa kola ubusiru; kigira wa vula kugumira lilaga lya Yahova Nyasaye wowo, lya ya ku laga; kigira kalunu Yahova ngano u dinyiridzi ubwami bubwo ku Israeli mihiga nemihiga.