Tsing'ano 2:6 - KITABU KITAKATIFU

⁶ Kigira Yahova a haananga ubugeeri; Limanya na limanyeridza ri twulanga ku munwa gwigwe.

Tsing'ano 2:6 ပူးပေါင်းရင်းမြစ်များ

1 Avami 10:24

Na velirova vosi venya mmoni mwa Solomoni, va duke kuhulira ubugeeri bwibwe, bwa Nyasaye ya vika mu mwoyo gwigwe.

1 Avami 3:12

henza, nkoli kuli livola lilyo: na mali kukuha mwoyo gwobugeeri nogwokumanyeridza; kuduka si ha veye nomundu wemira imbiri wowo wa li kuli ive, kinga inyima wowo si a la singira yo wundi kali mulala weliva kuli lilyo.

1 Avami 3:9

Kigira yaga u he mutumekiri wowo mwoyo gwelimanya nduke kukalagira avandu vovo, nduke kumanya hagati hobu lahi nobudamano; kigira ni bwaha u nyala kukalagira avandu vovo ava nene.

1 Avami 4:29

Nyasaye ya ha Solomoni ubu geeri bunyingi nelimanya linyingi, nomwoyo gwobuhaani, kuli umuyeke gu veye ku luginga lwenyanza.

1 Kyetsinyinga 22:12

Na Yahova a ku he tsiganagani nelimanya, kandi a ku he lyeganehi dza ku Israeli; ku yaga u duke kugu mira amalago ga Yahova Nyasaye wowo.

Ezara 7:25

Na ive, Ezara, ku lilonda ubugeeri bwa Nyasaye wowo bu veye mmwoyo gugwo, u viki avakalagi, na avidzo dzi, va duke kukalagira avandu vosi ava veye engereka wo Mugera, yavo vosi ava manya amalago ga Nyasaye wowo; nokwegidza uyu wa vula kugamanya.

Nehemia 7:5

Nyasaye wange ya vika mmwoyo gwange mbugannye avandu vanene, navamehi, navandu, va duke kuvalidzwa kulonda visukululwi. Na nda nyola kitabu kya visukululwi vya yavo ava tanga kwanegira, na nda lola aga ng'odwa mu:

Ayubu 12:13

Ubugeeri nobunyali vi veye halala na Nyasaye; A veye namakuva nelimanya.

Ayubu 12:16

Tsingulu nobugeeri vi veye halala naye; Uyu u gadangwa na mugadi vombi na veve.

Ayubu 22:22

Mwadza, u bugirire lilaga li twulanga mmunwa gwigwe, Na u vike makuva gege mmwoyo gugwo.

Ayubu 32:8

Navutswa mwoyo gu veye mu mundu, Na miyika gya Wanyala Vyosi gyi va hedzanga limanya.

Zaburi 119:104

Nyola limanya mu megidzo gogo: Kunangwa mbihirirwa tsinzira tsyosi tsyobubehi.

Zaburi 119:34

U mbe limanya, na nda gumira itorati yoyo Yee, nda gi gumira nomwoyo gwange gwosi.

Zaburi 119:98

Amalago gogo ga medanga ubugeeri bwange kuvita avasigu vange; Kigira ga veye halala ninze kazozo.

Zaburi 19:7

Likalaga lya Yahova li veye lidukiru, kugirunkannya mwoyo: Lilolekidza lya Yahova li veye lyeligali, kugerihidza avasiru.

Zaburi 19:8

Megidzo ga Yahova ga veye malungi, ga yanzidzanga mwoyo: Lilaga Iva Yahova li veye litakatifu, li kolera tsimoni ubulavu.

Zaburi 51:6

Henza, ive u yanzidzwa na ageligali mugati mwevivero vyange; Na mu vivero viviseywi u la nzegidza ubugeeri.

Zaburi 94:10

Uyu u homatidzanga avetsihiri, si a la va ha amageli Kali uyu wegidzanga mundu ubugeeri?

Kutwula 31:3

na mmali kumwizulitsa Roho wa Nyasaye, mu bugeeri, nomu limanya, nomu busidza bwemiyinzi tsingano tsyosi,

Tsing'ano 6:23

Kigira lilaga li veye itaya; na lyegidza li veye ubulavu; Na lyegidzwa lyeligondokirwa li veye inzira yelivamwoyo:

Kohelethu 2:26

Kigira Nya saye a hedzanga umundu wa a yanza ubugeeri, nelimanya, nelisangala; navutswa a hedzanga wobwoni, linyankana, kuvungidza nokumeda, a duke kuha wa Nyasaye a yanza. Yaga kandi na ga vutswa, nokudidi kana ku imbuudza.

Isaya 54:13

Na avana vovo vosi va legidzwa ku Yahova; nemirembe gyavana vovo gyi la va minene.

Isaya 8:20

Mu tsie ku malago nokulilolekidza ni i va va ta vola ga leng'ana ne likuva yili, ligali ubulavu si bu veye kuvo.

Danyeli 1:17

Kunangwa ku makuva ga avasoleli vane yava, Nyasaye ya va ha limanya nobusidza mmegidzo gosi nomu bugeeri bwosi: kandi Danyeli ya li nelihulira mu malola gosi momu maloto.

Danyeli 2:21

Na a girunkannyanga tsinyinga ne imihiga; a twulidzanga avami, nokuvika avami; a hedzanga avageeri ubugeeri, na limanya kuvo ava veye nelihulira;

Danyeli 2:23

Nsantidzanga, nokukwidzominya, ive Nyasaye wavaguga vange, wa mpa ubugeeri netsingulu, na kalunu u mali kumannya inze likuva lya kwa teva ku ive; kigira u ku vuuliye likuva lyomwami.

Luka 21:15

kigira nda mu ha munwa nobugeeri, bwavasigu venyu va li vula kunyala kuhangala nokutivula.

Yohana 6:45

Ga ng'odwa mu vi tabu vya vaprofeti, Vosi va legidzwa na Nyasaye. Sa mulala u hulira Dada wange, ni yega, yadza ku inze.

Yakobo 1:17

Vikululirwa vyosi vilahi kandi vihaanwa vyosi vilahi vi veye vidukiru vi twulanga migulu kwika hasi kutwula ku Dada wobulavu, weligirunkannya li ta veye kuye kali kiriri kyeligirunkana.

Yakobo 1:5

Navutswa mulala ku mwinye na a va na a daki ubugeeri, a saale Nyasaye, u hedzanga avandu vosi nobuhaani kandi si a vunzulanga: naye a la hebwa.