Tsing'ano 29:1 - KITABU KITAKATIFU

¹ Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Tsing'ano 29:1 ပူးပေါင်းရင်းမြစ်များ

1 Avami 17:1

Na Elija Mutishibi, wa li mu yavo va menya ha Gileadi, ya volera Ahabu, Kuli Yahova, Nyasaye wa Israeli, a veye mwoyo, wa inze singiye imbiri wewe, si ha la va nelime kinga imbula ku mihiga yigyi, ni ga ta li kuli likuva lyange.

1 Avami 18:18

Naye ya tivula, Si a li inze u dambidzanga Israeli; navutswa ni ive, nenyumba ya dada wowo kigira mu leki lilagana lya Yahova, na ive u londanga Vabaal.

1 Avami 20:42

Naye ya mu volera, Yahova a vola ndi, Kigira ive wa leka mundu na a twula mmakono gogo wa nda vika a divi dzwe ligali, kigira yaga mwoyo gugwo gu liitwa mbugono bwomwoyo gwigwe, navandu vovo mbugono bwavandu veve.

1 Avami 22:28

Na Mikaiya ya mu volera, Nu u va nu wirana nemirembe ligali, Yahova si a vola nomunwa gwange mba. Ya vola, Mu hulire, avandu mwinye mwosi.

2 Kyetsinyinga 25:16

Na ga duka, lwa ya volerana naye, mwami ya mu volera, Ku viki ive u ve mboli womwami? Leka; kigira ki wenyanga kukuywa? Hene yaho muprofeti ya leka, na a vola, Mmanya Nyasaye u saaviye kudividza ive, kigira wa kola yaga, na wa vula kuhulira makuva gange.

2 Kyetsinyinga 33:10

Na Yahova ya volera Manase navandu veve; navutswa si va hulira.

2 Kyetsinyinga 36:13

Ya sula amalago go mwami Nebukadinezaru, niye wa mwisuhidza ku Nyasaye: navutswa ya kola ligoti lilye lidinyu, na ya dinye ridza mwoyo gwigwe a vule kwirana ku Yahova, Nyasaye wa Israeli.

Nehemia 9:29

na wa lolekidza kuvo u duke ku valeta kandi mu lilaga lilyo. Na vutswa va kola noluyai, na va vula kuhulira amalago gogo, navutswa va kola ubwoni ku likalaga lilya (gyomundu a va na a li kola, a la va mwoyo mulyo), na va twulidza mavega gavo, nokukola amagoti gavo madinyu, nokusula kuhulira.

Ayubu 9:4

A veye wobugeeri mmwoyo, wobunyali mu tsingulu: Ni bwaha wekola kuva mudinyu kuye, na a gasidzwa?

Kutwula 9:7

Na Farao ya tuma avandu, na henza, si ha li kali kilala kyemitugu kya Avaisraeli kya kudza. Navutswa mwoyo gwa Farao gwa dinya, na si ya lakula avandu kutsia mba.

Tsing'ano 28:14

Mundu u tidzanga madiku gosi a veye nobusangali; Navutswa uyu wedinyeridza mwoyo gwigwe a la gwa mu kivi.

Tsing'ano 28:18

Ku vosi uyu u genda nobulungi a la honywa; Navutswa uyu u kyaminya tsi nzira tsitsye a la gwa nonoho.

Tsing'ano 28:28

Lwa avadamano va singira, ava ndu va livisa; Navutswa lwa va diva avobulungiva medeka.

Tsing'ano 6:15

Kigira yaga kivi kikye ki la duka kuye nonoho; A la vunanywa nonoho, na si ha veye nenzira yokuhona.

Isaya 28:22

Kunangwa kalunu mu ta va avalegi, gase viboheru vyenyu vi la vikwa tsingulu; kigira mbuliye makuva geli dividza ku lirova lyos ga twulanga ku Yahova, Yahova wa mahe.

Isaya 48:4

Kigira nda manya u veye mutingu, ne ligoti li veye lyekivya, nobweni bubwo bu veye mugasa;

Jeremia 14:19

Ive u mali kusula Yuda ligali? Mwoyo gugwo gu dunyira Zioni? Kigira ki u ku kuyi, na si ku veye nobuhonnyi? Kwa li ni kwenya mirembe, navutswa bulahi si bwadza mba; ku enya inyinga yobuhonnyi, na, lya li litimuka enkolo

Jeremia 17:23

Navutswa si va hulira mba, kinga kutegidza amatu gavo, navutswa va kola magoti gavo kuva madinyu, va vule kuhulira, va vule kugumira megidzo.

Jeremia 36:31

Na inze nda mu ha mageli, uyu nekisukululwi kikye navatumekiri veve kigira bu damano bwavo; na nda leta kuvo, noku vamenyanga Yerusalemi, noku avandu va Yuda, ubudamano yibwo bwosi bwa nda vola kuvo; navutswa si va bugirira kumbulira mba.

Habakuk 2:7

Si va la ku twu lira nonoho yavo ava ku luma, si va la vuka yavo ava kunyangidza, na ive u la va mulanyi wavo?

Yohana 13:18

Si ntali mwinye mwosi: inze mmanya ava nda tovola; navutswa ga duke kukolwa mang'oda, Uyu wa lagira ubukima bwange u gingi liki ku inze.

Yohana 13:26

Maku Yesu ya tivula, Naye uyu wa ndi donge ridza lidonye lyobukima nokumuha. Lwa ya mala kudongeridza lidonye lyobukima ya li vugula na a ha Yuda mwana wa Simoni Iskarioti.

Vikolwa 1:18

(Mundu uyu ya gula mulimi namadanyi gobwoni bwibwe; na a gwa mammama na a huduka hagati, namala gege gosi ga salika.

Vikolwa 1:25

a gumire ubutumiki nobutumwa yibu bwa Yuda ya lega, a tsie hehe mwene.

1 Vatesalonike 5:3

Lwa va volanga, Gyi veye mirembe kandi lyelemeridza, hene yaho ubwoneku bu la va nyola bwangu, kuli lilumwa lyelivula li dukiranga u veyenda, navo ligali si va la hona mba.

1 Samweli 2:25

Mundu na a va na a kola ubwoni ku wundi, Nyasaye a la mu kalagira; navutswa mundu na a va na a kola bwoni ku Yahova, bwaha a la mu saavira? Navutswa, si va hulira umwoyo gwa dnda wavo, kigira Yahova ya saavira kuviita.

1 Samweli 2:34

Ne yili li la va lilolekidza ku ive, li la duka ku avana vovo vaviri, ku Hofini noku Finehasi: va la kudza vombi ku lidiku lilala.