Tsing'ano 24:23 - KITABU KITAKATIFU

²³ Yaga kandi na makuva gavageeri. Si bu li bulahi kuva nelyeridza ku avandu mu likalaga.

Tsing'ano 24:23 ပူးပေါင်းရင်းမြစ်များ

2 Kyetsinyinga 19:7

Kunangwa, kalunu, litibwa lya Yahova li ve ku mwinye; mwelinde mu kole: kigira ku Yahova Nyasaye wetu, si ha veye nobuda mano, kinga kuhenza amagondo, kinga kuvugula vikukula.

Ayubu 13:8

Mu la bugirira mumoni mwimwe? Na mu la hing'ana kigira Nyasaye?

Zaburi 107:43

Ku vosi wobugeeri a la gumira makuva yaga; Na va la ganagana tsimbabasi tsya Yahova.

Tsing'ano 1:6

Kumanya lugano na ligirunkanywa lyalwo; Amakuva ga avobugeeri, na livola lyavo lyaviswa.

Tsing'ano 18:5

Ukweridza mumoni mwomudamano si bu veye bulahi mba, Kinga kukyaminya mulungi mu likalaga.

Tsing'ano 22:17

U tegidze ugutu, u hulire amakuva gavageeri, Na u vike mwoyo gugwo ku limanya lyange.

Tsing'ano 28:21

Si bu li bulahi kwelidza avandu; Kinga mundu kukola mahyolo kunyola lidonye lyobukima.

Hosea 14:9

Ibwaha u veye nobugeeri, nowokumanya vindu yivi? Ni bwaha u veye netsiganagani a vi manye? Kigira tsinzira tsya Yahova tsi veye tsinungi, na avobulungi va la genda mutsyo; navutswa avamahyolo va la gwa mutsyo.

Kyavalevi 19:15

Mu ta kola aga ta li malungi mu likalaga: kandi u teridza liva lyomudaka, kinga kwidzominya liva lyowetsingulu; navutswa u la kalagira wakyo nobulungi.

Yohana 7:24

Mu ta kalaga vya mu lola, navutswa mu kalage likalaga lyobulungi.

Kwidzulitsa 1:17

Mu ta henza magondo gavandu mu likalaga; mu hulire avakekeke navanene kuleng'ana; mu vule kutia mumoni mwomundu kali mulala; kigira likalaga li veye lya Nyasaye: nelikuva li mu tama mu lete ku inze, nda li hulira.

Kwidzulitsa 16:19

U ta kyaminya likalaga: kinga u ta henza magondo gavandu; kandi u ta vugula vikukula; kigira vikukula vi kyaminyanga tsimoni tsya vageeri, nokugirunkanya makuva gowobulungi.

Yakobo 3:17

Navutswa ubugeeri bu twulanga igulu, mu litanga bu veye buniiu, nobwemirembe, nobwobuhokya, nobwobuhuliridzi, nobwezuye tsimbabasi na makuyu malahi, obu ta li nelyahulannya, obu ta li nobugadi.

1 Petro 1:17

Kandi ni mu va ni mu mwaniranga kuli a veye Dada, u kalagira mundu sa mulala kuli miyinzi gyigye, bugira lyeridza mu ve neliva lyenyu lyobumenya mu butii: