Tsing'ano 28:13 - KITABU KITAKATIFU

¹³ Uyu u kunikanga mahyolo gege si a la gasidzwa; Navutswa ku vosi uyu weyamanga nokugaleka a la verererwa.

Tsing'ano 28:13 ပူးပေါင်းရင်းမြစ်များ

Litanga 4:9

Na Yahova ya volera Kaini, Amwavo wowo Habili a veye haliha? Naye ya vola, Si mmanya mba: inze mbeye mulindi wa amwavo wange?

2 Samweli 12:13

Na Daudi ya volera Nathan, Nkoleye Yahova ubwoni. Na Nathan ya volera Daudi, Yahova u twulidzi ubwoni bubwo; u la vula kukudza.

2 Samweli 14:32

Na Abisalom ya tivu lira Joabu, Henza, nda tuma avandu ku ive, ni mbola, Hamba yino, nduke kukutuma ku mwami, kuvola, Inze nduki kutwula Geshuru kigira ki? Nobulahi ku inze ni mba ni mba yo kuduka kalunu. Kunangwa kalunu leka ndole mmoni mwomwami, nobudamano ni bu va ni bu veye mu inze, a nziite.

2 Avami 20:15

Kandi ya teva, Va loli ki mu inyumba yoyo? Hezekia ya tivula, Va loli vindu vyosi vyomu inyumba yange: si ha veye nekindu mu butugi bwange bwosi kya mbuli kuvamannya.

2 Kyetsinyinga 6:26

Inyinga migulu mu bofwa, na ha vula kuva na imbula, kigira voni ku ive; ni va saala ku lihenza hano, nokweyama lieta lilyo, nokutwula ku bwoni bwavo, lwa u va kupidza kivi:

Ezara 10:11

Kunangwa kalunu, mwe yamire Yahova, Nyasaye wavaguga venyu, nokukola aga uyu yenyanga; mweyahule mwinye avene ku avandu vekivala yiki, noku vakali vageni yava.

Ezara 10:2

Na Shekania mwana wa Jehieli, wa li mulala ku avana va Elam, ya tivula na a volera Ezara, Kwinye kwoni ku Nyasaye wetu, na ku kweye avakana vageni vavandu vekivala yiki: navutswa li suuviridzwa li kikiri ho ku Israeli mu inkuva yiyi.

Nehemia 9:2

Kandi visukululwi vya Israeli veya hula avene ku vageni vosi, na va singira nokweyama ubwoni bwavo, nobudamano bwavaguga vavo.

Ayubu 31:33

Mba wa kunika amahyolo gange kuli Adamu, Ku livisa budamano bwange mu kiritu kyange,

Ayubu 33:27

Yimbanga imbiri wavandu, nokuvola, Inze nda kola ubwoni, nokukyaminya agobulungi Na si nda nyola vyambeti.

Ayubu 34:31

Kigira a veye ho mundu wa volera Nyasaye makuva yaga, Inze mbeveywi mageli, si ndona kandi mba:

Zaburi 51:10

U nombere mwoyo mulavu, O Nyasaye; Kandi u nzirannyire roho muhya mugati mwange.

Tsing'ano 10:12

Ubudunyirani bu vukidza amahing'ano; Navutswa ubuyanzi bu kunikanga mahyolo gosi.

Tsing'ano 17:9

Uyu u kunikanga lihyolo yenyanga ubuyanzi; Navutswa uyu u hongera kuvola inkuva, yavukannya avayanzani veligali.

Isaya 55:7

mudamano a leke inzira yeye, nomundu u ta li mulungi a leke tsi ganagani tsitsye; yirane ku Yahova, naye a la mbererera; yirane ku Nya saye wetu, naye a la mu sameha ligali.

Jeremia 2:35

Ive wa vola, Si nda hyola mba; ligali ubutima bwibwe bu girunkamlyevwi bu vule kuva ku inze. Henza, ndingira mu likalagirwa halala nive, kigira ive u vola, Si nda kola bwoni mba.

Danyeli 4:27

Kunangwa, kigira yaga, O mwami, amakuva gange ga bugirike ku ive, u leke ubwoni bubwo mu likola bulungi, na ubudamano bubwo mu livera avadaka tsimbabasi; mbula ubuIahi bubwo bu la medeka.

Kyavalevi 5:5

Na ga la duka, lwa a veye nelikalagirwa ku lilala kugo, a leyama ubwoni bwibwe bwa ya kola kulyo:

Jona 3:10

Na Nyasaye ya lola likola lyavo, kuli va girunkana nokuleka inzira yavo indamano; na Nyasaye yeganira ku kivi kya ya vola a la va kolera; na si ya ki kola mba.

Vikolwa 26:20

navutswa ku matsyambiri ndilwadza ku va Damasko, kandi mu Yerusalemi nomu kivala kyosi kya Buyuda kyosi, kandi ku vandu ve Tsihiri, veganire, va yeke ku Nyasaye nokukola miyinzi gyi dukana nobweganiri.

Vakalagi 10:15

Navana va Israeli va volera Yahova, Ku koli ubwoni: u ku kolere gosi aga u lolanga kuva malahi; navutswa u ku honnye, ku ku goonya, lidiku lya lero.

1 Samweli 15:13

Ma Samweli ya duka ku Saulo: na Saulo ya mu volera, Yahova u gasidze ive: inze mmali kudukidza amalago ga Yahova.

1 Samweli 15:24

Na Saulo ya volera Samweli, Inze nkoli ubwoni; kigira ndononnya lilaga lya Yahova, namakuva gogo, kigira nda tia avandu, nokuhulira mwoyo gwavo.

1 Samweli 15:30

Hene yaho ya vola, Nkoli ubwoni: kali ni ga veye ndiyo, nku goonya, u nzidzominye kalunu imbiri wa vakulundu vavandu vange, na imbiri wa Israeli, na wirane kandi halala ninze nduke kusigamira Yahova Nyasaye wowo.