Tsing'ano 24:12 - KITABU KITAKATIFU

¹² Nu u va nu u vola, Henza, si kwa manya yaga; Uyu u geranga myoyo ku iratili, si a lola likuva li veye yo yili? Na uyu u lindanga mwoyo gugwo, si a li manya? Naye si a la tunga mundu sa mulala kuli miyinzi gyigye?

Tsing'ano 24:12 ပူးပေါင်းရင်းမြစ်များ

Ayubu 34:11

Kigira a la tunga mundu miyinzi gyigye, Na mundu sa mulala a la mu kola kunyola kuli tsinzira tsitsye.

Zaburi 121:3

Si a li leka kirenge kikyo kutwulidzwa: Uyu u ku lindanga Bi a la gona tsindolo.

Zaburi 121:8

Yahova a la linda litwula lilyo na liingira lilyo Kutwula kalunu kuduka mihiga nemihiga.

Zaburi 17:3

U geridzi mwoyo gwange; u duki ku inze mbudiku; U mali kumbenzeridza, na si u nyoye kindu; Nsaaviye munwa gwange si gu la hyola mba.

Zaburi 44:21

Nkano Nyasaye si a lidera inkuva yiyi? Kigira a manya viviswa vyomwoyo.

Zaburi 62:12

Kandi tsimbabasi tsyobuyanzi tsi veye tsitsyo, O Mwami; Kigira u tunganga ku avandu sa mulala kuli miyinzi gyigye.

Zaburi 66:9

U vikanga mwoyo gwetu mu bulamu, Na si a leka virenge vyetu kudengeya.

Zaburi 7:9

Ubudamano bwa avadamano bu heridzwe, navutswa u dinyeridze avalungi: Kigira Nyasaye mulungi a geridza tsiganagani na myoyo.

Zaburi 94:9

Uyu ya simika ugutu, si a la hulira? Wa lomba imoni, si a la lola?

Tsing'ano 12:14

Ubulahi bu la duka ku mundu ku makuyu gomunwa gwigwe Na mundu a la hebwa likola lyamakono gege.

Tsing'ano 16:2

Tsinzira tsyosi tsyomundu tsi veye tsindahi imbiri wetsimoni tsitsye mwene; Navutswa Yahova a geranga myoyo ku tsiratili.

Tsing'ano 21:2

Tsinzira tsyosi tsyomundu tsi veye tsindahi mu tsimoni tsitsye mwene; Navutswa Yahova a geranga myoyo ku iratili.

Tsing'ano 5:21

Kigira tsinzira tsyomundu tsi veye imbiri wetsimoni tsya Yahova; Naye a lungikidza tsinzira tsitsye tsyosi.

Tsing'ano 5:22

Mudamano a la hambwa nobu damano bwibwe mwene, Na a la bofwa nemigoye gyobwoni bwibwe.

Kohelethu 5:8

Nu u va nu u lola avadaka ni va dambidzangwa, nelikalaga nobulungi kutwulidzwa nekirage mu kivala, u ta genyira yaga: kigira mulala a veye igulu ligali kuvita yavo ava veye igulu a henzanga, kandi va veye ho ava veye igulu kuvita yava.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Jeremia 32:19

a veye munene wamakuva, nomunyali mu likola; wetsimoni tsitsye tsyakunuka ku tsinzira tsyosi tsyavana vavandu; kuha sa mulala kuli tsinzira tsitsye, kuli makuyu gelikola lilye:

Lisyoma lya Jeremia 3:36

Kuhinula mundu mu livola lilye, yaga Yahova si a bugirira mba.

Danyeli 5:23

navutswa wegingiye ku Mwami womigulu; na va leti viju vyenyumba yeye imbiri wowo, na ive, navanene vovo, na avakali vovo na vasuria vovo, mu nwereye muvyo iwaini; na ive widzominyi avanyasaye vefetha navethahabu, na vomugasa, na vekivya, na vomusala, na veligina, ava vula kulola, nava ta hulira, nava ta manya; na u vuli kwidzominya Nyasaye womwika gugwo gu veye mu mukono gwigwe, na wetsinzira tsitsyo tsi veye tsitsye.

Matayo 16:27

Kigira Mwana wa Adamu a la kadze nobukumi bwa Ise wewe halala netsingelosi veve; hene yaho a la ha vandu vosi kuli wa va kola.

Vikolwa 17:28

kigira ku uyu ku veye mwoyo, kandi ku genda, kandi ku hindira; kuli avalala ku va lomba tsinyimbu tsyenyu, va vola. Kigira kwinye ku veye visukululwi vivye.

Varumi 2:16

ku lidiku lya Nyasaye a li kalagira livisa lyavandu kuli ivangeli yange, mu Yesu Kristo.

Varumi 2:6

Kigira a li ha avandu vosi kuli miyinzi gyavo:

1 Vakorintho 4:5

Kunangwa mu ta kalaga likuva inyinga i kikiri kuduka, Mwami a luhe a duke, u li lang'aminya vindu vya viswa vyekisundi kandi a la lang'aminya lisaavira lyomu myoyo; kunangwa mundu sa mulala a la va nelidzominya lilye li twula ku Nyasaye.

2 Vakorintho 5:10

Kigira ga ku dukira kwinye kwosi kulang'aminywa imbiri wekisako kyelikalaga kya Kristo; ku vosi sa mulala a hebwe kuli kya ya kola ku mubiri kuli ga ya kola, ni ki va kilahi kinga kidamano.

Likunula 1:18

na Uveye Mwoyo; kandi na li mukudzu, kandi henza, mbeye mwoyo mihiga nemihiga, kandi mbeye netsifunguo tsyelikudza netsye Kihadisi.

Likunula 2:18

Kandi u ng'odere ingelosi welivugana li veye Tuatera. Yivi nivyo vyo Mwana wa Nyasaye uyu u veye netsimoni kuli lumemo lwomuliru, netsinduvatiru tsitsye kuli mugasa gu siyeywi igali, a volanga:

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

Likunula 22:12

Henza, nzidza bwangu; mbeye kandi namadanyi gange halala, kutunga mundu sa mulala kuli miyinzi gyigye gyi veye.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.

1 Samweli 2:3

Mu ta vola kandi noluyai kuli ndiyo; Mu ta leka lyegingira kutwula mu minwa gyenyu; Kigira Yahova a veye Nyasaye welimanya, Kandi uyu a geranga makola.

1 Samweli 2:6

Yahova yiitanga, kandi a kolanga kuva mwoyo: Yikidzanga kuduka mkilindwa, na a letanga igulu.

1 Samweli 25:29

Kandi ni i va mundu a singira kukulonda, nokwenya livamwoyo lilyo, navutswa livamwoyo lilyo, munene wange, li la bofwa mu liboha lyelivamwoyo halala nelivamwoyo lya Yahova Nyasaye wowo: nemyoyo gya avasigu vovo, a la gyi syuva kyova, kuli lisyuvwa lyeligina hagati holukova.