Tsing'ano 21:31 - KITABU KITAKATIFU

³¹ Iparasi i lombangwa kwetegeka ku lidiku lyobulwani; Navutswa liguuta li veye lya Yahova.

Tsing'ano 21:31 ပူးပေါင်းရင်းမြစ်များ

2 Samweli 23:12

Navutswa Shama ya singira hagati homulimi, na a gu sola, ni yiita Vafilisiti; na Yahova ya kola buhonnyi bunene.

Zaburi 144:10

Ni ive u haananga avami ku ubuhonnyi; Na u honnya Daudi mutumekiri wewe ku kivavi kyobudamano.

Zaburi 147:10

Si a yanzidzwa netsingulu tsyeparasi: Si a sangala ne virenge vyomundu.

Zaburi 20:7

Avalala va suuvira magari, navalala va suuvira tsiparasi; Navutswa kwinye ku la tala lieta lya Yahova Nyasaye wetu.

Zaburi 20:8

Yavo vinaminywa ni va gwiye; Navutswa kwinye ku vuki nokusingira bulungi.

Zaburi 3:3

Navutswa ive, O Yahova, u veye ingavo yange; Ubukumi bwange, kandi u ginganga mutwe gwange.

Zaburi 3:8

Ubuhonnyi bu veye bwa Yahova: Ubugasu bubwo bu ve ku avandu vovo. [Selaha

Zaburi 68:20

Nyasaye a veye ku kwinye, Nyasaye wobuhonnyi; Yahova Mwami a veye mwene lihonnya mu likudza.

Kohelethu 9:11

Na ndirana, nokulola isi weliuva, si va li yavo avetsimbiru ava guutanga mu ligerana, kinga mubulwani si va li avetsingulu ava guutanga, kandi si va li avobugeeri ava nyolanga vyokulia, kandi si va li avelimanya ava nyolanga ubutugi kandi si va li avasidza ava nyolanga liyanzidzwa; navutswa mundu sa mulala a veye ne inyinga yeye na inkavi yeye.

Isaya 31:1

Ubudamano bu ve ku yavo ava sulunguta Egepeti kunyola likonywa ava suuvira tsiparasi na va suuvira magari gobulwani kigira ga veye manyingi, va suuvira avanina tsiparasi kigira va veye avetsingulu, navutswa va vula kuhenza ku Uyu Mutakatifu wa Israeli, kandi si venya Yahova

Jeremia 3:23

Ligali ubukonyi yibu nobwa vutswa bu henzangwa kutwula mu vigulu, muliviti gu veye mu vigulu: ligali ubukonyi bwa Israeli bu veye mu Yahova Nyasaye wetu.

1 Vakorintho 15:57

navutswa Nyasaye a santidzwe u ku hedzanga liguuta kigira Yesu Kristo Mwami wetu.