Tsing'ano 21:4 - KITABU KITAKATIFU

⁴ Tsimoni tsyokwegingira, na mwoyo gwoluyai Kali itaya yavekirage, vi veye ubwoni.

Tsing'ano 21:4 ပူးပေါင်းရင်းမြစ်များ

Ayubu 18:5

Yee, ubulavu bwavadamano bu la siminywa Na isese yomuliru gwigwe i la vula kung'ereng'ana.

Ayubu 18:6

Ubulavu mu lihema lilye bu la va kisundi, Na itaya i veye igulu wewe i la siminywa.

Zaburi 10:4

Mudamano mu luyai lwommoni mwimwe a wla, si a la vanza mba. Tsiganagani tsitsye tsyosi tsi veye kuvola, Si ha li na Nyasaye.

Zaburi 101:5

Uyu u gemeranga mutende wewe makiriri, nda mu twulidza: Uyu u henzanga nobwegingiri, na womwoyo gwoluyai si ndekudzira kuye mba.

Zaburi 131:1

Yahova, Mwoyo gwange si gwiyidzominya, kandi tsimoni tsyange si tsyeginganga igulu; Kandi si ntsitsanga mu makuva manene, Kinga mu vindu vinene vyokugenya vyokuvita inze.

Tsing'ano 15:8

Kihaanwa kyomudamano ki veye ubuvihiriridzi ku Yahova; Navutswa lisaala lyavalungi li veye ubuyanzi bwibwe.

Tsing'ano 21:27

Kihaanwa kyomudamano ki veye livihiriridza: Nasindi, lwa a ki letanga nomwoyo mudamano

Tsing'ano 24:20

Kigira avadamano si va li nyola kiheri kilahi mba; Na itaya yomudamano i la siminywa.

Tsing'ano 30:13

Ha veye nelikula, lyeginga lyetsimoni tsyavo li duka ndi Na vigohe vyavo vya gingwa.

Tsing'ano 6:16

Vi veye ho vindu vitano na kilala vya Yahova a dunyiranga; Yee, vitano na viviri vi veye vyokuvihiriridza kuye:

Tsing'ano 6:17

Navyo vi veye, tsimoni tsyokwigingira, na lulimi lwobugadi; Na makono ga tahidzanga masahi ga ta li nekindu;

Tsing'ano 8:13

Litia Yahova li veye kudunyira ubudamano: Luyai, na lyegingira, na inzira indamano, Na umunwa gwobukyamu, ndunyiranga yivi.

Isaya 10:12

Kigira yaga ga la va, lwa Yahova a mala kudukidza miyinzi gyigye gyosi ku kigulu kya Zioni noku Yerusalemi, nda kalagira makuyu gomwoyo mudinyu gwomwami wa Asuria, nobukumi bunene bwetsimoni tsitsye tsyobwegingiri.

Isaya 2:11

Tsimoni tsyavandu tsya diguluka tsi likidzwa hasi, noluyai iwavandu lu linaminywa, na Yahova yeng'ine a li diguluka mu lidiku yilyo.

Isaya 2:17

Noluyai lwomundu lu linaminywa, nekirage kyavandu ki likidzwa hasi; na Yahova yeng'ine mu lidiku yilyo a la kumi nywa.

Isaya 3:16

Kuvita yaga, Yahova a vola, Kigira avakana va Zioni vegingira, na va gendanga namagoti manyiriku, netsimoni tsinyumu, ni va genda ku litematema inzira, nokutuula muliviti gwetsinyambula tsyomu virenge vyavo;

Luka 11:34

Itaya yomubiri gugwo ni imoni yoyo: imoni yoyo ni i veye ing'ima mubiri gugwo gwosi gu veye nobulavu; navutswa ni i veye inda mano mubiri gugwo gwosi gu veye nekisundi.

Luka 18:14

Mmu volera, Mundu uyu ya sulunguta kutsia hango hehe, na a hebeywi ubulungi kuvita wundi: kigira ku vosi wenenehidza a la gehidzwa; navutswa wegehidza a la nenehidzwa.

Varumi 14:23

Navutswa uyu u hayahayidza na a lia, a kalagirangwa kigira a litsa bugira lisuuvira; namakuva gosi a ga ta veye mu lisuuvira ga veye ubwoni.

1 Petro 5:5

Kandi ndiyo mwinye avanyerere, mwegehidze ku vakulundu venyu. Kandi mwinye vosi mwivike ubwegehidzi, mu duke kutumekirana avene navene: kigira Nyasaye a hingiranga avigingiri, navutswa avegehidzi a va hedzanga tsimbabasi.