Tsing'ano 21:2 - KITABU KITAKATIFU

² Tsinzira tsyosi tsyomundu tsi veye tsindahi mu tsimoni tsitsye mwene; Navutswa Yahova a geranga myoyo ku iratili.

Tsing'ano 21:2 ပူးပေါင်းရင်းမြစ်များ

Ayubu 31:6

(Nobulahi ngerwe ku tsiratili tsinungi, Nyasaye a duke kumanya ubulungi bwange);

Zaburi 36:2

Kigira yeyanzidzanga mwene mu tsimoni tsitsye Kuduka ubukyamu bwibwe bu vuli kuvuulika nokudunyirwa.

Tsing'ano 12:15

Inzira yomusiru i veye inungi mu tsimoni tsitsye; Navutswa wobugeeri a huliridzanga makuva.

Tsing'ano 16:2

Tsinzira tsyosi tsyomundu tsi veye tsindahi imbiri wetsimoni tsitsye mwene; Navutswa Yahova a geranga myoyo ku tsiratili.

Tsing'ano 16:25

I veye ho inzira i lolekanga ku mundu kuva inungi, Navutswa kiheri kyayo ki veye tsinzira tsyelikudza.

Tsing'ano 17:3

Ludavo lu veye lwefetha, na mahiga gethahabu; Navutswa Yahova a geridzangamyoyo.

Tsing'ano 20:6

Ku avandu avanyingi va lilwadza sa mulala ubulahi bwibwe mwene; Navutswa mundu musuuvirifu, ni bwaha u nyala kumulola?

Tsing'ano 24:12

Nu u va nu u vola, Henza, si kwa manya yaga; Uyu u geranga myoyo ku iratili, si a lola likuva li veye yo yili? Na uyu u lindanga mwoyo gugwo, si a li manya? Naye si a la tunga mundu sa mulala kuli miyinzi gyigye?

Tsing'ano 30:12

Ha veye nelikula lyelolanga avene kuva vanifu Navutswa si va singwa ubudamano bwavo.

Jeremia 17:10

Inze, Yahova nzidera mwoyo, ngeridza kikenge, nduke kuha sa mulala kuli tsinzira tsitsye, kuli amakuyu gelikola lilye.

Danyeli 5:27

TEKEL; ive u gereywi ku tsiratili, kandi u loleki kuva nobugeheru.

Luka 16:15

Naye ya va volera, Mwinye mu veye avehedza ubulungi imbiri wavandu; navutswa Nyasaye a manya myoyo gyenyu: kigira kya vandu vidzominya ki veye kidamano ligali imbiri wa Nyasaye.

Vagalatia 6:3

Kigira mundu ni yeganagana a veye kindu inyinga ya a ta va kindu, yegada mwene.

Yakobo 1:22

Navutswa mu ve avakoli velikuva, mu ta va avahuliri vutswa navigadi avene.

Likunula 2:23

Na inze ndiita avana veve nelikudza; kandi mavugano gosi ga la manya inze mbeye uyu u ligulanga mu vikenge nemyoyo: na inze nda ha mundu sa mulala ku mwinye kuli miyinzi gyenyu.

1 Samweli 16:7

Navutswa Yahova ya volera Samweli, U ta henza ligondo lilye, kinga ubutambi bweliduka lilye; kigira inze suye uyu: kigira Yahova si a lola kuli umundu a lola; mundu a henzanga ligondo lyegulu, navutswa Yahova a henzanga mwoyo.