Tsing'ano 26:12 - KITABU KITAKATIFU

¹² U lola mundu weganagana mwene a veye mugeeri? Ha veye nelisuuvira mu makuva gomusiru kuvita uyu.

Tsing'ano 26:12 ပူးပေါင်းရင်းမြစ်များ

Tsing'ano 12:15

Inzira yomusiru i veye inungi mu tsimoni tsitsye; Navutswa wobugeeri a huliridzanga makuva.

Tsing'ano 22:29

U lola mundu wobugulu mu miyinzi gyigye? A la singira imbiri wavami; Si a la singira imbiri wa avandu ava ta manyekana.

Tsing'ano 26:16

Mugata mu tsiganagani tsitsye a veye nobugeeri Ku vita avandu vatano na vaviri ava nyala kutivula nobugeeri.

Tsing'ano 26:5

U tivulire musiru kuli ubusiru bwibwe, Gase u leganagana mwene kuva wobugeeri.

Tsing'ano 28:11

Mutugi welola mwene a veye wobugeeri; Navutswa mudaka a veye welimanya a mu henzeridza.

Tsing'ano 28:26

Uyu u suuviranga mwoyo gwigwe mwene a veye musiru; Navutswa ku vosi u gendanga nobugeeri, a la honywa.

Tsing'ano 29:20

U lola mundu welikola bwangu bwangu ku makuva gege? Ha veye nelisuuviru ku musiru kuvita uyu.

Tsing'ano 3:7

U ta va wobugeeri mu tsimoni tsitsyo; U tie Yahova, wavukane nobudamano:

Isaya 5:21

Ubuda mano bu ve ku yavo ava veye nobugeeri mu tsimoni tsyavo avene, navelimanya mu tsiganagani tsyavo

Matayo 21:31

U li ha ku vaviri yava wa kola ubulaliri bwa ise? Va vola, Wambiri. Yesu ya va volera, Ligali mmu volera, avasololi vobushutu navaheyi vingira mu bwami bwa Nyasaye imbiri wenyu.

Luka 18:11

Mufarisayo ya singira na yesaala mwene, Nyasaye, nku santidza kigira inze si mbeye kuli avandu avandi, avanyagi, navaganga, navaheyi, kinga kali kuli musololi wobushutu uyu.

Luka 7:44

Ya girunkana na a henza mukali na a volera Simoni, U lola mukali uyu? Ndingira mu inyumba yoyo, si wa mba amadzi gokwisavidza virenge vyange: navutswa uyu u nzisavidzi virenge vyange namaliga gege, kandi u veyi nelisu lyoku mutwe gwigwe.

Yohana 9:41

Yesu ya va volera, Mwinye ni mu ve avaboku, nkano si mu veye nobwoni: navutswa kalunu mu vola, ku lola: ubwoni bwenyu bu menya.

Varumi 12:16

Mu ve nomwoyo mulala. Mu ta ganagana vindu vyoluyai, navutswa mu bugirire vyelyegehidza. Mu tenyolera ubugeeri mwinye avene.

Likunula 3:17

Kigira u vola, Inze mbeye mutugi, kandi nyoye ubutugi, kandi si mbeye nelyenya kindu; kandi si u manya u veye mudambi, kandi u veye muyingu nomudaka nomuboku nomwere: