Tsing'ano 22:23 - KITABU KITAKATIFU

²³ Kigira Yahova a la vanza likuva lyavo, Nokulanya livamwoyo lya yavo ava va lanya.

Tsing'ano 22:23 ပူးပေါင်းရင်းမြစ်များ

Zaburi 103:6

Yahova a kolanga ubulungi, Na likalaga kigira vosi avadambi dzangwa.

Zaburi 12:5

Kigira lidambidzwa lyavadedekere, na likenya lyavadaka, Yahova a vola, Kalunu nda singira Na nda mu vika ha buhonnyi bwa yenyanga.

Zaburi 12:6

Livola lya Yahova li veye makuva matakatifu; Kuli ifetha i geridzwa mu kisa mbiru kyelirova. Ya sambwa hali katano na kaviri.

Zaburi 140:12

Mmanya Yahova a la vitidza likalaga lya uyu u dambidzangwa Kandi a la lungikidza makuva gomudaka.

Zaburi 140:13

Ligali avalungi va la santidza lieta lilyo: Avobulungi va la menya imbiri wowo.

Zaburi 35:1

O Yahova, u hing'ane na yava ava hing'ananga na inze: U lwane na yava ava lwananga na inze.

Zaburi 35:10

Vigumba vyange vyosi vi la vola, Yahova, ibwaha a leng'ana na ive, Wa honnyanga mudaka ku uyu u veye netsingulu kumuguuta, Yee, mudaka na mudambi ku uyu wa mu nuula?

Zaburi 43:1

U nkalagire, O Nyasaye, na u mbere ku ihiri i ta tia Nyasaye: U mbonnye ku mundu mugadi nomukyamu.

Zaburi 68:5

A veye dada wa avabisandu, na mukalagi wavakunzakali, Ni Nyasaye mu ubumenyi bwibwe butakatifu.

Kutwula 22:22

U ta kupidza kivi mukunzakali wekikali, kinga mwana mbisandu.

Kutwula 22:23

Nu u va nu u va kupidza kivi mu kindu ku vyosi, navo ni vanira inze kali hakuzu, ligali nda hulira lilira lyavo;

Tsing'ano 21:7

Kirage kyavadamano ki la va hila mu budivi, Kigira va sula kukola likalaga lilungi.

Tsing'ano 23:11

Kigira Umutungi wavo a veye wetsingulu; A la vanza likuva lyavo ku ive.

Isaya 33:1

Ubudamano bu ve ku ive wononnyanga, na ive si wononnyangwa; wa tumekira ubugadi, navo si va ku kolera ubugadi Lwa u lekeye kwononnya, ive u lononnywa, kandi lwa u mala kutumekira ubugadi, navo va la ku kolera ubugadi.

Jeremia 30:16

Kunangwa kigira yaga vosi ava lia ive navo va la libwa; navasigu vovo vosi, sa mulala a la hilwa mbuhambe; na yava ava lanyanga ive va la lanywa, na yavo vosi ava vugulanga ive ku va muhambe, nda va haana navo kuva avahambe.

Jeremia 50:34

Mutungi wavo nowetsingulu; Ya hova wa mahe ni lieta lilye: uyu a la vera makuva gavo ligali, a duke kusosidza lirova, nokunyangidza yavo ava menyanga mu Babuloni.

Jeremia 51:36

Kigira yaga Yahova a vola ndi: Henza, nda sola likuva lyange, na nda ku vanzira kisalya; nda kaminya inyanza yeye, na nda kaminya kise nukiru kya madzi kikye.

Mika 7:9

Ndekudzira ku ubutima bwa Yahova, kigira nda mu kolera ubwoni, a luhe a mbere, nokunkolera likalaga: a Iz ndeta mu bulavu, nda lola ubulungi bwibwe.

Habakuk 2:8

Kigira ive wa nuula avetsihiri tsinyingi, avatigala vosi vavandu va la nuula ive, kigira masahi gavandu, na kigira kirage kyekivala yikyo kya kolerwa, nelidala yilyo kandi navandu va menya mulyo.

Malaki 3:5

Na ndisunda ku mwinye himbi mu likalaga; na nda va lilole kidza lya bwangu ku vasegetiri, noku vaheyi, noku yavo avesuhanga ububehi, noku yavo avadambidzanga uyu tungangwa ku madanyi gege, oku yavo avadambidzanga mukunzakali, na avabisandu, na yavo ava kyaminyiranga mumenya ku bulungi bwibwe, na va vula kutia inze, Yahova wa mahe a vola.

1 Samweli 24:12

Yahova a kalage hagati hange nive, na Yahova a vanze kisalya ku ive; navutswa mukono gwange gu la vula kuva ku ive.

1 Samweli 24:15

Kunangwa Yahova a ve mukalagi, a kalage hagati hange nive, na a lole, na a vere makuva gange, na a mbonnye ku mukono gugwo.

1 Samweli 25:39

Na Daudi lwa ya hulira Nabali u mali kukudza, ya vola, A gasidzwe Yahova, wa hing'ana na Nabali ku likuva lyelinyegwa lyange, na ya gaya mutumekiri wewe ku budamano: nelikola lidamano lya Nabali, Yahova ya li galukidza ku mutwe gwigwe mwene. Na Daudi ya tuma mundu na a volerana na Abigaili, a duke kumukwa.