Tsing'ano 22:3 - KITABU KITAKATIFU

³ Mundu weliva lyobugeeri a lolanga ubudamano, na yivisa; Navutswa ava ta li nelimanya va vitanga, na va salira mubwo.

Tsing'ano 22:3 ပူးပေါင်းရင်းမြစ်များ

Tsing'ano 1:22

Mwinye avasiru, mu la yanza busiru kuduka inyinga ki? Avekihenyahenye va sangalira kihenyahenye kyavo, Na avasiru va dunyira limanya kuduka inyinga ki?

Tsing'ano 14:16

Wobugeeri a tidzanga, na a leka ubudamano; Navutswa musiru a kolanga kirage na yesuuviridzanga.

Tsing'ano 22:4

Madanyi gelyegehidza nokutia Yahova Ga veye ubutugi, na lidzominywa, na livamwoyo.

Tsing'ano 27:12

Umundu weliganagana lilahi a lolanga ubudamano, na yivisa; Navutswa avasiru va vitanga na va nyola ubusaliri.

Tsing'ano 29:1

Uyu weligondokirwa linyingi naa dinyeridza ligoti lilye A lononnywa nonoho na si ba veye nobuhonnyi.

Tsing'ano 7:7

Nda lola musoleli u ta li nobugeeri, Nda mu lola hagati ha vasiru, Musoleli u ta li nelimanya

Vahebraina 11:7

Ku lisuuvira Nuhu, lwa Nyasaye ya mu mannya amakuva gevindu vi kikiri kuloleka, ku litia lya ya tia Nyasaye, ya lomba liato a duke kuhonnya avenyumba yeye; ku yago ya kalagira avelirova va ve nekindu kuvo, kandi ya gwa wemiyandu gyobulungi bu veye ku lisuuvira.

Vahebraina 6:18

ku vindu viviri vi ta nyala kugirunkana, mu yivi si ga nyalika Nyasaye a vole ububehi, ku duke kunyola ubukonyi bwetsingulu, kwinye ava kwirukanga kunyagula kugumira lisuuviridzwa li vikeywi imbiri wetu.