Tsing'ano 28:16 - KITABU KITAKATIFU

¹⁶ Munene u geha limanya a veye mudambidzi ligali; Narutswa uyu u dunyiranga likayirwa a la kola madiku gege kuva manyingi.

Tsing'ano 28:16 ပူးပေါင်းရင်းမြစ်များ

1 Avami 12:10

Na vasoleli avelikula lilye va mu volera, ni va vola, U volere avandu yava inkuva yiyi, ava ku volera, ni va vola, Dada wowo ya kola inira yetu indiduhu, navutswa ive u ku lombere inyangu; u va volere ndi, Kidete kyange kya nyasi ki la va kinene kuvita kikenge kya dada wange.

1 Avami 12:14

na ya va volera makuva gava soleli na a vola, Dada wange ya kola inira yenyu indiduhu, navutswa inze nda meda inira yenyu: dada wange ya mu kuya nolukova, navutswa inze nda mu kuya netsing'e.

Nehemia 5:15

Navutswa avamehi avimira imbiri wange va li avandu va tungangwa, navo va vugula ubukima bwavandu, newaini, halala netsishe keli amakumi gane tsyefetha; yee, kali avatumekiri vavo veyamehidza ku vandu: navutswa inze si nda kola ndiyo mba, kigira nda tia Nyasaye.

Kutwula 18:21

Kandi u la tovola ku avandu vosi, avandu avobunyali, ava tia Nyasaye, avandu va ageligali, ava vihirirangwa vyambeti vyobukyamu; na yava u la va singeridza kuva avanene vetsielfu, na avanene vetsimia, na avanene va makumi gatano, na avanene va makumi:

Tsing'ano 15:27

Uyu u kayirwa vyambeti vi ta veye vilungi a dambidza inyumba yeye mwene; Navutswa uyu u vihirirangwa nevikukula a la va mwoyo

Kohelethu 10:16

O bayaye, ive kivala, lwa mwami wowo a veye mwana, navanene vovo va litsanga mugamba

Kohelethu 4:1

Hene yaho ndirana nokulola vyosi vyekirage vi kolangwa isi weliuva: na, henza, amaliga ga yavo ava dambidzangwa, na si va veye nomundu kuvaleminya mwoyo; noku luvega lwa yavo ava va dambidzanga tsingulu tsya li ho; navutswa si va li nomundu kuvaleminya mwoyo.

Isaya 3:12

Makuva gava ndu vange, avana va va dambidza, na vakali vameha kuvo. O avandu vange, yavo ava kwimiriranga va ku kyaminyanga, va dividzanga inzira yetsinzira tsitsyo.

Amosi 4:1

Hulira likuva yili, mwinye tsing'ombe tsya Bashan, ava veye mu kigulu kya Samaria, ava dambidza avadaka, na va duvaganga avadambi, mwinye ava voleranga vanene vavo, Mu lete, ku nwe.