Tsing'ano 28:5 - KITABU KITAKATIFU

⁵ Avandu avadamano si va manya likalaga; Navutswa yavo avenyenga Yahova, va manya vyosi.

Tsing'ano 28:5 ပူးပေါင်းရင်းမြစ်များ

Zaburi 119:100

Mmanyeridza kuvita avasakulu, Kigira ngumiye megidzo gogo.

Zaburi 119:98

Amalago gogo ga medanga ubugeeri bwange kuvita avasigu vange; Kigira ga veye halala ninze kazozo.

Zaburi 25:14

Aga viswa ga Yahova ga veye ga yavo ava mu tidzanga; Naye a la va mannya lilagana lilye.

Zaburi 92:6

Mundu weliva lyetsinyama si a manya mba; Kandi musiru si a hulira kindu yiki:

Tsing'ano 15:24

Ku avageeri inzira yelivamwoyo yanigiranga igulu, A twule mu Kihadisi hasi.

Tsing'ano 2:9

Hene yaho u la manya ubulungi nelikalaga, Nobulungi, Vee, tsinzira tsyosi tsindahi.

Tsing'ano 24:7

Ubugeeri bu veye igulu ligali ku musiru: Si a kunula munwa gwigwe mu kiribwa.

Isaya 1:3

Ing'ombe i manyanga umwene yo, na isukiri i manyanga ligungi lyomwene yo; navutswa Israeli si a manyi mba, avandu vange si va ganagana mba.

Isaya 44:18

Si va manya, kandi si va gana gana: kigira u va vakulidzi tsimoni tsyavo, va vule kulola; na myoyo gyavo va ta nyala kurnanya.

Isaya 6:9

Naye ya mbolera, Tsia, u volere avandu yava, Mu hulire ligali, navutswa mu ta manya; mu henze ligali, navutswa mu ta lola mba.

Jeremia 4:22

Kigira avandu vange va veye avasiru, si va manya inze; va veye avana avemitwe midinyu, si va veye nelimanya; va veye nobugeeri kukola budamano navutswa si va veye nelimanya kukola bulahi.

Amosi 3:10

Kigira si va manya kukola bulahi, Yahova a vola yavo ava vikanga akiba yekirage nobwivi mu tsinyumba tsyavo tsyobwami.

Yohana 7:17

Ku vosi u lalira kukola ubulaliri bwibwe, a la manya megidzo, ni ga va ni ga veye ga Nyasaye, kinga inze mwene mbola.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.

1 Yohana 2:20

Navutswa mwinye mu veye nelivakwa li twula ku Mutakatifu, kandi mu manya gosi.

1 Yohana 2:27

Navutswa mwinye, livaka lya mwa nyola kuye li menya mu mwinye, kandi si mwenya mundu kali mulala kumwegidza; navutswa kuli livaka lilye li mwegidza ku vindu vyosi, kandi li veye lyeligali, kandi si li veye lyobubehi, kandi kuli wa lya mwegidza mu menya muye.